أدخلن جميعا توفروا الزيت ...فريت أوملات بلا قليان بطاطا من مطبخي

oum anas 69 · 2013-05-14, 10:09

بسم الله الرحمن الرحيم
السلام عليكم و رحمة الله واش حوالكم حبيبات قلبي إن شاء الله في أحسن حال
اليو جبتلكم طبخة الكل يعرفوها و ماكاش لي ميحبهاش خاصة أولادنا و محبوبة جدا خاصة في فصل الصيف مع قارورة قازوز صنع جزائري ممممممم بحكم حرارة بلادنا ....الحمد لله على كل حال
المهم عرفتوها و هي الفريت أوملات بصح كاين مشكل و هو الزيـــــــــــــــــــت غالي بزاف أمالا خممت فيكم و جبتلكم فكرة إختراعي و هي فريت أوملات بلا قليان بطاطا هكذا تمتعوا أولادكم و في نفس الوقت تقتصدوا في الزيت
المهم نحتاجو كمية من البطاطا و كنت طيبت شوية لحم مرحي باس نحشيها للأولاد

نرابيو البطاطا في الروبو في الديسك الضيق الرقيق هذا هو

نجيبو البيض أنا الكمية لي عندي درتلها 3 بيضات +ملعقتين زيت +ملح+فلفل + على رأس ملعقة قهوة خميرة كيهياوية + نضربهمبالباتور حتى يتضاعف حجمه مليح

نضيفلو البطاطا المرابية +المعدنوس و نخلط حتى ينسجمو مليح بلا ما تحبطي البيض

نجيبو مقلة ما تلصقش نحطو فيها الزيت و هي باردة نفرغوا نصف كمية البطاطا ثم نفرشو اللحم ثم قليل من الجبن أي نوع ثم نغطي بالنصف الباقي من البطاطا

نحط فوقها قطع صغيرة من الزبدة و نغطيها أنا غطيتها بصحن كبيرو نضعها فوق النار على أدنى درجة حرارة

نتركها تتطهى حتى تتحمر من تحت ممكن 10 دقائق ثم نقلبها و هذه أسهل طريقة
نفرغ الخبزة فوق صحن أم مغط كبير ثم نحط فوقها المقلة أي نكبها ثم نقلب الصحن و هكذا تتقلب الخبزة لاحظوا

نزيد نغطيها و نخليها تطيب من تحت مليح ثم قدميها و للتزيين رشي جبن مبشور أو أي شئ ثاني

و الله غير البطاطا طابت زبدة و البنة كيما المقلية تماما و هكذا توفرو شوية زيت و تمتعو ولادكم ورمضان على الأبواب هذا ماينفع في السخانة زيد إقتصادية و صحية و ماتديش الوقت و تقدري تنوعي في الحشودجاج أو طون و تقدميها على شكل تورت بطاطا محشية
إن شاءالله تجربوها و تعجبكم كيما عجبت عائلتي و دعوة خير لعائلتي الكبيرة و الصغيرة و لوالدايا بالشفاء تكفيني و لكم بالمثل إن شاء الله
إنتظروني بحولالله في وصفات أخرى طبعا الإقتصادية

اميرة في دنيا حقيرة · 2013-05-14, 10:31

واو حنونتي تهبل يعطيك الصحة اختراع رائع راني ديت حقي و مخليتش للالهام مكلاه تعرضيها

اوووووووو اوووووووو اوووو انا اول رد يعني ناكلها كامل موتي بقلبك الهام

soumsouma · 2013-05-14, 10:33

هايلة هايلة هايلة
يعطيك الصحة

imene mimicha 05 · 2013-05-14, 10:35

روعة ماشاء الله يعطيك الصحة راكي مبدعة راني شفتها جعت انشاء الله نجربها

أم أولادي* · 2013-05-14, 10:41

ممممممم الله الله خفيفة وتشهي

mama kika · 2013-05-14, 10:44

يعطيك الصحة

djihanegirl · 2013-05-14, 10:46

و ؟أنتا راني فالخدمة و جيعانة و شفت هاد الموضوع راني دخت من الجوع

ساندي 28 · 2013-05-14, 10:56

هايله يا ام انس تشهي بارك الله فيك فكره رائعه تعجبيني كي تتفني في الطياب بالرغم راكي فيالغربه هدا مامنعكش باش تنوعي وتطيبي لاولادك ومازلتي محافظه على عاداتنا والتقاليد في اكلنا الجزائري العريق برافو عليك

مرام 1987 · 2013-05-14, 11:17

يايييييييي يا ام انس ديما تتحفينا بابداعاتك المتميزة ربي يبارك فيك والله غير فكرة مع الزيت ديما ماما تقول لخواتاتي نتوما الزيت تسيقو بيه ؟ عاد شي ما يشد.بارك الله فيك و ربي يحفضلك عايلتك الكبيرة والصغيرة ويشفي الوالدين.

*أم كوثر* · 2013-05-14, 11:21

ممممممممممممممم ياام انس بصحتكم
طبق غني ومشهيتسلمي
للتثبيت

*بيتي مملكتي* · 2013-05-14, 11:22

اممممممممممممم هايل أم أنس

خربشة ناعمة · 2013-05-14, 11:22

يعطيك الصحة اختي
فعلا راهي خفيفة طريقتي كيما انتاعك
لكن كاين اختلاف في طريقة الطهي
انا هادي الوصفة نديرها في المقلاة ندخلها للفرن الساخن حوالي 10 دقايق
و لازم اليد انتاع المقلاة تكون حديد
و تجي بنينة روعة
بارك الله فيك

MAYA07 · 2013-05-14, 11:29

يعطيك الصحة

biba04 · 2013-05-14, 11:30

روووووووووووووعة فكرة هايلة نديرها العشاء يعطيك الصحة

besbes · 2013-05-14, 11:32

الله يجازيك ويحفضلك كل عزيز عليك ويباركلك في صحتك وولادك