الى ام اسيد1 وكل وحدة حاصلة واش الطيب

[روح مراد]

غزالة الله يبارك راكي زاهية نتاع الصح
غزالة انت من البليدة؟ يقولو طيابهم بنين و الله أعلم عمري ما ذقتو

[غزالة الصّحراء]

المشاركة الأصلية كتبت بواسطة ام سوهيل

مساء الخير للجميع غزالة ربي يحفضك ركي امنا التانيا في المنتدى ربي يقدرك

يامساء الأنوار أختي أم سوهيل. اللّه ايعشك حنونتي. راني أندير غير في الواجب. هذي الدّار الثانيّة أنتاعنا. فيها نتلمّوا. وثاني راهي الأخت أم حمزة اللّه ايطوّل لنا في عمرها خلاتها لنا امانة . . أختي ام سوهيل مارديتيش على سؤالي . سقسيتك على ابنك سوهيل واش راهو؟ ياربّ ايكون أمليح .

[ام حمزة22]

سلااااااام
واش راكم لبنات
انا اليوم راهي مهبلتني النت درت موضوع في قسم ااخياطة قعدت معاه نص نهار بسيف لطلعلي
المهم ان شاء الله تكونو كامل بالف خير
غزالتي يا سلام عليك راكي دورتيها شعر ملحون ربي يحفضك ويخبيك لينا والاهلك

روح مراد ما تقلقيش روحك ان شاء الله زوجك يلقا روحو في بلادو احسن والله الغربة صعيبة ربي يوفقك انت وزوجك والله لا يفرقكم عن بعض
حتى انا زوجي كان عايش من بلاد لبلاد وكانت عقليتو نتاع الغرب لاكن درك تبدل وسبحان من غير الاحوال ولا يخمم مثل واحد عمرو ما خرج وشاف الغربة
نحمد ربي ونشكر تصوري عام ما تزوجت قالي نحي الحجاب والله شوكاني ما عرفت باه تبليت لاكن درك تغير تماما
روح مراد عليك بالصبر وربي يفرج

[غزالة الصّحراء]

المشاركة الأصلية كتبت بواسطة ام حمزة22

سلااااااام
واش راكم لبنات
انا اليوم راهي مهبلتني النت درت موضوع في قسم ااخياطة قعدت معاه نص نهار بسيف لطلعلي
المهم ان شاء الله تكونو كامل بالف خير
غزالتي يا سلام عليك راكي دورتيها شعر ملحون ربي يحفضك ويخبيك لينا والاهلك

روح مراد ما تقلقيش روحك ان شاء الله زوجك يلقا روحو في بلادو احسن والله الغربة صعيبة ربي يوفقك انت وزوجك والله لا يفرقكم عن بعض
حتى انا زوجي كان عايش من بلاد لبلاد وكانت عقليتو نتاع الغرب لاكن درك تبدل وسبحان من غير الاحوال ولا يخمم مثل واحد عمرو ما خرج وشاف الغربة
نحمد ربي ونشكر تصوري عام ما تزوجت قالي نحي الحجاب والله شوكاني ما عرفت باه تبليت لاكن درك تغير تماما
روح مراد عليك بالصبر وربي يفرج

أهلين بالحبوبة . طلّ علينا البدر. شوفي أختي ام حمزة. هذاك ألي اكتبتو ماشي غير شِعر راه ثاني كيما السيروم. باش ايساهم في انعاش الصّفحة. وقيل راهي ولاّت أروع وأحلى . راه دم محبتنا يجري فيها. على خاطر الكثير من الأمور نتشابهوا فيها كلّنا. ما كنتش أنظّن انّ زوجك عاش من البلاد للبلاد. أنت أنا روح مراد رجالتنا زاروا الغرب وأحنا أنتاع الشّرق. ياربّ الأخت روح مراد تنجح في جعل زوجها يمكث في الجزائر وتتهنّى.

[غزالة الصّحراء]

المشاركة الأصلية كتبت بواسطة روح مراد

غزالة الله يبارك راكي زاهية نتاع الصح
غزالة انت من البليدة؟ يقولو طيابهم بنين و الله أعلم عمري ما ذقتو

أنا زاهيّة بيكم وبردوكم المعسولة وثقتكم لكبيرة فيّ. اما عن الطيّاب لازم أتذوقي باش تتأكدي. هكذا ايقولو اناس بكري.
ياله حبيباتي رايح أنخليكم. على خاطر رايح نقضي مع زوجي لوازم صنع الحلويات.

[صدفات]

مساء الخير عليكم يا لبنات
أنا أسفة اليوم ما قدرتش ندخل عندي خدمة بزاف بصح نرجع و نطل ما يهنينيش خاطري
غزالتي ربي يعينك على شغالاتك روح مراد ربي يهنيك في زواجك تحياتي للجميع

[ام هاديل وياسين]

مساء الخير على جميع الاخوات ان شاء الله راكم بخير نسلم عليكم كامل كل وحدة باسمها

جبتلكم بعض الشباتي درته اليوم للفطور



وهدا قاطو البيضة لام اماني

[صدفات]

المشاركة الأصلية كتبت بواسطة om hadil

مساء الخير على جميع الاخوات ان شاء الله راكم بخير نسلم عليكم كامل كل وحدة باسمها

جبتلكم بعض الشباتي درته اليوم للفطور



وهدا قاطو البيضة لام اماني

يعطيك الصحة يا أم هديل روعة بصحتكم خلاص درتيلي القلب هذه الجمعة نجربه نقصد الشباتي نتاع زينب83 و نحطلك الصور ماشاء الله عليك يا شاطرة كون جيتي قريبة نقولك عطيني وحدة اليوم ما فطرتش مليح هههههههه القاطو ثاني شباب ألف صحة وعافية

[ام هاديل وياسين]

الله يسلمك اختي صدفات ولله مايكبر فيك نعطيك طبسي كامل ونزيد نحليك بالقاطو واش قلتي هههههههه

[ام هاديل وياسين]

حتى هادي الكيكة تاع زينب 66 راهي دايرة حالة https://www.djelfa.info/vb/showthread.php?t=1774880

[ام سوهيل]

المشاركة الأصلية كتبت بواسطة غزالة الصّحراء

يامساء الأنوار أختي أم سوهيل. اللّه ايعشك حنونتي. راني أندير غير في الواجب. هذي الدّار الثانيّة أنتاعنا. فيها نتلمّوا. وثاني راهي الأخت أم حمزة اللّه ايطوّل لنا في عمرها خلاتها لنا امانة . . أختي ام سوهيل مارديتيش على سؤالي . سقسيتك على ابنك سوهيل واش راهو؟ ياربّ ايكون أمليح .

مساء الخير غزالة وش راكي وقيل مراكيش تقراي كامل الردود راني رديت عليك من قبل وسالتك على اولادك ومجوبتينيش معليش حنونة

اسقسي عليك الخير ان شاء الله سوهيل راه بخير والحمد لله وحتى اسراء راهي بخير وراهم مقلقين باش يروحو عند جدهم وخوالهم هبلوني لمو كامل الالعاب نتاعهم حبين يدوهم معهم ومسبتش كيش نديرلهم الى كما هكا لزمني سيارة وحدي هههههههههههههههههه

روح موراد ربي يكون معاك وهنيك

صدفات مساء الخير راني خليتلك وصفة الكيك تع الفول في موضوعك

ام هديل يعطيك الصحة شاطرة ونصف و75

ام حمزة وكل الاخوات سلامي اليكم

[ام حمزة22]

سلام لبنات واش راكم
اهبين بالحاضرات ام هديل وام سوهيل واش راكم
ام هديل يعطيك الصحة وبصحتكم انا هاد نهارات فشلو يديا على الابداع راني غير ندور مع القديم
تحياتي للجميع

[ام حمزة22]

المشاركة الأصلية كتبت بواسطة غزالة الصّحراء

أهلين بالحبوبة . طلّ علينا البدر. شوفي أختي ام حمزة. هذاك ألي اكتبتو ماشي غير شِعر راه ثاني كيما السيروم. باش ايساهم في انعاش الصّفحة. وقيل راهي ولاّت أروع وأحلى . راه دم محبتنا يجري فيها. على خاطر الكثير من الأمور نتشابهوا فيها كلّنا. ما كنتش أنظّن انّ زوجك عاش من البلاد للبلاد. أنت أنا روح مراد رجالتنا زاروا الغرب وأحنا أنتاع الشّرق. ياربّ الأخت روح مراد تنجح في جعل زوجها يمكث في الجزائر وتتهنّى.

وبيك اهلا حبيبتي
والله كلامك مشي غير سيروم راه دواء يداوي لجراح

اما عن زوجي عندو ما تمتع في شبابو ربي يحفضو ويخليه ويخليلكم زواجكم
غزالتي جوزت شهر العسل في فرنسا في لاكوت دازوغ زوجي قالي نقعدو هنا ما نولوش لبلاد ماقبلتش نتغرب فالاول زعف من بعد ولا لعقلو وغلبتو بالراي


روح مراد ان شاء الله ربي يرزقك بالدرية الصالحة هم لي يخلو زوجك يستقر في بلادو ربي يجيب الخير ويهنيك حبيبتي

[ام سوهيل]

صباح الخير قريت هدالدوعاء في الكوزينا وجبتهلكم

قولو امين


عبارة جميلة جداً للدكتور عائض القرني "ضع يدك على قلبك" وقُل :"اللهُمَّ يا خالق هذا القلب املأهُ إِيمانًا حتَّى ألقاك يومَ ﻻ ينفعُ مالٌ وﻻ بنُون إﻻ منْ أتَى الله بقلبٍ سلِيم،ربِّي إنِّي استودعتك نفسِي فلا تجعَلْ مُرَّها يشقِيني ولا حلوها يلهِيني ♡اللهُمَّ اجعل ما نُريده فِي حياتِنا قريبًا لِناظِرنا، سعِيدًا لخواطِرنااللهُمَّ أسعِدْنا سعادتين :الدُّنْيا بخيرِها والجنَّة بفردوسها ...."‬

[روح مراد]

صباح الخير أم سوهيل دعاء مأثر جدا
شكرا لكن على الردود و الدعوات ربي يرزقنا كامل و يفرج علينا و يهنينا