حصريا كسكس بالغرنينة بالطريقة التقليدية

[om kamilia]

[SIZE="6"]
اليوم لشغفي بالماكولات التقليدية جبتلكم طبق تقليدي وهو طعام او كسكس بالقرنينة ( سكسو سثغديوث
هو طبق تقليدي بسيط وصحي , اكيد تعرفوها و لكن لبنات صغار وبناتنا لاحقا راح ينساو هذو الاكلات مع وقت فايسبوك وتعدد الوصفات الاجنبية
يختلف تحضيرها من منطقة لاخرى , حنا نديروها بالطعام
بمرق ابيض دون اي توابل وتجي بنينة وكاين لي يديروها مرق احمر عادي كما مرقة تاع طعام






لتحضير الطبق

كسكس حسب افراد الاسرة
ربطة قرنينة على حساب دائما الاسرة لان كي نقيها تنقص الكمية
لحم غنمي او لحم بقري مع عظمة غنمي هو لي يمد البنة
أو لحم القديد
ملح ماء
حمص
نقدرو نضيفو فول حبات , حبة لفت باه تتطلق البنة فقط





[COLOR="rgb(0, 100, 0)"]طريقة التحضير[/COLOR]



ولا نديرو القرنينة في الماء شوية دافيء باه نزيلو الاتربة العالقة عدة مرات حتى يصفى الماء







نقوها من الاغصان الصفراء و لي تجي داخل كحلة مثقوبة تاني نرموها كما نديرومع الخرشف





نقطعوها هكاقيس سنتمتر ونفوفروها لمدة نص ساعة







دوكا باه نديرو المرق عندنا الاحمر كما نديرو مرقى عادية ببصل و الخضر ونحمسو نضيفو قرنينة مفورة تطيب ونسقو بيها عادي
و المرق الابيض لي نديروه حنا مافيهش قليان و لا بصل
نحطو طراف اللحم من الافضل تاع غنمي او حتى قطعة من غنمي مع بقري مشحم شوية
نغطيه بالماء نضيفو الملح في نص طياب اللحم نزيدو القرنينة لي فورناها وحمص ونخليهم يطيبو في نفس الوقت نفورو الطعام تاعنا



















كي يطب اللحم و قرنينة تبقى المرقة بشوية


نسقي طعام تاعنا بالمرقة وناكلوه باللحم انا نفضل البصل الاخضر لي كانت يمى تغرسو هههه

وبصحة و الراحة وبالقديد نخليه يتنحى لو الملح ونطيب بيه