ــــــ الاعراس الجزائــــرية ....بين الامس واليوم ــــــــ

[انانيس]

المشاركة الأصلية كتبت بواسطة مريم الصابرة

السلام عليكم اختي بارك الله فيك على الموضوع الرائع
انا قالولي هذيك هي انوسة اللي كانت تزغرت فالصورة ههههههههههه
والله يا اختي الصراحة لم تعد اعراس بل اصبحت مسرحيات للمسخرة والتهريج ويسامحوني المحبات لهذا النوع من الأعراس
العروس تلبس 7 آلاف نوع من الملابس ولكل الولايات نتعب في بلاصتها
الحضور الاخضر والأزرق والأصفر مطلي على وجوه ما تعرفيش العروسة من العازبات والعري ما نحكوش تقولي رانا فالبحر وأغاني صاخبة والعويل وتصفير تقولي مريم وين عرفت كامل هذو قالك عرضتني صحبتي وعارفتني ما نروحش لأعراس قاتلي ماكان والو مجرد بنات وإحنا وفاميلتي وماكان غناء واختك لما راحت قربت سمعت الغنا قلت ماشي هوما ممكن عرس آخر ولما دخلت ولقيت ختها الدخلة عن الباب بانتلي اختها حديدوان عند الباب ما عقلتهاش ولما دخلت يا فرحتاه ملهى ليلي الاضواء والتصفير والعري وليت لدارنا قاتلي يمى والعرس قتلها راني رحت سهرت وجيت هههههههههه
والله عيب نحشمو رانا مسلمين العرس فرحة وحاجة حلال رجع مكان لجمع الذنوب ربي يهدينا شكرا

وعليكم السلام ورحمة الله وبركاته غاليتي "مريومة"
كيف حالك
ارجو ان تكوني بتمام الصحة والعافية
هههههههه والله ضحكتيني ولكني خاطيني الزغاريد ههههه مانعرفش
المهم وصفك رائع اختي مريم نعم مسرحيات للمسخرة والمشكل انها ليست مسرحيات تخص فئة معينة
ان صح التعبير
بل اصبحت تميز الكثيرين
فاغلب الاعراس اصبحت بهذه المظاهر السيئة
نعم اختي مريم غناء وكلمات غير اخلاقية رقص والله نخجل من بعض التصرفات التي تقوم بها البعض
ملابس وتغيير للثياب في كل 10 دقائق على الاكثر
اما الماكياج وتسريحات الشعر صدقت كانت في القديم سمة المراة المتزوجة اليوم كما اسلفت لاتفرقين بين الانسة والسيدة
نضيف امر اخر اختي مريم لما تكون الدعوة موجهة لاسرة معينة بعدد افراد نجد ان تلك الاسرة تحضر وتحضر جيرانها وبنات جيرانها اخوالهم وغيرهم
امر اخر ايضا لاحظته هو عادة سيئة انتشرت في اعراسنا وهي هدية العرس
مثلا اصبحنا فعصر كما اهديتني اهديك
تهديني هدية قيمة لك بالمثل واالعكس صحيح
مرة اختي مريم حضرت عرس صاحبة العرس بنفسها تسجل كل هدية باسم من احضرها والله افكار سلبية فاسدة طغت علينا اصبحنا ماديين جدا وتافهين لدرجة لايعلمها الا الله
ربي يهدينا اختي مريومة
ماقلتيش واش رايك فالقاطو عجبك؟
ههه جزيت كل خير غاليتي على مرورك الرائع