يا أيها النظار والمديرون ماذا تريدون؟

[azzouz_nour]

المشاركة الأصلية كتبت بواسطة طاب جناني

القضية أكبر من تنسيقية المدراء هذي ولي ولدت بشلاغمها لدرجة أن الناطق الرسمي باسم النقابة نتاعنا قالك ربما تحقق ما عجز مناضليو الاتحاد بالكل على تحقيقه؟؟؟؟ المشكل يا خاوتي في الجماع نتاع المكتب نتاع النقابة ولي ديما رنا نقولو دايرين رايهم وما علا بالهمش بالقاعدة التربوية لي راهي تسعين بالمئة مشكلة من المعلمين والأساتذة ولي هي تصنع الحدث النقابي بامتياز..

أنا حبيت نطرح سؤال هل فكرة التنسيقية نتاع المدراء اقترحت من القاعدة ولا فرضت من الجماعة نتاع المكتب .أنا نتحدى أي انسان نقابي في اينباف ويكون عندو الشجاعة وراجل ويقول نوقشت وصودق على انشاءها من القاعدة يعني من في اجتماعات نقابية على مستوى البلديات والدوائر و جميع الولايات ومن بعد على مستوى المجلس الوطني للنقابة .

راني قلت مرارا وتكرارا أن القرار النقابي نتاع النقابة قد صودر من طرفة جماعة مشكلة من زوج ولا ثلاثة جمعو كل الصلاحيات نتاع جميع المؤسسات النقابية وراهم يقولونا نديرو فيكم وبيكم واش نحبو لأنكم ما زال ما لحقتوش درجة الوعي لي تخليكم تسألون وتحاسبون وتتابعون وتقررون.

وإلى أن يسترجع القرار النقابي من طرف القاعدة التربوية وتفعل المؤسسات و تحدد صلاحيات الجميع ويتم فتح ملف القانون الداخلي للمناقشة والتصحيح وتحدد الأولويات والاستراتيجية المستقبلية للنقابة سنظل نصرخ في وجه كل من صادر القرار النقابي لمئات الألاف من المنخرطين ويرفضالحوار الجاد وينعت كل من يريد ذلك بالخائن والمشكك والعدو.....

الجماعة نتاع المكتب نتاع الأنباف هي اللي أوعزت للمديرين و النظار باش يديروا التنسيقية نتاعهم و يداعاو باللي يقاطعوا و يديروا الإضراب و في الأخير واحد فيهم ما قاطع و الأمور تمشي عادية
هما بين بعضاهم ما متفاهمينش ، نفرض المدير يقاطع و الناظر واش يقاطع؟
نهار داروا الإضراب واحد فيهم ما دار الاٌضراب
الإضراب نتاع الإداريين وراء الحاسوب virtuel زي المجلس الوطني الشعبي نتاع الفاس بوك.
الوزير راهو خيرهم بين الخدمة أو الإستقالة ماش من القطاع ، يعني ترجع استاذ : نشوفوا لكان واحد يقدر يولي أستاذ ؛ الوقت قدامنا و يكشف الحقيقة
يقولوا رانا ترقينا بالمسابقة و التكوين و .... احنا نقولوا جات الترقية من باب ربي : لا مسابقة لا تكوين لا رشوة لا نقيل و غش لا محسوبية يكثر خير ربي الرجال ناضلت بالإضرابات من 2003 كاين اللي نحاولو 17 مليون لكن النية نتاعهم و الطريقة اللي تبعوها صحاح ما فيهاش الغش و الكذب و االتبلعيط : مقاطع و مضرب افتراضي ؛ كامل علابالهم ببعضاهم غير ينافقوا....الطريقة هذه ما تخرجش
القانون راهو عادل و الإدماج هذا يصرى مرة وحدة اللي احكم عليه يتدمج و اللي خطاه ربي ينوب
من بعد تولي كامل بالمسابقة كي المسار الإداري كي المسار البيداغوجي كامل كيف كيف
اللي كلحتهم النقابة ( الأنباف) صحيح هما الأيلين للزوال تاجرت بيهم الأنباف رجعت المناصب الإدارية كيما كانت و ضيعت الحقوق نتاع 65% من المعلمين و الأساتذة وهذوا راهم وكلوا ربي على الأنباف و اللي يدور في الفلك نتاعها
و الأنباف كي حست باللي خلاصت عليها بعثت بعض المستفيدين و المغفلين يطبلوا في المنتديات كاش ما يلموا شوية البطاقات و زادت دعمت روحها بالمديرين و النظار اللي عمرهم ما يديروا الإضراب..
في الأخير الإضراب وراء الأنباف خلص كيما الإضراب وراء ugta
اللي يفطن يفطن كاش ما يركيبيري و اللي قعد اخسر كلش

[طاب جناني]

المشاركة الأصلية كتبت بواسطة azzouz_nour

الجماعة نتاع المكتب نتاع الأنباف هي اللي أوعزت للمديرين و النظار باش يديروا التنسيقية نتاعهم و يداعاو باللي يقاطعوا و يديروا الإضراب و في الأخير واحد فيهم ما قاطع و الأمور تمشي عادية
هما بين بعضاهم ما متفاهمينش ، نفرض المدير يقاطع و الناظر واش يقاطع؟
نهار داروا الإضراب واحد فيهم ما دار الاٌضراب
الإضراب نتاع الإداريين وراء الحاسوب virtuel زي المجلس الوطني الشعبي نتاع الفاس بوك.
الوزير راهو خيرهم بين الخدمة أو الإستقالة ماش من القطاع ، يعني ترجع استاذ : نشوفوا لكان واحد يقدر يولي أستاذ ؛ الوقت قدامنا و يكشف الحقيقة
يقولوا رانا ترقينا بالمسابقة و التكوين و .... احنا نقولوا جات الترقية من باب ربي : لا مسابقة لا تكوين لا رشوة لا نقيل و غش لا محسوبية يكثر خير ربي الرجال ناضلت بالإضرابات من 2003 كاين اللي نحاولو 17 مليون لكن النية نتاعهم و الطريقة اللي تبعوها صحاح ما فيهاش الغش و الكذب و االتبلعيط : مقاطع و مضرب افتراضي ؛ كامل علابالهم ببعضاهم غير ينافقوا....الطريقة هذه ما تخرجش
القانون راهو عادل و الإدماج هذا يصرى مرة وحدة اللي احكم عليه يتدمج و اللي خطاه ربي ينوب
من بعد تولي كامل بالمسابقة كي المسار الإداري كي المسار البيداغوجي كامل كيف كيف
اللي كلحتهم النقابة ( الأنباف) صحيح هما الأيلين للزوال تاجرت بيهم الأنباف رجعت المناصب الإدارية كيما كانت و ضيعت الحقوق نتاع 65% من المعلمين و الأساتذة وهذوا راهم وكلوا ربي على الأنباف و اللي يدور في الفلك نتاعها
و الأنباف كي حست باللي خلاصت عليها بعثت بعض المستفيدين و المغفلين يطبلوا في المنتديات كاش ما يلموا شوية البطاقات و زادت دعمت روحها بالمديرين و النظار اللي عمرهم ما يديروا الإضراب..
في الأخير الإضراب وراء الأنباف خلص كيما الإضراب وراء ugta
اللي يفطن يفطن كاش ما يركيبيري و اللي قعد اخسر كلش

يعطيك الصحة يا خويا راك كفيت ووفيت تمنيت برك حاجة وحدة لو كان القواعد نتاع النقابة راهم كيما نتا لو كان ما تجرأش علينا قلة من الأشخاص يلعبو بينا ويقررو في بلايصنا وفي الأخير زعفانين علينا قالك رانا حنا لي درناكم رجالة .يخي حالة يخي