فرحة النجاح

[soso sirin]

انا الفرحة تاعي وحدها كل مانفرح لازم نبكي نهار الباك والله وحدو كي قالولي راكي جبتيه ماحسيتش بروحي حتى وصلت لبابا و هاذيك الفرحة الي شفتها في عينيه ماننسهاش كامل لانو تعبتو معايا بزاف العام الاول ماجبتوش حتى هبلتو ظل رايح جاي عندي و حتى نهار جبتو ماجبتوش بمعدل مليح كي صابني نبكي قالي المهم جبتيه و ريحتي و اذا باغية عاوديه.ربي يفرح كامل الي فوتوه لانو والله مكانش كيما فرحة النجاح و تحس بيها تاع الصح كي تشوفها في عينين الوالدين ربي مايحرمها حتا لواحد ان شاء الله

[*أمنيآت لآمتنآهية*]

والله صح،فرحة النجاح عندها طعم خاص
لكن للأسف الشديد ايامنا هذي خصوصا فرحة الباك سرعان ما تنتهي نهار يمدولك الاختيارات وتلقى أحلامك تبخرت ورايح للجامعة تقرا حاجة أنت عمرك ما خممت فيها
على العمرم مبارك لكل الناجحين مسبقا وربي يوفق

[youcef salah]

المشاركة الأصلية كتبت بواسطة soso sirin

انا الفرحة تاعي وحدها كل مانفرح لازم نبكي نهار الباك والله وحدو كي قالولي راكي جبتيه ماحسيتش بروحي حتى وصلت لبابا و هاذيك الفرحة الي شفتها في عينيه ماننسهاش كامل لانو تعبتو معايا بزاف العام الاول ماجبتوش حتى هبلتو ظل رايح جاي عندي و حتى نهار جبتو ماجبتوش بمعدل مليح كي صابني نبكي قالي المهم جبتيه و ريحتي و اذا باغية عاوديه.ربي يفرح كامل الي فوتوه لانو والله مكانش كيما فرحة النجاح و تحس بيها تاع الصح كي تشوفها في عينين الوالدين ربي مايحرمها حتا لواحد ان شاء الله

رد جيد ومميز .
صحيح ان الانسان أحيانا يبكي من كثر الفرح وأكثر شيئ يزيد الانسان فرحا هو أن يرى الفرحة في عيون والديه .... شيئ رائع