السلام عليكم و رحمة الله تعالى و بركاته
اواااااااااااااااااااااااه يا الفحلات نتوما الصباح تهدرو و تتحكاو خبروني ارجوكم وقتاش يكفيكم الوقت للخدمة
انا صرت الميكرو نخاف نقعد حذاه على نلصق فيه
اليوم بكل صراحة ماعندي مادرت من الي نضت الصباح و انا مع دراسة البنات فهمت اريج في الهمزة المتطرفة هبلتني معاها تقولشي نقراو في النضرية النسبية مش في املاء
و فهمت سلسبيل في طريقة حل المسائل جنتني هوما اصلا قراو عملية الجمع فقط بصح تحب تعاند خواتاتها تقولي نديرو عملية ضرب ندبرو ناقص هبلتني
اما افنان فهي الي قاتلهم اسكتو مافهمتش صيغة الجمع ديما تخلطهولي مع المثنى و المؤنث
المهم نبداو من الأول الجانب الديني الحمد لله
الجانب الجمالي ثاني لاباس اليوم
الشغل ماقمتش بالعميق و الدار من امبارح مقضية طيبت الغداء مرقة جلبانة و العشاء سلاطة ماسيدوان حشيتها في القرنون و بدون خبز
هاه يا ميمي وش رايك العجين مادرتش بيه خلاص
الرياضة درت حركاتنا المعتادة و زدت درت حركات المشي لقيتها في اليوتوب
هذا باختصار شديد و انا هاد وين كملتي شغلي و قابلت الميكرو دخلت مباشرة هنا لأنه قبيلة كنت في منتديات التعليم
صلوحة عندك تنقصيلي النقاط راني قلت نبدا في الصالة السمانة الجاية في عوض الكوزينة الي درتها
هاه براءة؟؟؟؟؟
( تقرير عن مشاركة سيئة )، و الموجودة أسفل كل مشاركة .
2013-04-17, 20:50
العرض المتطور
