╣◄ معاول الهدم في زمن الهدم►╠

أبواياد · 2012-05-25, 17:11

طاب جناني · 2012-05-25, 17:15

حبيت نطرح سؤال للجماعة لي راهي تدعي الدفاع على نقابة الاتحاد ويربطوه بخبث مع مجموعة معينة أو شخص معين ويصورونا الأمر و كأنه إن طالبت بمحاسبة المتسببين في الإخفاقات التي طالت أكبر وأهم ملف لدى القاعدة التربوية ونحوسو نفهمو شكون لي يحكم في القرار نتاعو معناه راك تدمر الاتحاد و راك تحوس تهدم الاتحاد و راك تحوس تخرب الاتحاد و راك تحوس تنسف الاتحاد وتحوس تعدم الاتحاد ومعناه والفاهم يفهم ما لازمناش نهدرو عليهم وعلى مصادرتهم لنقابة كبيرة كيما هذي والتحكم في مصير المئات من الألاف من المنخرطين.

السؤال لي راه في بالي هل المحاسبة والمتابعة والعمل النقابي المدروس المبني على رأي القاعدة التربوية قبل اتخاذ القرار النقابي وليس بعد القرار النقابي يعني بالضرورة تحطيم الاتحاد أم تقويته للاستحقاقات القادمة وجعله نقابة فاعلة تطالب فتحقق وتقرر فتفعل وتناور فتكسب ؟

الحاجة الثانية عندما يقال أبناء الاتحاد هو ما لي يغيرو حبيت نسأل برك شكون لي يحدد من هو ابن الاتحاد و شكون لي جارو ؟ هل هم نفس الجماعة نتاع المكتب الوطني التي لا تسمح حتى للرأي الأخر في بيت الاتحاد ولا أقول خارجه ولي تصف كل من يقدم رأي مخالف حتى ولو كان مربوطا بعشرات الحجج العلمية والوقائع المثبتة والنصوص القانونية المثبتة للخلل بالخائن والمنافق والغيور والجاحد ولي تحوس تسمع الصدى نتاع الصوت نتاعها برك وتخون كل من يحاول طرح البدائل حتى لو تكون في صالح النقابة وتقويها وتصالحها مع القاعدة وتقوي الثقة بينها بين المؤسسات وتفعلها.

إخوتي النتائج وتحقيق المطالب والعمل الميداني القاعدي المنظم ما يجيش بالهدرة لكن بالميدان والخطوات العملية للتصحيح ودراسة المشاكل لا بد وتكون بقرار من الجماعة نتاع المكتب الوطني لي رانا نقولو بلي راهم جمعو كامل الصلاحيات في يديهم . لا زم بيان من النقابة لمباشرة التغيير وجمع الشمل وفتح الملفات وإذا ما حبيتوش تعيطونا ما كانش مشكل راكم رجال وتهنو فقط لا بد تبينونا هذه الغيرة على النقابة باجراءات ملموسة وخطوات جريئة ومصالحة حقيقية وتهبطو تسمعو لخاوتكم في القاعدة والنقابة راهي أمانة في يديكم حبيتو تقووها ولا تقتلوها.

adel04 · 2012-05-25, 19:32

اقتباس:

المشاركة الأصلية كتبت بواسطة أبواياد

تأكد أن هاته المرة فهو راحل عن الحكومة(كلام أحد افراد عشيرته)

أبواياد · 2012-05-25, 19:37

اقتباس:

المشاركة الأصلية كتبت بواسطة adel04

تأكد أن هاته المرة فهو راحل عن الحكومة(كلام أحد افراد عشيرته)

ادا تأكد الخبر أنت معزوم عندي على مأدبة شواء في عين كرشة ..

adel04 · 2012-05-25, 19:44

اقتباس:

المشاركة الأصلية كتبت بواسطة أبواياد

ادا تأكد الخبر أنت معزوم عندي على مأدبة شواء في عين كرشة ..

ان شاء الله أخي ابو اياد

أبو محمدأيوب · 2012-05-25, 22:56

بارك الله فيك الاخ عادل
نعم هذه ثقافة الجزائري يبني الشيء ثم يعمل على هدمه ويقوم ببنائه مرة ثانية وبنفس المواصفات ثم يعمل على تهديمه ويبقى يدور في حلقة مفرغة

bonna23 · 2012-05-25, 23:36

لو لا cnapest لن تفعل شيئا unpef والدليل انها تتخبط و اضربت وما قيمها ولا واحد

__الهاوي__ · 2012-05-25, 21:34

اقتباس:

المشاركة الأصلية كتبت بواسطة أبواياد

بارك الله فيك على التنبيه
لكن مازال البعض يقول: احنا أفضل من فرنسا وأمريكا والعالم كله
أليست الجزائر أرض المعجزات؟؟؟
والشعب الجزائر أفضل شعوب العالم والكون!!!!
اخخخخخخخخ

طاب جناني · 2012-05-25, 22:06

يا خاوتي

حنا ماراناش نتكلمو على أشخاص نتاع النقابة وسماتهم الشخصية وراهم ملاح ولا قباح هذا ماشي الموضوع انتاعناالموضوع أكبر وأعمق من شخص الدزيري ولا العمراوي الموضوع راه المستقبل نتاع النقابة الكل بكل مناضليها ومنخرطيها من الشمال إلى الجنوب ومن الشرق إلى الغرب رانا نقولو بلي لا بد من الذهاب إلى الأمام الوضع تغير النقابة كبرت بانخراط العشرات من الآلاف من العمال ولي راهم مستعدين يضحو باش يكونو نقابة تكون معبرة على طموحاتهم ولا تصادر قراراتهم وتكون مبينة على مؤسسات تخدم ماشي على واحد ولا زوج سواءا كانو ملاح ووطنيين ولا لا.

نحن نريد إعادة هيكلة المؤسسات وتقويتها وفتح نقاش قوي حول القانون الداخلي ودراسة جدية للاختلالات التنظيمية لي راهي موجودة والكل على بالو بيها على مستوى المؤسسات القاعدية وعلى مستوى هرم النقابة .وهذا مايجيش إذا كانت الجماعة نتاع الفوق تتبع أسلوب أنا وبعدي الطوفان وحوار الطرشان ويهربو بينا كل مرة من الحوار حول تقوية النقابة وتجديد الهياكل والحوار البناء بين أفراد التنظيم إلى معارك جانبية مرة يقولو راه القانون الخاص ملازمناش نفكرو في هذي الأمور ولي يفكر فيها راه خائن ومرة يهدرونا على الأشخاص ويقولو راهم هم لي شادين الدزاير لا طيح ومرة واحد يقول راني عطيت عهد للصادق دزيري .

يا جماعة إذا كان المتكلم مجنون فالمستمع عاقل بهذه الطريقة نتاع الهروب إلى الأمام وافتعال معارك جانبية الجماعة نتاع المكتب نتاع النقابة راهم ليسو مستعدين لفكرة النقاش الايجابي حول النقابة رواهم يقولون هذا القماش إدي ولا خلي .عجبكم الحال عجبكم ولا عندكم الحيط اخبطو راسكم فيه النقابة نتاعنا ونديرو بيها واش نحبو .