همزة وصل بين المعلم و الولي : انت تسأل والمربي يجيبك

[~ حراير ~]

السلام عليكم و رحمة الله تعالى و بركاته

الشيخ عبد الناصر طهور ان شاء الله و لاباس عليك
زود من زيت الزيتون و الزعتر و خليك من دوايات الفرمسيان
راح تبرى ان شاء الله
ماراحش نتعبوك معانا ريح سع و ارتاح

اختي مقدسية على قولك ما ازين الضو و هو شاعل
على سلامتك
و الله يسلمك رانا لاباس الوالدة راهي في تحسن و الحمدلله و لكن بما انها قاعدة و مش تعب روحها

أختي و معلمتنا الفاضلة و الحنونة نشكرك كثير كثير على شرحك
في الحقيقة عندك الحق انه التمرين يحل بهاد الطريقة و تقريبا التطبيق مقيدنا نحلوه بهاد الطريقة
و لكن اذا فلنا 5 لتر حليب تعطينا 2 قطع جبن
13 لتر كم تعطينا
هنا 13 لا راهي ضعف و لا نصف
على هك مضطرين للقاعدة الثلاثية
و بكل صراحة اني فهمتها مليح فيها و درتلها عشرات التمرينات يعني جَغَمْتْهالها و حفظتها فيها بالذراع
المشكل عندي هو انهم ما قراوش القسمة قراو فقط المقاربة يعني وشي هو العدد الي نضربوه في عدد باش يعطينا النتيجة

و هنا راح تدي وقت باش تقسم و هي تحوس على الساهل و الجاهز و تقولي راني فاهمة و هي نص نص

و هنا يظهرلي المشكل الكبير الي راني نعاني منه و بشدة و راني نحاول نتحكم في نفسي باش ما نْخَسَرش لحالة
و هو انهم صارو مدايرين و كأنهم تعطلو و فرات
لأنهم يدرسو احد و خميس فقط و الباقي اضراب
نحاول نحددلهم وقت المراجعة لكن مباشرة مع يكملو يتحولو الى مخلوقات اخرى مع اللعب
و لما نحاول نرجعهم للدراسة ..... يحبلي باش نرجعلهم تركيزهم
على حسب المعلمة لما سألتها قاتلي انه معظم التلاميذ في هاد الحالة و هو الي مصبرني شوية

آسفة جدا عمرتلك راسك بالهدرة
بصح كيما تقولي راني نفاجي على قلبي هيهيهيهيهيه و لقيتك انت قدامي فانفجرت فيك

سلامي للجميع

[عبد الناصر أمازيغ]

المشاركة الأصلية كتبت بواسطة اريج المسك

السلام عليكم و رحمة الله تعالى و بركاته

و عليكم السلام و رحمة الله و بركاته

الشيخ عبد الناصر طهور ان شاء الله و لاباس عليك
زود من زيت الزيتون و الزعتر و خليك من دوايات الفرمسيان
راح تبرى ان شاء الله

لا زيت و لا دوا تاع الفرماسيان
رقدت يومين حتى شبعت و نهضت .

ماراحش نتعبوك معانا ريح سع و ارتاح

و الله كي نهضت راني نحس روحي لاباس

و لكن اذا فلنا 5 لتر حليب تعطينا 2 قطع جبن
13 لتر كم تعطينا
هنا 13 لا راهي ضعف و لا نصف
على هك مضطرين للقاعدة الثلاثية

في مثل هذه التمارين ، أين لا تجد علاقة تناسب بين الأعداد مثل التي شرحتها الأستاذة "أم عبدو" ، أو كما شرحت في الكتاب ، التلميذ يقول فقط أن الوضعية ليست تناسبية ، و لا داعي لاستعمال القاعدية الثلاثية لأنهم غير مطالبين بها في مستوى الرابعة و حتى في الخامسة على ما أظن .
لاحظي جيدا ماذا طُلب من التلاميذ في الوضعية 4 من الصفحة 113 : هل يمكن ملء الجدول المقابل ؟ هل هذه الوضعية وضعية تناسبية ؟
نفهم من هنا أن التلاميذ غير مطالبين بملء الجدول في كل الأحوال ، بل إذا كانت الوضعية تناسبية فقط . و كذلك العمل في الوضعية التي ذكرتها أعلاه ( الحليب و الجبن ) يكفي القول أنها وضعية غير تناسبية ، لأن الهدف أن يدرك الطفل مفهوم التناسبية .

سلامي للجميع

و عليكم السلام و رحمة الله و بركاته .