حلوى هايلة ومجربة من مطبخ بشار

[خوخة أم وصال]

صباخ الخير اخواتي
هده وصفة قاطو اعطتهالي خطيبة اخي وجربتها وطلعت هايلة
اترككم مع المقادير:
*12 بيض
* رطل سكر عادي
* 12 مغرف كبيرة فرينة
* 2 خميرة
* فانيلا
*رطل كاوكاو مقلي ومرحي رقيق
* 500 غ زبدة دايبة
الكريمة : 12 صفار بيض +12 مغرف سكر قلاصي تطلعيهم بالباتور مليح حتى يصبح لون الصفار ابيض فاتح
طريقة التحضير:زبدة دايبة +رطل سكر عادي +فانيلا تضربيهم مليح بالباتور + 12 بياض بيض +كوكاو +خميرة +12 مغرف فرينة حتى تتحصلي على عجينة متجانسة وتكون تقريبا سائلة تضعيها في صينية مدهونة ومرشوشة بالفرينة بعد ماتنضج تخليها تبرد وتضعي فوقها الكريمة اللي حضرتيها سابقا وتدخليها التلاجة وتخليها نهار كامل حتى تجمد الكريمة يعني لما تحطي اصبعك فوقها ماتلصقش فيه الكريمة وتزينيها بخطوط شيكولا وترشي عليها ماتملكين من المكسرات حبدا لو يكون فستق وادا ماعنكش تقدري تحطي كوكاو مبشور
تقطعيها كارويات او معينات تم حطيها في صحون ورقية وبالهنا
جربوها وردوا عليا

[نورة]

بارك الله فيك يعطيك الصحة

[عائشة حسان]

بارك الله فيك اختي

[أم القادة]

بارك الله فيك

[mimicha1977]

[ياسمين177]

بارك الله فيك اختي

[شوشو145]

يعطيييييييك الصحةتستحق انا نجربوها

[ام محمد78]

شكر جزيلا للطرح القيم
ننتظر المزيد من الابداع من اقلامكم الرائعه
تحيتي وتقديري لكم
وددي قبل ردي .....!!

[faryal zahira]

من الشرح تبدو لذيذة ساجربها وارد عليك