تحكم في غضبك مع الآخرين

[z.abdo]

المشاركة الأصلية كتبت بواسطة lydia istanboul

لا افهم لما لا يتدخل المشرفين و الادهى حال بعض المشرفين كحال هؤلاء المهاجمين يعني لمن المشتكى؟؟؟ صار عادي يأتي من خالفك الرأي يقولك أنت أقل درجة من العبيد و الجواري ووووو فقط لان رأيك يخالف رأيه و الأدهى أن الشرع لا يفرض كلامهم اه يا ربي اليك المشتكى و فعلا هلك المتنطعون و اعتذر اخي نفست عن غضبي في صفحتك و بارك الله فيكم الموضوع جا في وقتو

شكرا اختي

لكن انا لا افضل تدخل المشرفين في هذه الحالات إلى إذا تلفظ احد بكلام غير لائق وهنا تعتبر إساءة


لكن الغضب و اجدال الأحسن ان الطرفين هما الذين يتصرفا

كذالك انصح نفسي وإياكم الإبتعاد عن الجدال لأن كل واحد يفرض رأيه انت ترى انك على حق كذالك الطرف الثاني

فأحسن شيء هو الإنسحاب

بارك الله فيك أختي والحمد لله كمل قلتي انك نفسي على نفسك هنا في هذا الموضوع


جزاك الله كل خير ربي يجعلنا من الكاظمين ان شاء الله

[z.abdo]

المشاركة الأصلية كتبت بواسطة soumia 02

بداية اشكرك على الموضوع لانه في غاية الاهمية

فالغضب عادة جد سيئة قد تتسبب في

كثير من المشاكل بين الناس

وللاسف هناك اناس يغضبون ويثورون

لدرجة ان صراخهم يتعالى بشكل ملفت

ظنا منهم انها صفة النبل

وانا ارى بان النبل والشهامة في من يتحكم في غضبه

ويبقى رايي مجرد راي


جزاك الله خيراااااااااااااااااااااااااااااااا

تقبل مرووووووووري

تحيااااااااااااااااااااااتي

بالفعل أختي احينا يتطور الغضب إلى ارتفاع الاصوات وهنا اعرف ان الوضع تتطور للأسوء

ولا انصح ان تكلم شخص يرفع صوته لأن أذناه مغلقتنا في تلك اللحظة

وهنا يجب ان نتحكم في الأمور ولا نتركها تتطور

بارك الله فيك أختي وجزاك الله كل خير

[SOUSOU. DZ]

الــــــــــــــســــــــلام عليكم

شكرا كثير على هذا الموضوع الجميل

والله ياخويا صح الغضب صفة ماشي مليحة مي نقولك الصح والله العظيم ساعات تمر بمواقف ماشي غير تغضب ياو تنحرق

مثال انا وحدة المرة كنت في الثانوية كانت عدنا مراقبة شايفة روحها بزاف في بالها غير هي لي ربي خلقاها كانت تستفز البنات وساعات تعلق عليهم المهم كي عرفتها هكذايا ماوليتش نحملها لافطريق ولا في ادارةفي حتى بلاصة المهم وحد المرة جاتني وتهدر هدرة ماعجبتنيش صاي قلت نحقراها كانت صحبتي تقولي اخطيك منها وانا ماشديتش معاها الهدرة حتى زودتها تخيل والله ماقدرتش نتحكم في اعصابي حتى حبيت نضربها صراحة والله كي نتفكر هذاك الموقف نتنرفز الحمد الله لي اساتذا والمراقيبين على بالهم بلي هي ظالمة وزيد على بالهم بالي انا تلميذة مربية و مستحيل نظلمها وقالي المراقب يابنتي ماكيش غير انتي لي ظلماتك هي دارت الشاكل حتى مع اساتذا واستذات ومساعيدين
نقولك الصح راني نحكي في هذي القصة وراني منرفزا تقول غير قبيل صرات

واش حبيت نقولك دوكا واش دير مع هذا اشخاص كيفاش تتعامل معاهم والحمد الله انا ماشي من طبعتي لي نتنرفز ونغضب بالخف مي لي يخلط فيا نولي حاجة اخرى

والله ربي يهدينا واسمحلي خويا عبدو على اطالة وبارك الله فيك

ارجو ان تقبل مروري

[عربية الهوية]

السلام عليكم
انا احيانا اتحكم في غضبي لكن في اغلب الاوقات انفجر كانبوبة الغاز في وجه من يغضبني وهذا تصرف خارج عن ارادتي فتصرفات بعض الاشخاص تدفعك للغضب غصبا عنك
على الرغم من انني لاعبة كارتي وهذه اللعبة تعلمك التحكم في النفس و في الغضب لكن هيهات

[soso sirin]

انا والله عندي مشكل مع القلق عندي شوية زايد مي ماشي مع الناس كامل معنتها انا كي نبغي واحد بزاف مانبغيهش يزعفني و نزعف منو بلخف و تاني كي تكون عندي مشكل رد زعافي فيه معنتها مرات كي نكون زعفانة من شخص و مانقدرش نرد عليه لانو نكون محتارماتو ولا يصرالي موقف برا في الزنقة و مانقدرش نرد نيشان لانو تبهديلة كون نعيط في الزنقة كي ندخل للدار حاجة كامل مكانش نتقلق منها باه نرد زعافي وخلاص .و انا مشكلتي كي نتقلق نهدر بزاف معنتها ماسكتش الصح ضروك راني في دارنا معنتها مكانش مشكل مي غدوة راح نتلقى صعوبات ضروك وليت ندير كونترول على روحي وليت نتعلم نكالمي روحي

[z.abdo]

المشاركة الأصلية كتبت بواسطة sousou. Dz

الــــــــــــــســــــــلام عليكم

شكرا كثير على هذا الموضوع الجميل

والله ياخويا صح الغضب صفة ماشي مليحة مي نقولك الصح والله العظيم ساعات تمر بمواقف ماشي غير تغضب ياو تنحرق

مثال انا وحدة المرة كنت في الثانوية كانت عدنا مراقبة شايفة روحها بزاف في بالها غير هي لي ربي خلقاها كانت تستفز البنات وساعات تعلق عليهم المهم كي عرفتها هكذايا ماوليتش نحملها لافطريق ولا في ادارةفي حتى بلاصة المهم وحد المرة جاتني وتهدر هدرة ماعجبتنيش صاي قلت نحقراها كانت صحبتي تقولي اخطيك منها وانا ماشديتش معاها الهدرة حتى زودتها تخيل والله ماقدرتش نتحكم في اعصابي حتى حبيت نضربها صراحة والله كي نتفكر هذاك الموقف نتنرفز الحمد الله لي اساتذا والمراقيبين على بالهم بلي هي ظالمة وزيد على بالهم بالي انا تلميذة مربية و مستحيل نظلمها وقالي المراقب يابنتي ماكيش غير انتي لي ظلماتك هي دارت الشاكل حتى مع اساتذا واستذات ومساعيدين
نقولك الصح راني نحكي في هذي القصة وراني منرفزا تقول غير قبيل صرات

واش حبيت نقولك دوكا واش دير مع هذا اشخاص كيفاش تتعامل معاهم والحمد الله انا ماشي من طبعتي لي نتنرفز ونغضب بالخف مي لي يخلط فيا نولي حاجة اخرى

والله ربي يهدينا واسمحلي خويا عبدو على اطالة وبارك الله فيك



ارجو ان تقبل مروري

هلا اختي اسماء


بالفعل أحيانا تنوظ الصباح لباس عليك شي عباد يخسرولك النهار ههههههههه


لكن اختي اسماء انا اعرف هذا النوع من بعض المراقابات أو بعض الأستاذات يحقدو بزاف على البنات ربي يهيدم

وفي نفس الوقت كاين بنات يحبو يحقرو الأستاذة او مراقبة

احسن شيء لا تنظري إليها بأنها خصمك وهذا ما يشعل نار الفتنة واحيانا لانحب شخص ندقق في كل تصرفاته

من المفروض شخص لا يعجبك ان لا ننظر ‘ليه أصلا لأنه مصدر للنرفزة بطريقة كلامه


ايحيانا نكون جالس نشوف واحد تصرف بإحتقار مع شخص والله ياكلني قلبي والله وما حشمتش غير نعلم مع تصرف حتى المرة الجاية

يتعلم ان لا يحتقر الناس


لكن ترف أنك في لحظة غظب تعدل عن هذا القرار وترجع إلى صواباك


كاين حكمة أختي اسماء تقول

اندم على كلمة قلتها ولا تندم على ما لم تقول

ولهذا الواحد دائما لازم يتريث

بارك الله فيك أختي اسماء لمرورك وصراحتك وجزاك الله كل خير

[ام نسمة]

مرحبا .........موضوع جد حساس بالنسبة لي وكم اعاني منه ومن مخلفاته ونتائجه السلبية على حياتي يا ريت نجدو طريقة فعالة للحد ولو قليلا من هاته الظاهرة نحن الجزئريون اساسا معروف علينا القلق وسرعة الانفعال دمنا سحون بزاف لكن درجاته تتفاوت من شخص لاخر لعوامل متعددة انا شخصيا اصبت بهدا المرض نعم اسميه مرض نفسي اصبت به مند الطفولة بسبب كثرة المشاكل بين والدي و والدتي وابي كان يكشر دوما في اوجهنا بمجرد ما يدخل يصمت الكل ولا احد يجرء على الضحك والمزاح بصوت عالي حتى انا من الرغم اني اصغر فرد و كان ابي يدللني كثيرا الا اني كنت استاء لما ارى كيف يصبح وجه امي واخوتي عندما يرجع للبيت بوجهه المكشر المهم لما كبرت اصبحت شديدة الانفعال جراء الكبت الدي عانيت منه ولما تزوجت معظم مشاكلي كان سببها سرعة غضبي اللدي يلحقه دائما ندم لكن بفضل الله راني نتعلم نتحكم في نسي ونقدر انقول اني اتغيرت شوية واصبحت افضل واطول بال من دي قبل واخيرا الله يهدء روع كل الغضبانين امين وشكرا

[z.abdo]

المشاركة الأصلية كتبت بواسطة عربية الهوية

السلام عليكم
انا احيانا اتحكم في غضبي لكن في اغلب الاوقات انفجر كانبوبة الغاز في وجه من يغضبني وهذا تصرف خارج عن ارادتي فتصرفات بعض الاشخاص تدفعك للغضب غصبا عنك
على الرغم من انني لاعبة كارتي وهذه اللعبة تعلمك التحكم في النفس و في الغضب لكن هيهات

كلام صحيح أختي لكن بما انك تمارسي الرياضة انا اعرف هذا جيدا انها تعلمك ان تتحكم في اعصابك وتزرع الثقة في النفس


لكن مهما الإنسان كان رياضي فيجب ان يتجنب إستعمالها إلا في الحالات الطارئة خصوصا انت انثى فيجب ان تنسي امر ان تتستعملي

الرياضة مع الناس لأنها تنقص من أنوثتك وطبعا انا لا اتكلم في حالة الدفاع عن انفس


انا كذالك امارس الرياضة منذ وقت طويل لكني الحمد لله لم اظر يوم لإستعماله لكن تزرع فيك الثقة في النفس بالعكس اتجنب هذه المواقف

ودائما تذكري عواقب الخلافات والغظب وانظري بعقل ذو ميزان وحنكة وليس ان نفعل اشياء دون ان نعرف عواقبها

شكرا أحتي عربية الهوية لمرورك الطيب

[النايلية الأصيلة]

السلام عليكم ورحمة الله وبركاته

موضوعك رائع أخي عبد الحي

جزاك الله خيرا وابعد عنا وعنك لغضب ان شاءالله

تحياتي لك

[SOUSOU. DZ]

المشاركة الأصلية كتبت بواسطة z.abdo

هلا اختي اسماء
بالفعل أحيانا تنوظ الصباح لباس عليك شي عباد يخسرولك النهار ههههههههه
لكن اختي اسماء انا اعرف هذا النوع من بعض المراقابات أو بعض الأستاذات يحقدو بزاف على البنات ربي يهيدم
وفي نفس الوقت كاين بنات يحبو يحقرو الأستاذة او مراقبة
احسن شيء لا تنظري إليها بأنها خصمك وهذا ما يشعل نار الفتنة واحيانا لانحب شخص ندقق في كل تصرفاته
من المفروض شخص لا يعجبك ان لا ننظر ‘ليه أصلا لأنه مصدر للنرفزة بطريقة كلامه
ايحيانا نكون جالس نشوف واحد تصرف بإحتقار مع شخص والله ياكلني قلبي والله وما حشمتش غير نعلم مع تصرف حتى المرة الجاية
يتعلم ان لا يحتقر الناس
لكن ترف أنك في لحظة غظب تعدل عن هذا القرار وترجع إلى صواباك
كاين حكمة أختي اسماء تقول
اندم على كلمة قلتها ولا تندم على ما لم تقول
ولهذا الواحد دائما لازم يتريث
بارك الله فيك أختي اسماء لمرورك وصراحتك وجزاك الله كل خير

هذي لي تقلقني ياخويا تكون مليح مع صباح ربي تشوف وحد العباد يروح نهارك كامل

لالالا خويا كون متهني نقولك حاجة الحمد الله عمامي كامل لتم في الثانوي يعني مايخصني والو ونزيدلك مراقبين واساتذا و استاذات يعرفوني مليح مليح يعني وكان يشوفوني ندير واش ندير مايكلمونيش باسكو اخذا احترامهم ومواضبة ونقرا وعلى هذيك لي غارت مني المراقبة باسكو كامل لبنات يخافولها ويديرولها واش تحب بصح نقولك حاجة
مسكينة واش ولات ديرلي قاعدة غير تقول اسما واش تحب اسما كاش مايخصك اسما تحتاجي حاجة راني هنا يعني عرفت روحها خالطة مي انا مانيش جايبتها فيها هههه انا شريرة في بعض احيان

صح عندك الحق في هذي لكن تعرف أنك في لحظة غظب تعدل عن هذا القرار وترجع إلى صواباك

حكمة عجبتني بزاف بزاف ان شاء الله نعملو بيها

العفو منك شكرا

[z.abdo]

المشاركة الأصلية كتبت بواسطة soso sirin

انا والله عندي مشكل مع القلق عندي شوية زايد مي ماشي مع الناس كامل معنتها انا كي نبغي واحد بزاف مانبغيهش يزعفني و نزعف منو بلخف و تاني كي تكون عندي مشكل رد زعافي فيه معنتها مرات كي نكون زعفانة من شخص و مانقدرش نرد عليه لانو نكون محتارماتو ولا يصرالي موقف برا في الزنقة و مانقدرش نرد نيشان لانو تبهديلة كون نعيط في الزنقة كي ندخل للدار حاجة كامل مكانش نتقلق منها باه نرد زعافي وخلاص .و انا مشكلتي كي نتقلق نهدر بزاف معنتها ماسكتش الصح ضروك راني في دارنا معنتها مكانش مشكل مي غدوة راح نتلقى صعوبات ضروك وليت ندير كونترول على روحي وليت نتعلم نكالمي روحي

حسنا أختي

انت حالتك هذه تحتاج إلى الإسترخاء

وكذالك هناك طريقة انك تغمضي عينك وتتخيلي مواقف صعبة انك فيها وبعد تتخيلي ان تحلي هذه المواقف دون غظيب

وكرري هذه العملية عدة مرات حتى تبرمجي عقلك اللا واعي

وبعد ذالك راح يطبقها عقلك الواعي خلال ردة فعلك التلقائية وهنا تحس انه يوجد فرق بعد العملية الإفتراضية

إن شاء الله تكوني فهمتي وراني حاولت نبسطلك باش تفهمي


شكرا اختي لمرورك وجزاك الله كل خير

[z.abdo]

المشاركة الأصلية كتبت بواسطة النايلية الأصيلة

السلام عليكم ورحمة الله وبركاته

موضوعك رائع أخي عبد الحي

جزاك الله خيرا وابعد عنا وعنك لغضب ان شاءالله

تحياتي لك

هلا أختي نايلة
والله سعدت بطلتك هذه كيف حالك ؟؟

...........

آمين يارب ربي يبعد غظبه علينا و بيننا جميعا يارب

وان شاء الله تكون استفدي من الموضوع

[z.abdo]

المشاركة الأصلية كتبت بواسطة زهورالفل

مرحبا .........موضوع جد حساس بالنسبة لي وكم اعاني منه ومن مخلفاته ونتائجه السلبية على حياتي يا ريت نجدو طريقة فعالة للحد ولو قليلا من هاته الظاهرة نحن الجزئريون اساسا معروف علينا القلق وسرعة الانفعال دمنا سحون بزاف لكن درجاته تتفاوت من شخص لاخر لعوامل متعددة انا شخصيا اصبت بهدا المرض نعم اسميه مرض نفسي اصبت به مند الطفولة بسبب كثرة المشاكل بين والدي و والدتي وابي كان يكشر دوما في اوجهنا بمجرد ما يدخل يصمت الكل ولا احد يجرء على الضحك والمزاح بصوت عالي حتى انا من الرغم اني اصغر فرد و كان ابي يدللني كثيرا الا اني كنت استاء لما ارى كيف يصبح وجه امي واخوتي عندما يرجع للبيت بوجهه المكشر المهم لما كبرت اصبحت شديدة الانفعال جراء الكبت الدي عانيت منه ولما تزوجت معظم مشاكلي كان سببها سرعة غضبي اللدي يلحقه دائما ندم لكن بفضل الله راني نتعلم نتحكم في نسي ونقدر انقول اني اتغيرت شوية واصبحت افضل واطول بال من دي قبل واخيرا الله يهدء روع كل الغضبانين امين وشكرا

هلا أخي زهور بعد الغياب

إن شاء الله ربي يسرلك امرك يحققلك ما تتمني أولا

بالفعل إن غظب الوالدين له تأثير على الطفل وراح هو كذالك يحمل ذالك الغصب ويصبح عدواني ويظهر هذا في طفولة بعض الأطفال

وانا رايت هذا بعيني أطفال صغار يعض على لسانه وهو في حالة غظب فيكف عندما يكبر ربي يهيدنا ويصلح الأحوال


وربي يفرج عليك أختي زهور ويصلح أحوالك لما فيها الخير والصلاح

وجزاك الله كل خير اختي زهور

[حنيني24]

السلاااااام عليكم
-------
موضوع جميل،،،،، في الحقيقة أنا سريعة الغضب
ولا أستطيع أن أخفي ملامح غضبي،،،
إلا أنني أتحكم في أعصاااابي أحيانا،،،
--------
مااازلت أصااااارع نفسي،،، للتخلي عن هذه الصفة السيئة
------
بارك الله فيك

[شخصية نرجسية]

المشاركة الأصلية كتبت بواسطة z.abdo

بافعل اختي هناك من يغضبك بتصرفاته الإستفزاية


تخيلو أحيانا تقرأ موضع فتجده إستفزازي للأعضاء وانا حدث لي هذا البارح فقط لما قراءة الموضوع والله الهدف منه

استفزاز فلم ارد حتى لا اتجادل مع صاحب الموضوع علما انه لم يرد عليه أحد

وهذا احسن شيء


شكرا لك وبارك الله فيك أختي لمرورك

‘درا على التدخل لكن فعلا تكرهب الجو الأيام الماضية اما اليوم فهو نوعا ما هادىء