فوائد الحياة داخل العائلة الكبيرة

[نسائم الهدى]

المشاركة الأصلية كتبت بواسطة عُضو مُحترم

ماكاش افضل من السكن مع الاهل و العائلة الكبيرة

قلنا هكذا يا أخي محمد
طاحوا علينا بدعاوي الشر عافاك الله
وقالولنا سوووووووووور كي تعيشوا مع العايلة الكبيرة يصراولكم دي بروبلام وتحصلوا عرضي
الله يلطف بينا ويبعد علينا دعاويهم

المشاركة الأصلية كتبت بواسطة فتـ حييةـاة

بعيـــد الشر عليا
انا صح مش متزوجة وراني بعيدة على الوضع بصح نعرف نسا سكنو مع ازواجهم من صبيحة العرس وصرات بيناتهم مشاكل وتطلقو يعني لا عجوزة تحكم ولا اخت الزوج تتدخل ومع هذا حدث طلاق ؟؟؟ اذن العائلة الكبيرة ماعندها حتى دخل كي يبغو المشاكل يدخلو يدخلو المهم والاهم انهم مايكونوش من طرف الزوج يعني مهما حدثو مشاكل مع اهل الزوج ويكون معاهم زوج فحل مانخافش على روحي المهم مايجونيش منه هو
صدقيني اختي كلش يفوت ومايبقى فالواد غير حجارو يجي نهار وتفترق العائلة وكل واحد يروح وحده ومايبقى غير العيب اذا جات على شغل الدار مافيها والو مايقتلش ..........اذا جات على الحجاب ندير روحي راني خدامة في كاش ادارة ولازم ندير حجابي ......... اذا على الاطفال لما يتشاجرو عادي حتى لو نسكن لروحي يخرجو برا يلعبو ويتشجارو مع الاطفال واصلا حنا الكبار واش دخلنا فالاطفال ياك واحد يضرب الاخر وبعد اقل من ربع ساعة تلقيه يلعب معاه
من هذا الجانب ماعندي حتى مشكل ندعي ربي يكون زوجي كيما راني متمنية وكلش يهون باذن الله

بارك الله فيك اختي أمال
ونقولك سبقي الخير تلقاي الخير
ولمعلومك أنا كان عندي زوجات أعمامي عايشين في بيت جدي في خمسة الله يبارك ولا مرّة في حياتهم دوسوا على جال لي بيبي
وديما كي نروحوا لعندهم يضحكوا ومتفاهمين
ونهار فرج ربي عليهم ورحلوا يتعانقوا ويبكوا على بعضاهم كي الدراري كي الخواتات
وما عاشوش مع بعضاهم عام أو عامين وإنما أكثر من 15 سنة والصغيرة فيهم اللي بقات دركة مع جدي وجدتي عاشت معاهم 5 سنين
ودركة كي راحوا الكل ما تتصوريش شحال يحبوا يلتموا في بيت جدي ويتفكروا ذكرياتهم مع بعض
ربي يعطيك على قد قلبك ونيتك اختي أمال
وربي يبعد عليك كل شر
وإن شاء الله ندخلوا أنا وانت في يوم من الأيام للمنتدى ونحكولهم على العيش وسط العايلة الكبيرة من زاوية مغايرة تماما لما يرونه هم ولما يتمنونه لنا
بارك الله فيك عزيزتي

المشاركة الأصلية كتبت بواسطة * أمّ محمّد يوسف *

لاأحد ينكر أن العيش في العائلة الكبيرة وسط الأعمام والعمّات له فوائده خصوصا بالنّسبة للأطفال يعيشو في جوعائلي يتعلّمو يحبّو أفراد العائلة نتاعهم وهذا عن تجربة أنا عايشة في بيت عائلي كبير فيه 14 فرد وعادي عايشين متفاهمين مع سلافاتي وسلافي وعجوزتي وشيخي وللّه الحمد والمنّة نتعاونو في الشّغل نقدرو ظروف بعضانا ماكاين حتّى مشكل وحنا زوجات الإخوة بين ثلاثة نديرو الخمار في الدّار ونخدمو شغلنا عادي السخانة صحّ كاينة بصّح صابرين حتّى يفرّج ربّي وأكيد مع الوقت ماراحش نقعدو هك لأنّو العايلة راهي تكبر ولكن إلى ذلك الحين عايشين دون مشاكل النّسا متفاهمين والرّجال كيف كيف
ومشكل السّكن في بلادنا راهو صعيب قليل اللّي يقدر من نهارو يسكن وحدو ولازم على الأقلّ يبقى واحد مع الوالدين ماشي ربّاو وسهرو وفي كبرهم مايلقاو حتّى واحد يونّسهم ،أنا عندي وليدي كيما مانحبّش يخلّيني وليدي وحدي مانحبّش نسيّف على راجلي يخلّي والديه على جالي إدا سهّل ربّي وسكنّا وحدنا اللّهمّ بارك ويلاماسهّلش عادي نتقبّلها لأنّو كما تدين تدان والدّنيا سلف ودين
شكرا أخي على الموضوع والسّلام عليكم

تماااااااااااااااما كيما عايشة أم محمد يوسف مع عائلة زوجها
أرجوا من الله أن أعيش مع عائلة زوجي
وأرجوا من الله أن يكون حماي وحماتي مثل حماها وحماتها
وأن يكون إخوة زوجي مثل إخوة زوجها
وأن تكون سلافاتي مثل سلافاتها
وأن تكون أخوات زوجي مثل أخت زوجها(اللي هي المتحدثة)
ونقولك حاجة سمر
دركة الكل يكذبوك ويقولوا بلي راكي تحكي هكدا كي عاد راني هنا (يعني خفتي مني )
سلااااااااااااااااااااااااااااااااااام