ʚïɞ تطبيقات الفراشات ʚïɞ

[لبرايجية]

المشاركة الأصلية كتبت بواسطة omomnia15

سلام يا احلى يرقات وفرشات
جيت من تلمسان وجوزنا فيها اوقات رائعة عطاتني نفس جديد وطلعلي المرال المهم اليوم درت غير ميناج خفيف ورتبت الخزانة من الحوايج الي رجعناهم ودرتلهم المعارك والتاي والرفيس بالعسل منبعد غسلت المواعن وسيقت الكوزينة ونضفت الدار ورحت طرفت حالتي وبدلت حوايجي ومكييت خفيف ودرت شوية ريحة وجيت قابلت راجلي قالي راكي كي اللبة وانا في قلبي نقولوا هذا كلو بفضل الحبيبة حبيبة وراني نكونيكتي معاكم

قليلي انت تلمسانية انازرتها من سنتين والله مدينة رائعة خاصة لالة سيتي وناسها مضيافين

[نايليةوافتخر]

صباح الخير
هذالايام تطبيقاتي عادية لاني نخدم بشوية باه مانعاودش نتعب
اما عنتطبيقات الحملة الربيعية كنت غسلت السدادر والريدوات تاع الصلة والكولوار قبل التطبيق اما الجدران ماغسلتهمش لسببين الاول ظهري واجعني ومانقدرش والثاني راح نعاودو البنتورة تاع الغرف قلت ماكلاه نتعب روحي فيهم مسحتهم من الغبرة برك
روتيناتي راني محافظة عليها خصوصا روتين الصباح وروتين المساء راني نجاهد في روحي عليه يعني قليل جدا وين مانلمعش الحوض ورجعت نخدم في هوايتي المفضلة لكروشي وان شاء الله نحطلكم صور بعض اعمالي
شكرا حبيبة على التشجيع ربي يخليك

[omselma]

مساء الخير اخواتي كل واحدة باسمها .استاذتي حبيبة انا راني ماشية مع التطبيقات للحملة الربيعية البارح درت غرفة شيخي انا راني نغسل نهار بنهار نمشي مع العين وزيد بالزيادة باه ما نتعبش روحي و اليوم ما درت والو خدمة خفيفة . والاسبوع القادم نزيد نكمل بقالي الصالون والهول والكوزينة حابة نخليها هي الاخيرة وقلت لزوجي كي نكمل نروحو لحمام السخنة حمام معدني قالي ما يكون غير خاطرك واش رايك حبيبة اعطيني تقييمك عندك بزاااف ما رديتيش عليا باه يزيد يطلعلي المورال

[وفاء الياسمين]

السلام عليكم
انا اليوم غسلت الجدران غرفة بنتي و سيقت كامل اادار و مسحت الغبرة

و هبطت لخزانا و مازال ما كملتها
راها كامل في الارض
ادعولي نخرج من هذا الحصلة

صليت لفجر و قريت اذكاري و سقمت روحي
بصح مازالني مفاشيتها ما هدرتش معاها

حكمت مذكرة و كتبت فيها
اهداف العام
اهداف الموسم

اهداف الشهر
اهداف الاسبوع
اهداف اليوم و قدرت نقوم بها

الحمد لله معناويات طالعين الحمد لله

[حسناء القمر]

[i]صباح الخير بارحه مازلت مع التنظيفات العميقه اليوم راني مع الكوزينه غسلت لكوزنيار/i]

[ام مؤمن]

صباح الخير عليكم

قبل ماتقراو اشربوا كاشي نتاع الراس

عندي مدة ماقدرتش نكتب بسبب ثقل النت و ضيق الوقت

المفيد راجي جيت اليوم و جبت معايا تقريري

الحمد لله راني تغلبت على نفسي و بديت ننظبط في صلاة الفجر و الايام اللي نصلي فيها الفجر نحس بارتياح كبير و يباركلي ربي في يومي ان شاء الله مانزيدش نتخل عليها

بالنسبة للاعتناء بالنفس في تحسن و قمت بشراء مستحضرات و منتجات للعناية بالجسم و راني متهلية في روحي

تلميع الحوض 10 على 10 انا من زمان نغسل لماعن و نلمع الحوض اجباري حتى اذا كنت مريضة عادة تعودت عليها

راني نطبق في تطبيق 15د و فادني بزاف و الحمد لله ماعنديش اماكن ساخنة كثيرا انا نحب الفرز من زمان

راني نجهز كل مايلزم يوميا للغد و الحمد لله هي عندي عادة قديمة لكنها تعززت بمشاركتي في الدورة

راني نحاول قدر الامكان نكلم نفسي بايجابية و اضع خطوط حمراء لكل الاشياء التي تعيقني في مسار حياتي هههههه راني مانعرفش نعبر باللغة بالاك نستعين باساتذة الادب العربي نتاع الدورة ههههه

راني بديت نقيم نفسي من هذا الخميس ان شاء الله

قمت بكتابة اهداف رمزية فقط حتى اتعود على التخطيط و كهدف اسبوعي ان شاء الله قراءة حزب من القران الكريم يوميا في نفس التوقيت مع التدبر لانني كانت قرائتي للمصحف متدبدبة و غير منتظمة يوم نقرا حزب و يوم نقرا 10 ايات و يوم لا اقرا و كهدف واقعي ان شاء الله نحط خطة محكمة للحفظ و ابدا بالحفظ ان شاء الله
و كهدف شهري ايضا رمزي قراءة كتاب كل شهر نقسم عدد صفحات الكتاب على 30 يوم و كل يوم نقرا جزء و الكتاب لا تحزن عائض القرني
الاهداف اليومية ملامحها واضحة و هي ترتيب البيت و تنظيفه بشكل يومي و الطبخ و الاعتناء بالاولاد
هذه الاهداف امثلة رمزية فقط حتى نتعود على الاداء و نقوم بتحقيق الاهداف الاساسية في حياتي
نسييت راني حددت وقت نومي و استيقاظي و التزمت بيه وقت زوجي منظبط مازالوا اولادي راني معاهم حتى نحددلهم وقت واحد للنوم والاستيقاظ
يوم الخميس مخصص لكتابة قائمة المشتريات بصفة زوجي عندوا غير يوم الجمعة للتسوق و احنا نقتنيو المشتريات اسبوعيا و ليس كل شهر يعني مانحتاجه لاسبوع فقط لان عائلتي صغيرة و احنا عايشين في قلب المدينة كل شيىء موجود في اي وقت تقدري تشري واش تحبي

الميزانية زوجي المسؤول عليها بصفته حكيم جدا انا مبذرة و نحب التسوق ههه و لكنني عملت خطة للادخار من مصروفي الشخصي
قائمة الطعام راني بصدد كتابتها الملامح فقط يعني كثيرا ما اتقيد بالطبخ حسب ما يقتنيه الزوج المصون
راني عملت صفحة motivationندون فيها الملحوظات
الحملة الربيعية قريب نخلص عملت تنظيف عميق لغرفة نومي و غرفة الصالون و المطبخ تنظيف عميييييييييييييق
تفريزات رمضان نبدا هذا الاسبوع ان شاء الله نفرزن غير الحاجات اللي ماتكونش موجودة في رمضان كيما الجلبانة و البرتقال و الفراولة وووووالباقي نحب نشريه طازج في رمضان
هذا كان الموجر و ساوافيكم بالتفاصيل عن قريب التفاصيل المدققة ههههههه
ههههه علابالي كسرتلكم ريسانكم و لكن حتى نقول للغالية حبيبة راني نطبق في تفاصيل الدورة بعد ماتوضحتلي الرؤية و راني نستنى تعليقك انت و الفراشات و كانش مشكل خبروني و كانش مانسيت من الدورة وجهوني
اسفة على الاطالة هذه مكرة برك في النت كي انقطعت عني

و تحياتي لكل الفراشات الطيوبات

[omomnia15]

مساء الخير لبرايجية مرانيش من تلمسان رحت زيارة برك
ام مؤمن راكي فحاة ربي يبارك

[ام هزار]

بالنسبة لتقييمي لهذا الاسبوع راني راضية على نفسي 30 بالمئة بصح ما عليهش رايحة نتعود بشوية على التحكم في وقتي.
تنظيف و تلميييييع الحوض راني من قبل الدورة محافظة عليه..كل ما نغسل لماعن نلمعو...... التطبيقات ماشية فيهم و الحمد لله و لكن على حسب ظروفي و الام ظهري
الاهداف و ما ادراك ما الاهداف...... راني طيحة ونوضة و هذا الشيء اللي مقاقني لكن اكيد رايحة نتحكم في الامر جيدا ابتداء من الاسبوع القادم باذن الله تعالى.
راني نحب في نفسي و نزيد ...... و كافاتها ببغوشينغ اليوم عند الحفافة ......... جيت نهبل الله يبارك :حوحو يشكر روحو

الرسائل الايجابية منيش محبستها ........ و السلبية راني نقاوم فيها.......... الحمدو الله يا ربي
التفريز جلبانة ... قارس و شوي برتقال
كي نوض كل صباح نقول الحمد لله فرصة جديدة باش نجدد حياتي من كل النواحي .......... اللهم ادمها نعمة و احفظها من الزوال

[ام مؤمن]

omomnia15 ربي يحفظك

ام هزار ربي يوفقك و الله ضحكتيني انا تاني رايحة نكافئء نفسي و ندير ليماش هههههه الاسبوع القادم لازم كامل نكونو حوحو هههه

[ام مؤمن]

omomnia15 ربي يحفظك

ام هزار ربي يوفقك و الله ضحكتيني انا تاني رايحة نكافئء نفسي و ندير ليماش هههههه الاسبوع القادم لازم كامل نكونو حوحو هههه

[omselma]

مساء الخير . تقييمي لهاد الاسبوع حسن شوية مع النفيظ . درت توزيع اسبوعي للطعام وطبقتو باذن الله الجانب الجمالي هملتها خاذو الايام لكن اليوم نضت دوشت ودرت ابيلاسيون سشورت ودرت بليسوغ .الجانب الديني ليم صليت اوقاتي اكل اهدافي هي نداوم على صلاتي وكاينة حاجة فيا انا كي نشوف حاجة ماكلة ولا قاطو نهاب باه نجرب ولازم نحيها. على العموم راني مقبولة

[om wassim]

مساء الخير حبوبات
راني نضت لشغلي لقيت الدنيا كارثة
بديت بالجدار تاع الحوض نضفتو و غسلت كامل لمواعن تقول ما مغسولين عاودتلهم
لمعت لحوض كان يعاني مسكين
درت لعشا فول
غسلت و بدلت و درت بارفان
كتبت كامل الاماكن الساخنة و نقصت زوج قجارات تاع وليدي فيهم حوايجو رتبتهم
كل يوم ندير حاجة مازالني عيانه ربي يعين

[أم عبد الله ياسين2]

سلام عليكم خواتاتي ، أهدافي لهاذا الأسبوع طبقتهم كامل الحمد الله ، القاءئمة الأكل الأسبوعية و عليها درت قائمة المشتريات تلميع الحوض كل يوم و نخلي المطبخ يلمع لميع ، و ليت نحب نفسي أكثر خصصتلها وقت و خاصة العناية بالبشرة و الشعر ، مع زوجي الحمد لله ، و هو لاحظ التغيير و جابلي هدية مصحف برواية ورش ، الاهداف الشهرية حفض حزب من القرآن مع التثبيت . أحبكن في الله أخواتي

[أمة الله 84]

مساء الخير
أختي حبيبة سامحيني مقدرتش نحط تقييمي لهذا الأسبوع البارح لمشكل في النت و راني مضطرة نحطو اليوم
الإنطباع العام بيتي مفروز و منظم و لاقيا وقت ماش كيما كنت نخدم طول صباح و عشية و منزلي ناقصو تنظيم الحمد لله هذا راجع لنصائحك
الجانب الديني و للاسف مراضياش على نفسي مزلت نحس في نفسي بعيدة بزاااف مأديش في الواجبات كما ينبغي ناقصا خشوع ناقصة تركيز و راني إن شاء الله رايح نركز هذا الأسبوع على الجانب الديني تحت شعار ' و عجلت إليك ربي لترضى'
الجانب الشخصي : متوسط نعدل روحي صباح نلبس ملابس أنيقة ساعات ندير مكياج خفيف.
الجانب المنزلي د
15 د الأماكن الساخنة و الله طريقة مفيدة جدا قضيت على كل الماكن الساخنة في المطبخ من خزانة إلى أدراج المطبخ الخزانات تحت البوطاجي فرزت القش خبيت تاع الشتاء و جبت تاع الربيع وكنت ساعات ندير 15د مرتين في اليوم.
التنظيف العميق درتوا للصالون أنا مخصصتوا للرجال و غرفة الجلوس للنساء تسياق مليح و مسحت المابل تاعهم و المطبخ درتوا البارح تاني. و بقية المنزل كنت نفرز فقط ومنسيقش كلش يوميا.
الحوض يلمع يوميا مع غسل الأواني و هذا لي كان يمدلي الوقت باه نخدم في الصباح
درت قائمة مشتريات و قائمة طعام و للأسف لم ألتزم بها.

أختي و حبيتي حبيبة مشكلتي في النهوض عدم النهوض باكرا نصلي الفجر و نولي نرقد حتى تلحق عليا 8.00 و ساعات 8.30. و الله أنا مستاءة من هذا الوضع ساعديني من فضلك. و بالنسبة للجانب الديني راح نكتبلك مخطط الأسبوع و صدقيني راح نحاول نركز على الجانب الديني بإذن الله. بارك الله فيك.

[أم ضياء عبد الرحيم]

السلام عليكم و رحمة الله تعالى و بركاته
مساء الخير على حبيبتي حبيبة توحشتك بزززززززززززززاف
و توحشتكل حبيباتي الفرشات
حبيبتي حبيبة ما توقفتش على تتبعك و الاستمرار في التطبيقات
و هذا تقريري
اول حاجة مكاني معكن حبيباتي جبت سجادتي و مصحفي و سبحتي و جيت

التطبيق الاول
تلميع الحوض كل ليلة يتنظف و يتلمع و الماعن يترتبوا في بلاصتهم الحمد لله المطبخ ما نرقدش حتى يكون نظيف و مرتب
التطبيق الثاني : تجهزي 10/10
الحمد لله مواضبة عليه نغسل وجهي كل صباح بغسول و نلبس ملابس نظيفة و من بعد نروح نصلي وندير الورد انتاعي واذكاري و من بعد نروح نحضر الفطور
بالنسبة للتسبيح منين نتفكر نسبح باسم من اسماء الله الحسنى
ضبط التوقيت للدخول للمنتدى
هذا المشكل الكبير الي كان عندي ادمنت المنتدى و عييت انظم وقتي للدخول كلن الان تكسر الميكرو تاعي تهنيت اصبحت ندخل سعات من الهاتف
الاماكن الساخنة 15د و معاهم وقت الراحة 15د
الحمد لله اصبحت ندير اقل من 15د لانه كل الاماكن اصبحت مرتبة و الي تبدى شوية تولي فوضى ثم ثم نرتبها و نرتح في كل عمل نقوم به ناكل فاكهة او نطل على المنتدى المهم نرتاح
و هذا مثال على مكان ساخن


و هذا بعد الترتيب



برنامج التنظيفات
السبت و الاحد التنظيفات اليومية
الاثنين مسح الغبار لكل الغرف + مسح جدران المطبخ/ مسح جدران الحمام
الثلاثاء اليوم الاختياري + تنظيف ارضيات البيت كلها تنظيف عميق بالمنظفات القوية
الاربعاء مسح الزجاج و المرايا و الابواب لكل الغرف + مسح خزانة غرفة النوم
الخميس تنظيف الفرن / الثلاجة + مسح بلاكارات المطبخ
الجمعة غسل ملابس و كيها و ترتيبها في الخزانة
جداول الروتينات كاتبتهم في كراس
تجهيز ملابس اليوم الموالي
وضعت كرسي في غرفة ابني و كل ليلة نجهز ملابسه و محفظته و جواربه
و نجهز ملابس زوجي و ملابسي الي راح نلبسهم في الغد
بالنسبة لغداء الغد نخرج اللحم من الفريزر و نحطو في الثلاجو
و اذا عندي موعد او اوراق نحضرهم قبل بليلة
الافكار الايجابية
كل مرة كيفاه سعات نقدر نتغلب على نفسي و نحول اي رسالة سلبية توصلني سواءا داخلية او خارجية الى رسالة ايجابية و سعات لا لكن على العموم في تحسن
قائمة الطعام
الحقيقة عيت نديرها ما نعرف علاه ديما نطيب الي يجي في بالي او واش عندي في الثلاجة
قائمة المشتريات
نكتب على الثلاجة كل ما تخلصلي حاجة و في كي نحب نقضي ننقل المستلزمات على هاتفي عدني تطبيق تاع المشتريات
ترتيب و تنظيم الاسبوع
محافظة عليه الى احد كبير باذن الله نحط نموذج لترتيب الاسبوع
الاعتناء بجمالي
الحمد لله محافظة على برنامج العناية و كانت اختي حراير ربي يرجعهالنا بالسلامة سالتني عن برنامجي في العناية
العناية اليومية
اغسل بغسول نتروجينا كل يوم و نحط كريم يومي و في الليل نحط كريم الليل و عندي كريم لليدين و كريم للرجلين نسيت ما صورتهم المرة الجايا ان شاء الله


و هذه بعض منتجاتي
كريم واقي ضد الشمس شريتو لابني لكن نستعمل معاه

و هذا لاختي نجاة الي قتلك عليه المنتج تاع الشعر لحمايته من حرارة السيشوار و المملس الحاجة الي عجبتني فيه انه يقاوم الرطوبة و الحرارة حتى كي يكون الجو سخون بزاف الشعر يحكم لا فورم و زيد يخلي ريحتو روعة كاين نوعين lissage 3 jours و
[IMG][/IMG]


و هذا مكياجي من ايف روشي منتجاتهم روعة و ما فيهاش مواد ضارة الي عجبني اكثر هو كريم الاساس tent fluide zéro défautو correcteur zéro défaut
و كاين بيبي كريم من غارنيه الحق ما عجبنيش بزاف
و كريم الجسم تريزور

و هذه ادوات الي نستعملها في الرياضة

ترتيب و تنظيم الشهر
هذا الكلندر فيه خانات لاسماء كل افراد العائلة و الي عندو موعد يكتبو و يقدر يلصق ملصقة يعاوني بزاف لترتيب الشهر بكل سهولة نكتب مواعيد زوجي و انا و فسحات المدرسة لابني و مواعيد الطبيب





االاهداف للاسبوع
بقيت على اهدافي القدم ممارسة الرياضة كل صباح نصف ساعة
و قراءة ربع حزب بعد كل صلاة و حزب بعد الفجر
و حبيت نقرى ورقتين تاع كتاب كل يوم قبل النوم في الاسبوع 14 ورقة نكمل باذن الله في شهرين تقريبا اسم الكتاب la psychologie de l'enfant
المشكل تاعي حبيبة اني ما نكتبش الاهداف نديرها في راسي فقط مزال عندي مشكل التسجيل
الميزانية
مازال التقسيم انتاعنا كيما كتبت من قبل الحمد لله رانا ماشين عليه
حملة صلاة الفجر الذكر و قراءة القرآن
الحمد لله مواضبة على صلاة الفجر و الاذكار الحزب الي مفروض نقراه معاكم كملت منين كنت نقرى من قبل ما بديتش من جديد لكن حابة نبدا من جديد معكن حبيباتي باذن الله نلحقكم
حملة تنظيفات استعدادا لشهر رمضان
هذه بعض كواليس تنظيفاتي
غسلت كوات وحدة و الثانية مازال نستعملوها و حتى ولدي مازال يغطي

غسلت الجدار وراء الثلاجة و الثلاجة




نظفت الغسالة و الجدار الي وراها





تنظيف الحمام اعزكم الله











و نظفت الخزانة و رتبتها و خبيت لحوايج الي بقاو تاع الشتاء لاني خبيت من قبل و مازالو شوية كملتهم و الاخذية حطيتهم في اكياس قماش مخصصة باه ما يديروش الرائحة و عندي شوية اشياء خبيتهم في علبة حذاء












و سجيت كمية من البصل و الثوم المجففين في الفرن









و أظن هناك تطبيق ضبط وقت النوم
لم اجده لكن قريتو واحج النهار و نسيت واش من صفحة المهم
ابني يرقد ديما الثمانية او ثمانية و نصف المهم نحطو في بلاصتو على 8 يبقى يغني و يهدر حتى يرقد و كي تكوون عطلة يرقد على التسعة
و حنا كي نصليو العشاء اذا نهار قصير نتفرجوا برنامج او الاخبار و اذا النهار طويل كيما ضرك نصليو و نرقدوا باه نقدروا انوضوا للصبح
لهنا وصلت في التطبيقات اذا مزال كاين قوليلي حبيبتي و التنظيفات علابالي ما التزمتش بالبرنامج لكن معظمهم درتهم قبل
في امان الله حبيباتي
أحبكم في الله