هل يتنازل مرسي لحمدين صباحي

[سوكا]

عاجل
مواطن يعثر علي 15 استماره تصويت لصالح حمدين صباحي ملقاه في زراعات بمحافظه قنا والحمله تتقدم ببلاغ

[حميدي البشير]

يا رب احمي شعب مصر من الفتن ماظهر منها وما بطن

صدقوني لا تنتظروا من الاخوان اي شيء

فقط يبقى الامل في المجلس العسكري
الذي سيفرح المصريين بتفعيل قانون العزل
وسترون من الذي يحب مصر حبا حقيقيا

[مصريه جدا]

المشاركة الأصلية كتبت بواسطة حميدي البشير

يا رب احمي شعب مصر من الفتن ماظهر منها وما بطن
اللهم ءامين يااااااارب العالمين
صدقوني لا تنتظروا من الاخوان اي شيء
ربنا معانا احنا فى اختيار صعب
فقط يبقى الامل في المجلس العسكري
الذي سيفرح المصريين بتفعيل قانون العزل
وسترون من الذي يحب مصر حبا حقيقيا

ربنا معانا يارب وتحصل مفاجئه ونخلص من الاثنين

[مصريه جدا]

المشاركة الأصلية كتبت بواسطة سوكا

عاجل
مواطن يعثر علي 15 استماره تصويت لصالح حمدين صباحي ملقاه في زراعات بمحافظه قنا والحمله تتقدم ببلاغ

يارب معانا يارب ويقبلوا الطعن لصالح حمدين يااااااااااااارب
ياااااااارب مع مصر وشعبها يارب

[سوكا]

المشاركة الأصلية كتبت بواسطة مصريه جدا

يارب معانا يارب ويقبلوا الطعن لصالح حمدين يااااااااااااارب
ياااااااارب مع مصر وشعبها يارب

لا اعتقد اختي ان هذه الطعون ستكون بفائده الامل الوحيد لمصر رفضه الاخوان وهو التنازل ولا تتعجبي في النتيجه حينما تجدي شفيق رئيس للجمهوريه غلطه حمدين صباحي وابو الفتوح انهم لم يتوحدوا فتفتت الاصوات وخرج سي مرسي وسي شفيق بهذه النتيجه وللأسف لم يعد امامنا خيار سوي انتخاب مرسي رغم عدم اقتناعي به اصلا لاننا لو قاطعنا الانتخابات سيفوز شفيق اكيد لان انصاره سيحضرون وبقوه والذييدعوني للقلق الان ان هناك الكثير ممن يكرهون الاخوان بسبب سياستهم وتعامله سيتجهون لشفيق ربنا يستر

[مصريه جدا]

المشاركة الأصلية كتبت بواسطة سوكا

لا اعتقد اختي ان هذه الطعون ستكون بفائده الامل الوحيد لمصر رفضه الاخوان وهو التنازل ولا تتعجبي في النتيجه حينما تجدي شفيق رئيس للجمهوريه غلطه حمدين صباحي وابو الفتوح انهم لم يتوحدوا فتفتت الاصوات وخرج سي مرسي وسي شفيق بهذه النتيجه وللأسف لم يعد امامنا خيار سوي انتخاب مرسي رغم عدم اقتناعي به اصلا لاننا لو قاطعنا الانتخابات سيفوز شفيق اكيد لان انصاره سيحضرون وبقوه والذييدعوني للقلق الان ان هناك الكثير ممن يكرهون الاخوان بسبب سياستهم وتعامله سيتجهون لشفيق ربنا يستر

المشكله ان فعلا فى ناس كثير مع شفيق بتقول نار شفيق ولا جنة الاخوان وبيقولوا ان سهل التخلص من شفيق لكن الاخوان صعب جدا دا كلام سمعته النهارده للاسف بقينا محبطين جدا
وانا شخصيا مش قادره اتقبل مرسى خالص ومش هقدر اغصب نفسى اعلم عليه ولا على شفيق
احنا ممكن نتقبل الاخوان فى حالة وجود ضمانات معينه بس تفتكر انهم هيوفقوا لا طبعا هيودونا فى دهايه ربنا يسامحهم هما السبب لو مكنوش نزلوا بمرشح ليهم مكنشى فى تفتيت للاصوات لصالح شفيق
كان زمان اما حمدين اما ابوالفتوح
بس لسه املنا فى ربنا كبير وهيفضل الامل ان شاء الله لحد يوم الثلاثاء لكن والله مش هقدر اختار حد منهم وربنا يصبران جميعا
سمعت ام شهيد قالت مش هقدر اختار شفيق الى قتل ابنى
ومش هقدر اختار مرسى لانه مش هيقدر يجيب حق ابنى
لك الله يامصر لك الله يامصر

[pak_fa50]

المشاركة الأصلية كتبت بواسطة مصريه جدا

المشكله ان فعلا فى ناس كثير مع شفيق بتقول نار شفيق ولا جنة الاخوان وبيقولوا ان سهل التخلص من شفيق لكن الاخوان صعب جدا دا كلام سمعته النهارده للاسف بقينا محبطين جدا
وانا شخصيا مش قادره اتقبل مرسى خالص ومش هقدر اغصب نفسى اعلم عليه ولا على شفيق
احنا ممكن نتقبل الاخوان فى حالة وجود ضمانات معينه بس تفتكر انهم هيوفقوا لا طبعا هيودونا فى دهايه ربنا يسامحهم هما السبب لو مكنوش نزلوا بمرشح ليهم مكنشى فى تفتيت للاصوات لصالح شفيق
كان زمان اما حمدين اما ابوالفتوح
بس لسه املنا فى ربنا كبير وهيفضل الامل ان شاء الله لحد يوم الثلاثاء لكن والله مش هقدر اختار حد منهم وربنا يصبران جميعا
سمعت ام شهيد قالت مش هقدر اختار شفيق الى قتل ابنى
ومش هقدر اختار مرسى لانه مش هيقدر يجيب حق ابنى
لك الله يامصر لك الله يامصر

بخصوص كلامك عن ام الشهيد محمد مصطفى
اولا : هى قالت انها هاتنتخب محمد مرسى لكن طالبة منه ضمان انه يجيب حق ابنها
ثانيا الشهيد محمد مصطفى مات فى اعتصام مجلس الوزرا علشان كان بيطالب باقالة الجنزورى اللى حضرتك كنتى اول واحدة دافعتى عنه فى المنتدى هنا
ثالثا حق الشهدا فى رقبة مبارك والمجلس العسكرى , مبارك اللى حضرتك اول واحدة دافعتى عنه والشهدا كانوا لسة ماندفنوش ودمهم كان سايح وطالبتى الشعب المصرى انه ينزل ميدان مصطفى محمود يشكره .
رابعا بقى اللى مش هايقدر يجيب حق الشهيد يتساوى مع اللى قتل الشهيد ؟
خامسا بأمارة ايه صباحى هو اللى هايجيب حق الشهيد ولا ابو الفتوح اللى قال ان طنطاوى رجل وطنى؟

استقيموا يرحمكم الله

[مصريه جدا]

المشاركة الأصلية كتبت بواسطة pak_fa50

بخصوص كلامك عن ام الشهيد محمد مصطفى
اولا : هى قالت انها هاتنتخب محمد مرسى لكن طالبة منه ضمان انه يجيب حق ابنها


وانت شايف فى كلامى ايه كلنا عايزين ضمان من الاخوان عشان نقدر ننزل مش نقاطع فين الضمان ده ويكون واضح
ثانيا الشهيد محمد مصطفى مات فى اعتصام مجلس الوزرا علشان كان بيطالب باقالة الجنزورى اللى حضرتك كنتى اول واحدة دافعتى عنه فى المنتدى هنا

دافعن عن مين عن الشهيد ولا مجلس الوزراء ولا الجنزورى
معتدقشى انى اتكلمت عن موضوع اعتصام مجلس الوزراء ده
ياريت تحدد دافعت عن مين عن الجنزورى مشفتش حاجه منه عشان اهاجمه
ثالثا حق الشهدا فى رقبة مبارك والمجلس العسكرى , مبارك اللى حضرتك اول واحدة دافعتى عنه والشهدا كانوا لسة ماندفنوش ودمهم كان سايح وطالبتى الشعب المصرى انه ينزل ميدان مصطفى محمود يشكره
ههههههههههههه لا انا نسيت اقلك انى انا الى اديت اوامر القتل
مش ملاحظ انك بتقول كلام غريب
صحيح صعب عليا مبارك بس مش لدرجة انى طالبت الناس تنزل تعتزر ليه جبت موضوع من الفيس بوك عن الناس الى بتشكره وقلت فى موضوعى انى كنت بتمنى خروجه بشكل احسن من ده ومش بنكر ده لا وحاجه كمان
انا عملتله فى توقيعى فتره دعاء بالشافاء وان ربنا يسامحه
ودا شئ مش بخجل منه لانى واضحه اوى وبقول رايى بكل وضوح وصراحه ومش بخبيه ومش بتلون زى البعض
يوم مع ده ويوم مع ده
بقول رايى وانا متقنعه بيه صح او غلط لكنى مش بجبر حد بيه
لكن مش بغيره .
رابعا بقى اللى مش هايقدر يجيب حق الشهيد يتساوى مع اللى قتل الشهيد ؟

هقلك حاجه مهمه بس عشان نبقى واضحين اكثر بلاش تتكلم على اساس انك الوطنى الوحيد فى مصر لان اساسا مبقناش فاهمين انت مع مين ضد مين
ابواسماعيل راح ابواسماعيل روحت لمرسى هيروح مرسى ياعالم هتروح فين
عدم اختيارنا لمرسى مش كره فى الاسلام احسن تكون افكر كدا وياريت نفكر مع بعض بصوت عالى وتاحلو تعمل زى الناس يعنى نشوف راى الشارع المصرى زى مابنعمل
يعنى نشوف الناس خايفه من ايه ونحاول نقلل خوفهم الناس خايفه من الاخوان والمفروض انك عارف الاسباب دى
فبلاش ندفن راسنا فى الرمل ونقول لالا دا كلام عبيد النظام
لا يافاضل مش عبيد النظام ولاشئ دول الشعب البسيط الى فيهم ناس اختارت مرسى وهما ميعرفوش مين مرسى ده
وفيهم ناس اختارت شفيق وبرضه ميعرفوش مين شفيق ده
دول الناس الى بتمث القاعده العريضه من الشعب المصرى
قلنا مش ضد الاخوان اذا جابوا ضمانات حقيقه للشعب المصرى
مش دستور وسلطه تشريعيه وسلطه تنفيذيه فى ايدهم ومطلوب مننا منخفشى يسلام
طيب منخفشى ازاى منهم فين الحريه هنا واحنا هيبقى مقفول علينا هنبقى مواطنين درجه ثانيه
ادينى ضمان واحد واقسم بالله انى هنزل اختار مرسى ومش لوحدى
كل الناس الى اعرفهم انا قادره ان شاء الله انى اقنعهم بمرسى بس ضمان واحد ياناس

وبعتقد من حقى انى الاقى ضمان
اما بخصوص شفيق فمش يلزمنى منه ضمان لانى مش هختاره
والى اللحظه مش هختار مرسى وشفيق الا اذا خرج مرسى علينا بضمان
يارب تكون فهمت قصدى
وياريت لما تكون بتتكلم فى موضوع بلاش ترجع لمبارك
احسن مواضيعى هنا واضحه اوى
ومادام انا الى كتبتها فمعناه انى مش خايفه وانا بكتبها لانها بتعبر عى رايى وانا مش ملاك عشان يبقى رايى كله صح انا بشر ليا مساوئ وعيوب
خامسا بأمارة ايه صباحى هو اللى هايجيب حق الشهيد ولا ابو الفتوح اللى قال ان طنطاوى رجل وطنى؟


سبحان الله
هنرجع تانى لنفس النقطه قلنا اننا بين نارين نار الاخوان ونار شفيق
فصباحى هوا الحل الامثل للخروج من هذ المازق مجرد مرحله نعدى بيها الفتره دى
يارب يكون قصدى وصل حضرتك بتمنى والله على فكره بتوع الاخوان قبل الثوره قالوا مبارك رجل وطنى نتمنى الجلوس معه
فى ايام الثوره كل القوى السياسيه قاطعت اجتماع المجلس العسكرى باستثناء الاخوان هما الى حضروا وكان الكتاتنى ومرسى
ولا حضرتك بتنسى ولا بتتناسى يعنى لكل منهم مساوئ وعيوب
بس واضح انك مركز على مسوئ بتاعى وبس
لما نكون بنتكلم للصالح العام يبقى نتكلم فى كل النقط ونناقش الناس بمستواهم مش نهاجم الناس عشان بس نسكتهم ولا نثبت بس اننا الصح
مش بحب الاسلوب ده


استقيموا يرحمكم الله

ابدا بنفسك اولا
وربنا يرحمنا جميعا برحمته اللهم ءامين يارب العالمين
ويرحم مصر لان بجد بقينا بنشوف اليومين دول ناس معايه حبيبى ضدى يبقى عدوى
مينفعشى يبقى ضدى بس برضه ابن بلدى لالا

[pak_fa50]

المشاركة الأصلية كتبت بواسطة مصريه جدا

ابدا بنفسك اولا
وربنا يرحمنا جميعا برحمته اللهم ءامين يارب العالمين
ويرحم مصر لان بجد بقينا بنشوف اليومين دول ناس معايه حبيبى ضدى يبقى عدوى
مينفعشى يبقى ضدى بس برضه ابن بلدى لالا

لو عاوزة ضمان انهم هايجيبوا حق الشهدا وهايقتصوا من القتلة وعلى راسهم المجرم مبارك فالضمان هو ان الاخوان اكتر ناس لهم ثأر مع النظام السابق , ومحمد مرسى بنفسه له ثارات مع النظام , هو حكى عن ابنه عمر وابنه اسامة واللى اتعمل فيهم اثناء الثورةواللى كانوا ممكن يبقوا شهدا , لكن ماحاكاش عن ابنه الكبير احمد , اللى امن الدولة كان بيعتقله كل سنة قبل الامتحانات بأسبوع ويسقط فى الامتحانات ويعيد السنة واتأخر فى كلية الطب سنتين بسبب كده , والكلام دا كان بيحصله ومحمد مرسى عضو مجلس شعب ياترى دا مش ضمان كفاية؟.
ضمان تانى الاستاذ الدكتور حسن الحيوان كان من قيادات الاخوان فى الشرقية , بعد ما محمد مرسى نجح فى انتخابات سنة 2000 امن الدولة اعتقله لأنه كان من اللى ساندوا محمد مرسى وفريد اسماعيل بقوة فىالانتخابات بسبب انه من عيلة كبيرة فى الشرقية ودخل المعتقل شهرين وبعد ما خرج ب 3 ايام مات لأنه كان عنده القلب , ياترى دا مش ضمان كفاية؟

لو عاوزة ضمان ان الاخوان ماينفردوش بالسلطة فهما قدموا ضمانات كتير :
اول ضمان انهم هايعملوا فريق رئاسى وعرضوا على صباحى وابو الفتوح الاشتراك وهما رفضوا
تانى ضمان ان محمد مرسى بنفسه قال انه هايشكل حكومة ائتلافية موسعة تضم الاحزاب والمستقلين
تالت ضمان ان الاخوان مش اغلبية فى البرلمان اساسا هما لهم 45% يعنى محتاجين توافق مع احزاب تانية علشان يمرروا اى حاجة .

لو عاوزة ضمان ان الدستور مش هايبقى بتاع الاخوان ففى ضمانات كتير :
اول ضمان ان الاخوان اصلا مش اغلبية وبالتالى ماينفعش يكتبوا الدستور بمزاجهم
تانى ضمان انهم قالوا ان الجمعية التأسيسية هاتضم كل الشخصيات الوطنية ( بس مش مطلوب ان الاغلبية تبقى للعالمانيين بل دا مرفوض )
تالت ضمان ان الدستور هايتعرض على الشعب فى استفتاء وكلنا شفنا ان الشعب يقدر يسحب ثقته من الاخوان ببساطة زى ما حصل فى الانتخابات دىوماقدروش ياخدوا اكتر من ربع الاصوات , فلو الشعب ماعجبوش الدستور هايقدر يقول لأ.

هل دى ضمانات كافية ولا لا؟
اما صباحى فهو مرفوض لميوله الناصرية وتوجهاته العالمانية , ومش معقول دولة اسلامية يحكمها واحد عالمانى , نختلف مع الاخوان اه لكن اكيد اختلافنا معاهم حوالين مواقف سياسية مش حوالين مواقف عقدية .
وفى النهاية صباحى سقط وخلاص ننسى صباحى وابو الفتوح .
وبالنسبة لكلامك عن مبارك والجنزورى فأنا مش هاعلق عليه لأنه فعلا مش وقته
وعلى فكرة انا بختلف معاكى وبتخانق كتير معاكى بس برضه بنت بلدى وبحترمك عادى يعنى