واش طيبتي اليوم ؟الجزء الرابع

[touta2010]

هاي الهام القلوب اضن انها حلوة الطورنو

[ساندي 28]

ام ماجد هاذاك القاطو لمن .اخت زهوان ماشاء الله قاطو هايل قوليلي كيفاش عمملتي القاطو الي على شكل اهرام غريبيه ولا حاجه اخرى

[zhor1970]

السلام عليكم و رحمة الله احلى بنات و احلى امهات حبيت انكون معاكم في هاد الطبعة الرابعة و كنت غايبة في الطبعات الاخرى لانو كان عندي ظروف صحية و اليوم حبيت انشارك بغدايا تاع اليوم :



هذا ارز ام اياد جربتو و جا بنين بزاااااااف

و قدمت معاه سلطة فلة:




و هذا مطلوعي :




تفضلوا بصحتكم

[ساندي 28]

مائده تشهي زهور يسلم ايديكي حبيبتي وهداك المطلوع امممم

[بريق الامل&]

بومفور الهام من مطبخ بروقة

[بريق الامل&]

الف لباس عليك اهلا و سهلا بيك الاخت زهور في مطبخنا المتواضع نزلت اهلا وحللت سهلا اظن انك احدى المتسابقات للطبعة الثالثة لشاف كوزينتنا
طيابك يشهي باينة شاف ونص
يعطيك الصحة

[إلهام07]

المشاركة الأصلية كتبت بواسطة touta2010

هاي الهام القلوب اضن انها حلوة الطورنو

ما كانش صورة توتة ، أنا أصلا مانعرفش واش هي حلوة الطورنطو ، مانعرفش الأسماء

المشاركة الأصلية كتبت بواسطة omnadjem.10

ام ماجد هاذاك القاطو لمن .اخت زهوان ماشاء الله قاطو هايل قوليلي كيفاش عمملتي القاطو الي على شكل اهرام غريبيه ولا حاجه اخرى

أم نجم هاذاك القاطو نتاع العرس نتاع أختي كنت نحوس عليه قاتلي أم محمد سراج حطيهولي نشوفو وفسدتلي الكارت ميموار

المشاركة الأصلية كتبت بواسطة zhor1970

السلام عليكم و رحمة الله احلى بنات و احلى امهات حبيت انكون معاكم في هاد الطبعة الرابعة و كنت غايبة في الطبعات الاخرى لانو كان عندي ظروف صحية و اليوم حبيت انشارك بغدايا تاع اليوم :



هذا ارز ام اياد جربتو و جا بنين بزاااااااف

و قدمت معاه سلطة فلة:




و هذا مطلوعي :




تفضلوا بصحتكم

ألف سلامة عليك زهور
من فضلك حاولي تعدلي في حجم الصور قبل تحميلها ماقدرتش نشوف طيابك الصور كي تكون كبيرة من الصعب باش تطلع
هاذا وين شفت طيابك ، يعطيك الصحة ، كل شيء يشهي والتطبيقات محترفة أما التقديم والديكور ماعندي مانقول

[faizarbh]

صباح الخيرات عليكن
واش احوالكم اليوم انا جبتلكم البوراك الله غالب توحمت على بوراك ام كوثر يشهيني دايما وجدتو البارح فالليل و اليوم كي جيت للدار غير قليتو برك و صبت ماما دايرة شوربة الجاج
و راهي دارت هاد الحلوة لقهوة العشية دارتها البارح

[بريق الامل&]

كملولي ايقونات الشكر باش نشكركم
فايزة قربي اهلا وسهلا بوراكاتك تشهي اممممممممممممممممممممممممممم
ولا حلوة الماما تحفة ربي يخليهالك
توحشناك بطلة المسابقات

[إلهام07]

أهلا فايزة ويعطيك الصحة بصح من فضلك أعطيني رابط نتاع البوراك ماشفتش باللي أم كوثر دايرة موضوع نتاع بوراك

[houdehoud]

السلام عليكم ان شاء الله تكونو لاباس هادا غدايا بطاطا كوشة مع جريوات

اليوم الاء هبلتني شريت الخبز بصحتكم الغداء

[ساندي 28]

الهام هداك القاطو خدمتوه في المنزل ولا كوموند هايل .بريق بصحتك البومفور نتاع الهام .شحال درتي طماطم الباطه وماجاكش حامض .فايزه اكلك يشهي وخاصه الحلوى كيفاش خدمتوها راهي تشهي

[zhor1970]

المشاركة الأصلية كتبت بواسطة omnadjem.10

مائده تشهي زهور يسلم ايديكي حبيبتي وهداك المطلوع امممم

الله ايسلمك حبيبتي وطيابك ايضا لا يعلي عليه

مشكوورة

[zhor1970]

المشاركة الأصلية كتبت بواسطة إلهام07

ما كانش صورة توتة ، أنا أصلا مانعرفش واش هي حلوة الطورنطو ، مانعرفش الأسماء

أم نجم هاذاك القاطو نتاع العرس نتاع أختي كنت نحوس عليه قاتلي أم محمد سراج حطيهولي نشوفو وفسدتلي الكارت ميموار


ألف سلامة عليك زهور
من فضلك حاولي تعدلي في حجم الصور قبل تحميلها ماقدرتش نشوف طيابك الصور كي تكون كبيرة من الصعب باش تطلع
هاذا وين شفت طيابك ، يعطيك الصحة ، كل شيء يشهي والتطبيقات محترفة أما التقديم والديكور ماعندي مانقول

الف شكر ليك حبيبتي تشجيعك علي راسي


الف الف مبروك لاختك العروسة رتي ايهنيها

والحلويات رووووووووووووووووووووووووووووعة ما شاء الله

حبيت انسقسيك الحلويات تاع الفاكهة مخدومة والل مشرية

بالنسبة للصور راني زعم عدلت فيها عندي تخرج نورمال

الف شكر ليك

[إلهام07]

المشاركة الأصلية كتبت بواسطة بريق الامل&

بومفور الهام من مطبخ بروقة

آآآآآه يا العرب ضاربة النح وحاطة اليد في بومفور و خليتيني نضرب في العدس
بصحتك بروقة ـ بصح يبانلي ناقص شوية طماطم ؟أو الصورة ضاوية بزاف المهم أنا صحني كثريلي فيه الزبدة راهي تبننو هههه راني نعرض في روحي لاخاطر متفاهمين اللي يدير بومفور يخليلي صحن ، هاذا قانون

المشاركة الأصلية كتبت بواسطة omnadjem.10

الهام هداك القاطو خدمتوه في المنزل ولا كوموند هايل .بريق بصحتك البومفور نتاع الهام .شحال درتي طماطم الباطه وماجاكش حامض .فايزه اكلك يشهي وخاصه الحلوى كيفاش خدمتوها راهي تشهي

حبيبتي فقط الفواكه كومونديناهم من العاصمة الباقي درناهم حنا ، خالاتي كامل عاونونا في القاطو ومازال هنا ماكانش صور المقروظ وقريوش الوردة ماشفتش الوصفة نتاعو هنا في المنتدى بصح كون يعطيوني 100000دج على الموضوع مانديروش ههههههه يقرن