الدورة الخامسة لفن المكرامي

[sondse1]

المشاركة الأصلية كتبت بواسطة محبوبة امي

اه راكي غرتي ولا واش ههههههه .....لالا معليش حبيبتي ان شاء الله راح يوفقو بين الدورات....هم فرحاني بهدا الفن الجديد على بيها راهم نساو شوية درس التطريز ...معليش حبيباتي كملو درس الاخت كرونو باش متزعفش مني و تقول راني ديت بناتها و كملو المكرامي من بعد .......زين رانا متفاتنين على البنات ههههههههههه

هههههه والله والو استاذتي بالعكس نفرح كي يعودو لبنات يتعلمو ويتنافسو باه يطبقو وكل وحدا تطبيقها يجي مليح
مي و الله غاضتني كرونو دارت الدرس و ماكان حتى وحدا طبقت حتى انا و فيفي اللي كنا نطبقو من الاولين ما طبقناش
انا الله غالب جاتني ظروف و مام راني نطبق فيه و باذن الله نكملو و نحطو غدوا ولا بعدو بالكثير
و مانيش حابة لبنات يتكاسلو في اخر درسين و كيما يقولو ناس زمان على اخر سبولة قطع صبعو
مع انهم في بداية الدورة كانو ناشطين و تاني ما كثرناش الدروس وكاين وردات مازالو ما تعلموهمش مي عطينالهم اغلبية الورود الشائعة و المستعملة بكثرة
وزعما نزيدلهم دروس مي كي شفتهم بداو يتكاسلو قلت لفيفي نحبسو الدورة و كانت حبيبتنا كرونو توجد في درسها و فعلا درناه و زعما منو نكملو الدورة لكن كنا مواعدين احدى العضوات " العضوة كيا " باه نديرولها لي ناب + علاقة المفاتيح
ولازم نوفيو بوعدنا
على هذيك راني نعيط للبنات باه يكملو الدورة و يبقاو متفرغين للمكرامي و حوايج اخرى

ما تزعفيش مني استاذة و الله ماذا بيا كامل لبنات يتعلمو اكثر من حرفة لانو الحرفة مليحة في ايد الطفلة و تساعدها

ربي يوفقهم كامل و يرزقك بالذرية الصالحة استاذتنا الغالية