اقتباس:
المشاركة الأصلية كتبت بواسطة soso sirin
السلام عليكم.كاين عائلات بزاف ممكن ماتقبلش برجل بعيد لانو من وجهة نظرهم انو بنتهم ممكن راح تتغبن و اذا صراو مشاكل ماتلقاش ماليها واقفين معاها و حتى و مايكونوش مشاكل يخافو على بنتهم انو ماتقدرش للبعد و ممكن يصرا طلاق و اكثرية العائلات يفضلو بناتهم مايتزوجوش كامل و لا يتزوجو و يطلقو تاني ممكن يقولو انو مايقدروش يسقسو على الطفل مليح بحكم انو الولاية تكون بعيدة .مي كاين عائلات مايهمهش البعد يهمهم الراجل اذا كان راجل مسؤول و قادر يتحمل مسؤولية بنتهم و تاني يشوفو لبنتهم و رايها و اذا هي قادرة تتاقلم مع العيشة الجديدة و البعد لانو كاين بنات بزاف تسهل كلشي قبل الزواج و كي تتزوج ماتقدرش للمعيشة.مي حتى العائلات الي تكون ديمقراطية وتتاكد من انو الراجل مليح و الطفلة قابلة ينقصو النية للواحد لما يقولو انو حنا رانا قابلين مي كاين مشاكل.مي انا تبانلي اذا الراجل يكون مليح و الطفلة عندها قدرة التاقلم و تتحمل البعد عادي سوغتو الحمد الله الدنيا طورت وسائل الاتصال راهي كاينة الوحدا تقدر تعيط لدارهم 24 ساعة على 24 ساعة و ممكن حتا تشوفهم نيشان و الطرقان راهي مليحة .و في التالي الواحد مايعرف وين راه الهنى في البعد و لا القرب و كلشي مكتوب ربي
|
وعليكم السلام ورحمة الله تعالى وبركاته
مرحبا بك اختي الفاضلة وشكرا لمرورك
ردك جمع بعض الاسباب التي في الغالب تتخذها بعض العائلات لعدم تزويج بناتها لولاية او لمدينة بعيدة
لكن بعض الاسباب ممكن ان تحدث لفتاة تتزوج من رجل من نفس ولايتها او قريب ،، شحال من وحدة نغبنت وهيا قدام دارها ،،
الزواج بداية حياة جديدة لكلا الطرفان فهو استقلال للشاب والفتاة وبداية الطريق لتأسيس اسرة لذا اجد ان الارتباط الزائد عن اللزوم بالاهل امر لا فائدة منه ،، و كما ذكرتي ايضا اختاه الان تطورت الاتصالات و اصبحنا نتحدث مع الاهل والاصدقاء بالصوت والصورة و هذا قد يقلل من وحشة الزوجة عكس السنوات الماضية
اظن انو اذا توفرت شروط الصلاح في الرجل فلا يمكن للبعد ان يكون سببا في منع الزواج و في النهاية كلش بالمكتوب .
بارك الله فيك اختي الفاضلة و شكرا لمرورك القيم
بالوفيق .
( تقرير عن مشاركة سيئة )، و الموجودة أسفل كل مشاركة .
2013-06-09, 18:50
العرض المتطور
