هنـــآ لإكمآل مرآآجعة الفيـــــــــــزيآء

[ريحآنة الوفآء]

أول حاجة تحط القوانين المتعلقة بكمية المادّة قدامك الي هي
n=m/M
الكتلة /الكتلة المولية
n=V/Vm
الحجم / الحجم المولي
الحجم المولي 22.4 ديما على حسب الشرطين النظاميين و ساعات يمدلك قيمة اخرى

و مبعد تشوف المعطيات اذا مدلك الحجم و قالك احسب كمية المادة او عدد المولات تحسب بقانون الي فيه الحجم
و اذا مدلك الكتلة تحسب بقانون الي فيه الكتلة
و اذا مدلك كمية المادة و قالك احسب الكتلة تخرّج الكتلة واش تساوي من القانون الاول
m=n*M
M هو يمد هالك
و ذا قالك ابحث على الحجم و مدلك كمية المادة طبعا تخرّج الحجم واش يساوي من القانون الثاني
V=n*Vm
============
و من جدول التقدم مثلا يقلك في الحالة النهائية
نروحو نهزو كميات المادة الي وجدناها في الاخير بعد التعويض و نطبقو كيما كنت نقلك
و مثلا يقول السؤال اوجد كتلة المتفاعل المتواجد بزيادة
في الاخير عندنا واحد يساوي صفر الي هو المتفاعل المحد و الثاني عندو قيمة ما نهزو الثاني
فهمتنيـــــــ