من يخرجني مأزقي(الخطبة)

[مريم الصابرة]

السلام عليكم اخي
أولا من حقك تختار اهل زوجتك واللي هم اخوال اولادك مستقبلا
ولكن بينك وبين نفسك الطفلة واش ذنبها كان محيطها فاسد وراك تقول هي على خلق هل سألت عليها هي طان هي كيفهم أو لا
إنت ما تأمنش ممكن تكون فتاة صالحة وسط العائلة هذي
نمدلك رأي الشخصي لو انا راجل محال نخليها على جال اهلها وندي ذنوبها
قادر تتزوجها وتمنعهم يجو لدارك من حقك ولما تزور اهلها تكون معاها قادر إنت دير حدود للعلاقة بينك وبينهم
صدقني اخي نعرف عائلة معرفة شخصية يعني واحد ما يصلح ونا متجبرين ومكانتهم فاسدة وسط الجيران ونفس حالتك خطب بنتهم شاب صدقني تزوجها وهو يعرف الوضع ومنعها وراهي تسكن بعيد وصدقني هو يحكي لزوج اختي شخصيا قالو نعم المرأة الصالحة وما ندمش إنو تزوجها
يعني فكر مليح قبل ما تظلمها موفق