راني مقلقة محتاجة رأيكم

[sirin_25]

أولا ربي يشفيك أخيتي العزيزة باينة متربية ما شاء الله
أكيد ما راكيش غالطة حاولي تتصلي بهاد الام و قوليلها بلي كي ديري هكدا أبوهم ما راح يخسر والو و الاولاد راهم يجيو لداركم ماش لدار باباهم و للأسف معروف بلي معظم الاباء يوليو عديمي الاحساس لأولادهم بعد زواجهم للمرة 2 و خصوصا أمهم طلقها يعني ما يتفاهمش معاها و الاولاد هوما الضحية "الكبار يديروها و الصغار يسلكوها"
قوليلها بلي ما تقدريش تقوميلها بولادها وحدك لانو أمك تروح تخدم فكريها بلي ما عندهمش غيرها و هي الصدر الحنون لي يلجؤو ليه ,,,,,, شكون ليهم من غيرها مساكن و هي شكون ليها من غيرهم ,,, روحيلها من الجانب العاطفي قوليلها كي ما يلقاوكش دركا يجي النهار لي تولي فيه عاجزة و تحتاجيهم و ممكن الشيطان يلعب براسهم و ما تلقاهمش هي تاني

هي أم و ان شاء الله راح يحن قلبها ليهم و ترجع لعقلها لأنها غالطة 100%

أما المرا لي فرقت بيناتهم ما تخافش ربي قوليلها وكلي عليها ربي و خلاص ما تحاولش تتقرب منها و تنتقم و لا دير زكارة ماهيش رايحة تقدر عليها وحدا كيما هادي "شيطانة" و ممكن تجي وحدا من طينتها "مخربة بيوت" و تعاودلها نفس الحكاية فكما تدين تدان

ربي يكون في العون ان شاء الله ,,,,,,,,,,, سلام