** وصفات الشاف مصطفلى بسعدي بإذاعة الشلف **متجدد كل يوم أربعاء بإذن الله * - الصفحة 16

pubvision · 2013-04-25, 02:29

بارك الله فيك

أم هجورة · 2013-04-25, 08:51

مشكورة اختي على الوصفات
جزاك الله خيرا

faizarbh · 2013-04-25, 11:05

اقتباس:

المشاركة الأصلية كتبت بواسطة bahlouma

salam les fille chkoun li sma3 tajin el hlou li darou el youm y9oulhouna
et merci

راني رايحة نحط الوصفات اختي

faizarbh · 2013-04-25, 11:08

وصفات يوم الأربعاء24-04-2013
شرمولة القرنون:
2 حبات بصل مقطع مربعات و نرشهم بشوية فرينة ، ملعقة زبدة و فنجال شاي زيت و صدر دجاج مربعات و فنجال شاي ماء دافئ و 2 حبات طماطم مقطعة مربعات و ملعقة أكل طماطم مصبرة محللة في الصلصة التالية: نص كاس ماء دافئ و 2 ملاعق زيت و 2 سنات ثوم و معدنوس و حبة طماطم مطحونة نحتاج عصيرها و فلفل عكري.
و نحتاج كمشة كبيرة معدنوس و كاس روز مغلي و كيلو قرنون منظف و مغلي و مقطع دوائر و القنون نغلوه في ماء و ملح و فرينة و خل و قطعة ليمون.
في مقلة ندير زبدة و الزيت و نقلي البصل مدة 15د ثم نضيف الملح و الفلفل و فلفل عكريو شوية كمون و صدر الدجاج مقطع صغير و نزيد نقليهم 15د أخرى ثم نضيف 2 طماطم مكعبات و ملعقة أكل طماطم المحلله في الصلصة السابقة و معدنوس رقيق و فنجال ماء سخون و الروز و القرنون المقطع و المغلي و نخليهم 10د و نطفي.

طمينة بلمسة عصرية:
في طاجين نحمص رطل سميد بعدها نحطوه قي ليان و نرش عليه فنجال أتاي ماء زهر بالتدريج و نخليه يرتاح 15 أو 20د
في ليان آخر ندير 250غ غرس و نطروه بشوية ماء زهر + ذرة قرفة و قرنفل مطحون و 2 ملاعق أكل سميد محمص و نخلطهم كلهم و نديرهم كريات صغار قد حبة الحمص و نخلوهم يريحو.
بعدما ارتاح السميد نزيدلو نص كاس زبدة ذايبة + 2 ملاعق أكل حلوة ترك و كاس عسل عاقد و 2 ملاعق أكل معجون مشمش و نخلط الكل.
نعمل كرات طمينة و ندير في وسطها حشوة الغرس و نغلق عليها مليح و كي نكملهم كلهم ندير عليهم قطرات عسل ثم نرش عليهم بيستاش أو أي مكسرات و نحطهم في لي كيسات.

طاجين الحلو :
كي نحبو نحضرو طاجين حلو نجرب هاد الطريقة و قال الشاف انو يجي رووووووووعة
ناخذ كمية العينة ( البرقوق) و المشماش الجاف و الزبيب نحطهم في كاسرونة و ندير معاهم الماء و فنجال خل و مغرف ملح و ننقعهم نص ساعة ثم نصفيهم من الماء و نلاحظ الماء أصبح اللون تاعو أسود ثم نعاود نشللهم بماء آخر و نصفيهم و نحطهم في طاجين + سكر + قشور الليمون+عود قرفة+قشور برتقال و نطيبهم 10د و نمرق عليهم إما بنص كاس ماء بارد+ نص كاس ماء زهر أو نص كاس ماء زهر + نص كاس عصير برتقال و ممكن نديرلو تفاح مفور و شوية زبدة و نحطوه فالطبق و نحط عليه الحلوة تاعنا.

بسبوسة:
2 كيسان خبز يابس مرحي ، نص كاس سميد حرش، 4 بيض ، كاس سكر ، مغرف قهوة قشور ليمون ، خميرة حلوة ، فنجال أتاي زيت ، و نخلطهم و نفرغهم في مول على ورق زبدة و نثقبها فالوسط ( نخلط المواد الجافة ثم نزيد عليها السوائل) و نغطيها بورق ألمنيوم و نثقبها و نطيبها 30د و كي اطيب نديرلها الشاربات

أكلة للصغار من سنتين إلى 3 سنوات:
2 حبات بطاطا مقطعة مربعات و مفورة ، نحطها في مقلة مع ملعقة زبدة و نديرها على النار حتى تحمار شوية ثم نديرها في مول الغراتان و ندير عليها جبن أبيض و شوية ملح و فلفل و ندير عليها صفار البيض و ندخله الفرن 5د و نطفي عليه و نقدمها مع سلطة خس.

تم بحمد الله
لا تنسوني بدعوة خير

أم شيماءْ · 2013-04-25, 16:15

يعطيك الصحة يسلمو

aziza05 · 2013-04-25, 16:32

mille merci

heaven's road · 2013-04-25, 21:22

مشكورة على المجهود

yarasmin26 · 2013-04-26, 13:00

الو الو راش راكي يافايزة
تحيرت اعليك مكيش اتباني ولا المطر داير حالة عندكم ولا الانترنت ثقيلة
جربت الدجاجة في الكيكوطة هي مليحة بصح بنة الخل والحموضة كثيرة كي جربيها نقصي لكمية الخل الابيض
تلقيت البارح مع مصطفى قدملي وصفة لحم الحلو بصح سريع سريع كاين الي رفدتها في راسي وكاين لا
وقالي لحم الحلو تاع كمية 500 شخص راهم ايديروه ب2 قارورات تاع عصير بانش والماء و................... مكمليش الوصفة وقالي اجي روعة

faizarbh · 2013-04-27, 07:44

اهلا ياسمين واش احوالك رراني كتبت وصفة الحلو ، راني غير هنا ما تخميش بصح الضياف راهم يجو عندنا بزاف هههههههه كا ما نجي نكتب يجو و نخلي الميكرو و نروح

hanan18 · 2013-04-28, 22:00

اقتباس:

المشاركة الأصلية كتبت بواسطة yarasmin26

اليكي وصفة كرام ديسار تاع مصطفى
خلطي كل شيئ بارد في بارد{2 كوب حليب+رشة زنجبيل+حبة موز مقطع قطع صغيرة+4 م ك+1/2 تاع مايزينة+4 م ك سكر+ حلوة الترك خلطي كل شيئ ومنبعد ديري فوق النار ختى يثقل ويقدم في اكواب ويترك يرتاح خارج الثلاجة30 د ثم يوضع في الثلاجة

السلام عليكم
بارك الله فيكي على الوصفة
جربتها ولكن جاءت ثقيلة وناقصة سكر؟؟؟؟؟؟؟

faizarbh · 2013-04-29, 11:34

اقتباس:

المشاركة الأصلية كتبت بواسطة hanan18

السلام عليكم
بارك الله فيكي على الوصفة
جربتها ولكن جاءت ثقيلة وناقصة سكر؟؟؟؟؟؟؟

السكر اذواق اختي انتي ديري على حساب واش تحبي و جات ثقيلة ممكن كثرتيلها المايزينة مرة اخرى نقصيلها

hanan18 · 2013-04-29, 20:50

اقتباس:

المشاركة الأصلية كتبت بواسطة faizarbh

السكر اذواق اختي انتي ديري على حساب واش تحبي و جات ثقيلة ممكن كثرتيلها المايزينة مرة اخرى نقصيلها

شكرا اختي يعطيك الصحة

mumuh · 2013-04-30, 15:57

merci pour les recette
concernant TADJINE HLOU
ou es ce qu'elle est la viande? é svp par ton expérience qu'elle est la quantité du sucre é ce qu'il ya une mesure à prendre
????

ورد قسنطينة · 2013-04-30, 16:46

ااختي فيوزة انا من قسنطينة معرفتش كيف اتبع وصفات الشيف مصطفى هل من مساعدة

ورد قسنطينة · 2013-04-30, 16:52

هل ممكن وصفة الشيف يوم 14.04.2013