البارح الفرنسية واليوم الانجليزية (( وغدوا واش؟))

[غلام123]

المشاركة الأصلية كتبت بواسطة عطر الملكة

اخي غلام

يسعد مساك
و ميغسي على التوبيك النايس

موضوعك هذا ينطبق عليا مؤخرا راه عندي ميول للانجليزي

فكرتني في قصة سيدة من معارفنا


السيدة هذي عايشة في العاصمة و ربي بلاها بوحد العقلية تمرض

السيدة 24/24 تتكلم فرنسي حتى مع الحاجة نتاعنا تحكي فرنسي علما انه بإمكانها الكلام بالعربي و هذي الي حيرتني

المهم انا تركتها على هذ الحالة و بعد اشهر رحت في زيارة لاقاربنا هي تسكن مع اختها فالشقة الي فوقهم حتى قالولي ما سمعتيش الجديد نتاعها قتلهم واش صرى

قالولي راه تاخذ في دروس انجليزي و معولة تهاجر لكندا هي و اختها

الغريب فالقصة انها تعلمت الانجليزي بشكل ملحوظ و صارت تحكي بيه مع كل الناس حتى الناس الأميين مثل الوالدة و الناس يقعدوا غير يشوفوا فيها باستغراب يسمى باش تتواصل مع المخلوقة عاد يلزملك مترجم يرافقك ...................
و بالمناسبة الفرنسية تبقى لغة المجتمع الارستقراطي و زمان سيدات المجتمع الراقي يلزم عليهم يتكلموا فرنسي و الاكثر من ذلك الفرنسية لغة الرومنسية ((مع اني انا خطايتني حكاية الرومنسية هذي نحب شخصية لويزة حنون))
المهم اخي حسين مرة اخرى ميغسي على التوبيك النايس

وعليكم السلام

هههه يسعد مساي ؟؟ دورتيهالي شرقي يا عطر هههه ما عليه

اختي عطر انا لست ضد تعلم اللغات
انا ايضا احب الانجليزية والالمانية وتعلمت كثير امور منهم حتى اني حفضت النشيد الوطني الالماني ذات يوم في وقت النازية وفي الوقت الحالي هههه
لكن موضوعي يخص الفئة الي راكي تحكي عليها

كيما هاد الانسانة ربي يهديها
واش معناها كي تحكي مع الناس بلغة قحة غير لغتها ؟
رايحة لكندا الله يسهل
مي باه شيخ ولا ع عجوز يقولك واش حوالك تقولو فاين
فيها اللوش

وتدخل من باب الكبر لانو زوخ هكا تبانلي وما عرف

اما بخصوص اللغة الفرنسية لغة رومانسية
نقولك اقراي شعر نزار قباني وبعض قصائد عنتر ضرك تفهمي بلي رانا بعاد عليهم بزاف فالضومان تا الرومانسية


هههه
لا تعجبني تصرفات لويزة حنون لكن تعجبني خرجاتها وشخصيتها التي تتحدى كل العقبات