صور لبعض حلوياتي

[أمل23]

أختي وش نقلك غير يعطيك الصحا داركم راهم شايخين في القاطو ههههه وش نقلك انا راني حرت غير في الباربي و لوكان تعطيني المقادييير نكون ممنونة لييك <3

[ladymillion]

المشاركة الأصلية كتبت بواسطة أمل23

أختي وش نقلك غير يعطيك الصحا داركم راهم شايخين في القاطو ههههه وش نقلك انا راني حرت غير في الباربي و لوكان تعطيني المقادييير نكون ممنونة لييك <3

ههههههههه شكرا ليك يا أختي

راح نعطيك المقادير أنا درت جينواز والكريمة خدمت غير بكريمة الشانتيي واذا حبيتي تشوفي كيفاش نخدمها لانم نتتظريني شوي ههههههههه واذا عندك فكرة فلا باس

المقادير :

9 بيضات كاملة
18 ملاعق كبيرة سكر
18 ملاعق كبيرة زيت
18 ملاعق كبيرة فرينة
4 ملاعق كبيرة جوز الهند { تقدري مديريهش }
قرصة ملح
2 باكيات خميرة القاطو

هاذو تخفقيهم بالخلاط الكهربائي وتدهني الصينيات بالمارغارين وترشي الفرينة وتحطيهم يطيبو ومن بعد كي يطيبو وتخرجيهم خليهم يبردو وحضري الشاربات { كأي ماء + نصف كأس سكر + قطعة ليمون صغيرة } وخليهم يغليو 10 د وطفي النار وشربي الجينواز بالملعقة شوي شوي ما تكتريش وخليها ما بين ما تكوني حضرتي الكريمة


كريمة الشانتيي
{ راح تحتاجي كمية كثيرة
3 كؤوس حليب بارد
21 ملعقة كبيرة غبرة الشانتيي

واخفقيهم في الخلاط مليييييح حتان تتطلعلك كريمة

وهذي هي الوصفة اذا راكي حابة تشوفي تطبيقي اصبري شوي هههههههههه

شكرا بزااااااف