موضوع مميز واش طيبتي اليوم الجزء السابع

rofia.sarah · 2013-05-11, 13:45

من فضلك أم ماجد البريك راح يخرج فيا بصح ما يصلحليش شحال ورقة ديول ديري أنا ندير وحدة و يسيحلي البيض خلاص و ساعات تتحلي في المقلاة أرجوك جاوبيني راني طرحت السؤال عل نينافرات و ماجاوبتنيش

إلهام07 · 2013-05-11, 14:00

اقتباس:

المشاركة الأصلية كتبت بواسطة rofia.sarah

من فضلك أم ماجد البريك راح يخرج فيا بصح ما يصلحليش شحال ورقة ديول ديري أنا ندير وحدة و يسيحلي البيض خلاص و ساعات تتحلي في المقلاة أرجوك جاوبيني راني طرحت السؤال عل نينافرات و ماجاوبتنيش

أم ماجد راهي ديرلي في حاجة حلوة ، ماعليش أنا نجاوبك ؟
شوفي حنا نديرو البريك في الديول اللي يتباعو نتاع الفابريكة لاخاطر كبار وزيد ماما ماتحطش البيضة كاملة تهز فقط الصفار والبياض تحط غير شوية لاخاطر يسيح وزيد حنا مانطيبوهش بزاف باش يبقى الصفار سايح ولهذا مانكثروش البياض لاخاطر يبقى نيء حنا نديرو ورقة ديول وحدة فقط
شوفي نحطو الحشو هو الأول ونديرو في الوسط حفرة خفيفة ونحطو فيها الصفار ونغلقو ومباشرة للمقلاة ماتخليهاش تقعد إذا تشمخ البريك ، راهو يتحل أو يتقطع يعني ديري بالوحدة ولوحي في المقلاة ،فهمتي ؟ وساعات الجبن كي يكون نوع ماشي مليح أو كان في المجمد وجبتيه ثاني يفسد البوراك

أم محمد تاج · 2013-05-11, 14:06

لهومة درتهم في كيس الشواء رابيت 4 سنات ثوم مع فلفل أسود وعصير نصف قارصة وملح ومغرف صغيرة فلفل أحمر حار و2 مغارف صغار عسل و2 مغارف كبار زيت خلط المقادير مع بعضاهم وضفتهم للجنحين داخل كيس الشواء وإلى الفرن كي طلقو لاصوص تاعهم حليت الكيس بالمقص باه تتكرمل لاصوص مبعد حمرتهم من الجيهتين ونحيت لاصوص سقيت بيها البطاطا المحمرة

أم ياسين الزهراء · 2013-05-11, 14:20

اقتباس:

المشاركة الأصلية كتبت بواسطة rofia.sarah

من فضلك أم ماجد البريك راح يخرج فيا بصح ما يصلحليش شحال ورقة ديول ديري أنا ندير وحدة و يسيحلي البيض خلاص و ساعات تتحلي في المقلاة أرجوك جاوبيني راني طرحت السؤال عل نينافرات و ماجاوبتنيش

شوفي انا كيفاش نديرو كيما قالت الهام ندير الخطفات المشرين وادا درتي تاع الدار لازم يكونو جدد شوفي ندير شوي بطاطا مرحية مع شوي ملح وفلفل اكحل من الفوق اللحم المرحي طايب ومتبل منبعد البصل المقطع قطع صغيرة الزيتون والمعدنوس ومن الاطراف الفرماج وندير بصباعي حفرة صغيرة ونكسر حبة بيض كاملة ونقفل ونخدم هدي الخدمة في طبسي شوي غامق ونقفل ونلوح في الزيت السخون وبلعقل نقلب وان شاء الله تصلحلكي وولادي يقولولي ماطيبيش البيض مليح بنتها كيسيح هههههههههه ومتنسايش ديري شوش شوي من كل حاجة انا الله يبارك ندير 10 حبات

أم ماجد · 2013-05-11, 14:22

اقتباس:

المشاركة الأصلية كتبت بواسطة rofia.sarah

من فضلك أم ماجد البريك راح يخرج فيا بصح ما يصلحليش شحال ورقة ديول ديري أنا ندير وحدة و يسيحلي البيض خلاص و ساعات تتحلي في المقلاة أرجوك جاوبيني راني طرحت السؤال عل نينافرات و ماجاوبتنيش

اسمحيلي اختي الان فقط دخلت كنت نقلش في الهام درتلها 3 حلوى في ظرف قياسي جدا

من بعد نحطهم

انا ندير بيضة كاملة ماتخافيش ماتسيحش ديري الديول واحدو فقط في صحن حطي البيضة واغلقي ومباشرة الي المقلة وتطهى على نارهادئة
الهام شكرا لردك يا جميل
الحلوى راهي تبرد فقط كنت رايحة نديرهم غدا بصح كي قلت ماتغديتش غضتيني ودرتهم الان بعد قليل مفاجأة

إلهام07 · 2013-05-11, 14:30

مساء الانوار أم لقمان

أم ماجد ربي يعيشك والله تحسيت بالذنب أنت مريضة وأنا نتعب فيك ، وزيد أنا طبقت عدة وصفات وجاو يهبلو وماحبيتش نحطهم ، خليتهم مفاجئة بصح انت قلب طيب ماتحمليش كي ديري حاجة مباشرة تحطيها ممممممممممممواح " تسلملي ياجميل "