في التاريخ و الجغرافيا ركزوا على ....

[ILHAM18]

شكرا وجعلها الله في ميزان حسناتك

[فريال المحتاجة عفو الله]

الشعبة : علوم تجريبية
يااااااا رب يطيح هذا أو حوايج ساهلين نعرفوهم الكل و نخدمو الكل مليح ان شاء الله

سلام إخوتي

[فريال المحتاجة عفو الله]

البارح رحنا حصة عند الأستاذة تع التاريخ و الجغرافيا برمجتها خصيصا للتحضير للبكالوريا ( الجزئيات و التفاصيل اللازمة )
قالتلنا بللي تنظيم الورقة عندو دور كبيييييير في تقييم الإجابة و لازم تحاولو على قد ما تقدرو تريحو المصحح يعني مثلا :
- خللي سطر بين كل شخصية و شخصية أو مصطلح و مصطلح ما تكتبش كلش مع بعضاه و سطر على العناوين
- حدد المادة اللي راح تجاوب عليها و الجزء مثلا : مادة التاريخ ( الجزء 1/ .... الجزء 2/ ... ) نفس الأمر في الجغرافيا
- في الخريطة لازم العنوان و المفتاح و دير الإطار باش تكون ورقة إجابة مميزة ( بلا عنوان و بلا مفتاح الخريطة خاطئة )
- في الرسوم البيانية يعطيونا المفتاح و العنوان في التقديم مي لازم علينا نكتبوهم ( كيما قالت الأستاذة cadeau مكتوب في الأسئلة غير تنقلو برك تدي 0.25 على كل واحد )
- في الشخصيات مش مطلوب تاريخ الميلاد و الوفاة و لا التفاصيل و أحيانا تضر التلميذ و تجعل الأستاذ يمل من قراءة أشياء لا قيمة لها فقط أهم الإنجازات اللي قامت بيها الشخصية و خاصة الجنسية
مثال: جمال عبد الناصر : زعيم الثورة المصرية أطاح بالملك فاروق سنة 1952 رئيس الجمهوية المصرية منذ 1956 قام بتأميم قناة السويس في 26 أكتوبر 1956 تصدى للعدوان التلاثي على مصر سنة 1956 قام ببناء السد العالي سعى لتحقيق الوحدة العربية و من أبرز الناشطين في حركة عدم الانحياز ............ هذا يعتبر كاف جدا و ان شاء الله العلامة الكاملة
- فيما يخص التواريخ قالتلنا يجينا التصحيح النموذجي من الوزارة و مبعد حنا نتصرفو
غالبا اليوم و الشهر عليه 0.25 و السنة 0.25
مثلا : حادثة اختطاف الطائرة : 22 أكتوبر 1956 واحد غلط كتب 22 أكتوبر 1958 يدي 0.25 و ما تروحلوش العلامة الكاملة ان شاء الله
- ما تنساوش المقدمة و الخاتمة في مقالة التاريخ و الجغرافيا كل وحدة عليها 0.5 ( المجموع نقطة كاملة و هي ثمينة في البكالوريا )
- الإجابة عن المقالة تكون في شكل عناصر و حاولو أن لا تكتبو أقل من 6 عناصرفي كل سؤال حتى يكون الحساب كاملا ان شاء الله
- في الدائرة النسبية خطأ أن تكتب النسب داخل الدائرة نستعملو الألوان فقط و مبعد في المفتاح اكتب واش تحب
- في تحليل وثيقة أو جدول ابدأ بالتعريف بالوثيقة و ذكر المصدر الذي أخذت منه تحدث عن مدى تطور الدول الواردة فيه(ها) أو مدى تخلفها و مبعد إلا طلب تحليل كيما في العلوم واش تلاحظ فقط إلا طلب تعليل راح يكون بمثابة التفسير في العلوم يعني ذكر الأسباب و العوامل
- في المنحنيات أو الأعمدة البيانية لا تنس كتابة المتغير (هههه تأثرت بالمات الله غالب ) المهم ما لقيتش تعبير آخر مثلا في محور الفواصل السنوات و في محور التراتيب الإنتاج


و بالتوفيق

[قمر الزمان رؤية]

مساء الخير فريولة ،،وشراكي ؟؟

متفكرتني و لا لالا ؟ ههههه

توحشتك و الله

شكرا ليك على الموضوع

قوليلي تعيشي ،،لازم نحفظوا البطاقات التقنية تاع سنغافورة-تايوان -....الخ كاين تقريبا 11 دولة فيهم ،،نحفظولهم كامل البطاقات التقنية ؟؟؟؟

[فريال المحتاجة عفو الله]

المشاركة الأصلية كتبت بواسطة قمر الزمان رؤية

مساء الخير فريولة ،،وشراكي ؟؟

متفكرتني و لا لالا ؟ ههههه

توحشتك و الله

شكرا ليك على الموضوع

قوليلي تعيشي ،،لازم نحفظوا البطاقات التقنية تاع سنغافورة-تايوان -....الخ كاين تقريبا 11 دولة فيهم ،،نحفظولهم كامل البطاقات التقنية ؟؟؟؟

مساء النور أهلا حبيبتي أكيد متفكراتك ما ننساش حبابي و ربي اللي يعلم
للأسف نظن لازم نحفظوها سألت الأستاذة و قاتلي ايه تحفظوها مي لدرك ما علاباليش الطريقة اللي قادر يجي باها السؤال عليها
ممكن جدول نكملوه ؟ !!!!! أنا صراحة حفظتهم

[teacher60015]

بارك الله فيكم و رزقكم النجاح والفلاح في الدنيا والاخرة

[mira best barçà]

بارك الله فيك

[mira best barçà]

شكرااااااااااااااااااااااا

[منار الحق]

،،،بالتوفيق ان شاء الله