؟؟؟

[- بصمة خير -]

الان انت راك خاطب هذه الفتاة

و ماكنتش صادق معاها قلتها بطلي الخدمة نسكن مع العايلة

مامديتش فرصة لك او لها من أجل انجاح هذه العلاقة

و نقلك ان هذه الطفلة راه علابلها راك تحوس تبطل منها

و لكن مش قادرة تهدر لانها تقول بعد الزواج يتبدل و نخليه يحبني -تفكير اغلب البنات-

و راهي كل يوم تبكي و تقول ماعنديش الزهر و هذا الكلام

ظلمتها و طلمت نفسك في الفترة هذه

البنت هذه ماخليتهاش تكون معاك بشخصيتها الحقيقية

كل يوم تهدد فيها بالانفصال

على الرغم اني ضد الطفلة اللي تتصرف هكذا تقدم تنازلات من اجل ان لا يتركها رجل

و لكن كل واحد و ظروفوا

لو ماتمدلهاش فرصة تندم حياتك كامل حتى لو تتزوج بلي تحبها

تحس انك ظلمتها و دمرتها

اي بنت تحلم بالزواج و العائلة و الامومة هذا غير كلام الناس اللي مايرحمش

زعمة الزواج بيدنا حنا البشر

المهم

انت تعامل معاها بلطف بحنانة و انك مش رايح تتخلي عليها

خليها تخدم اذا انت مش معارضي عمل المرأة

قوللها نسكنوا في البيت المستقل

فرحها و خليها تكون هي مش الشخص اللي انت خليتها تكون هكذا

و الله راهي مسكينة في حالة الله يعلم بيها و بسببك


في هذه الفترة داوم على صلاة الاستخارة

بعد كل فرض صلاة الاستخارة

و أكثر اذا قدرت

الاستخارة مش شرط حلم

ممكن حلم و ممكن انت تحبها تولي انت تحب تكمل معاها
ممكن تكرها خلاص و تقرر الانفصال و الانفصال يكون بهدوء
ممكن هي اللي تقرر الانفصال

و ممكن ألف حاجة

كن معاها صادق ماتقللهاش كلام مش من قلبك لانها تعرف

قل الصح و ماتكبذش عليها

__________________________________

بالنسبة اللي تقلشك استعمل كلمتك

هذا حقك و حق اي رجل

و المرا تاني حقها تتقلش

و هذا لا علاقة بالعمر

مرة قريت في منتدى اخر وحدة تقولك نعرف ان المكياج و التعطر و اللبس للزوج مليح و لكن تعجر


على الرغم انها تدي الاجر و لكن تعجز -> الله أعلم بظروفها و لكن نعلق على الكلمة فقط

و كاين ام صديقتي كبيرة راهي جدة الان الله يبارك
صديفتي تحكي و تقول تصبغ شعرها و تلبس و تتعطر تروح للحمام -انا أعترض على الحمام و لكن يدل على الاهتمام بالنفس-

هذا لا علاقة بالعمر

علاقة بالشخصية و ايمان المرا
__________________________________

هذا رأيي و انا مانقدرش نقلك انفصل عليها

لانك اصلا لا تحاول انجاح العلاقة

و ماديرش مقارنة بين خطيبتك و اللي تحبها

لانك تظلمهم في زوج

كل شخص عندوا ايجابيات و سلبيات
__________________________________