|
|
|
|||||||
| قسم المنزل و متطلباته كل ما يخص المنزل و متطلباته بصفة عامة ، الأجهزة الكهرمنزلية .. الحديقة ... |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
الدورة الرابعة"الرقي لمدبرة منزل مثالية"
 |
|
|
أدوات الموضوع | انواع عرض الموضوع |
2012-02-29, 21:51
|
رقم المشاركة : 511 | ||||
|
السلام عليكم يالحباب اليوم قضيت نهاري كيما يلزم الحال يعني الحمد لله راني راضية على نفسي في المساء طيبت لمسمن باش يستقهوا زوجي وفي لعشا طيبت لبايلا وصليت العشا
|
||||
|
|
2012-02-29, 21:56
|
رقم المشاركة : 513 | ||||
|
اقتباس:
ههههههه
الله يعطيك الخير على كلمة sos ههههههه احم احم ندخل للموضوع الاحد 9.30 11.30 13 15.30 الاثنين، الثلاثاء، الاربعاء 8.30 11.30 13 15.30 الخميس 8.00 9.00 بالنسبة لبرنامجك يوم الاحد مافيهش اختلاف عن الايام الاخرى غير فرق ساعة الصباح أما يوم الخميس راه عندك فارغ تقريبا عمل ساعة فقط إذا راه تقريبا كيما أيام الجمعة و السبت إذا رايحة نعطيك برنامجين واحد لأيام العمل و واحد لأيام عطلة نهاية الاسبوع البرنامج الخاص بأيام العمل رايحة نعرض عليك برنامج كنت حطيته في صفحة غرفة الدردشة اذا والمك كان بها و إذا ماوالمكش ممكن نغيروه للطريقة اللي توالمك بإذن الله https://www.djelfa.info/vb/showthread.php?t=783408 و البرنامج نتاع أيام عطلة آخر الاسبوع رايحة نعطيك البرنامج اللي ننصح بيه كل البنات وهو اللي راني ماشية عليه ان شاء الله تكوني راضية و مرتاحة عليه حبيبتي بسم الله نتوكل على الله الصباح نوضي قبل الفجر بربع ساعة باش تتوضي و تجهزي نفسك للصلاة صلي الفجر و الصبح اقري ورد يومي من القرآن أنتي حددي الكمية يا لوكان صفحة وحدة و ماعليش أذكري الله يعني أذكار الصباح البسي بيجامة ولا لباس البيت يكون شباب و حطي كريم الترطيب على وجهك راني حطيت في صفحة الدورة خطوات العناية بالبشرة ممكن تفيدك حبيبتي شوية كحل أو ماسكارا و مورد الخدود على خفيف يبان طبيعي و افتحي الشبابيك و اتمتعي بنسيم الصباح اللي يشرح القلب و اذكري الله سبحان الله و روحي جهزي الفطور لزوجك افطري معاه و لما يروح شغلي القرآن لطرد الشيطان لمي مواعين الفطور حطيهم فالمجلى ينقعوا فالما دافي اغسلي الفرن ابدي بتجهيز الغذاء لما تكملي التجهيز اغسلي كامل الماعين نتاع الفطور و اللي استخدمتيهم لتجهيز الغذاء و امسحي البوتاجي و لمي الكوزينة على السريع ارجعي للغرفة نتاعك رتبي السرير و التسريحة ممكن ترجعي للدروس الخاصة بدورة الرقي لمدبرة منزل مثالية فيها طريقة ترتيب كل الغرف في البيت بما فيها غرفة النوم و كل ما فيها امسحي الغبرة اكنسيها و ارجعي لغرفة الجلوس نفس الشيء ترتيب سريع و مسح الغبار و كنس و الحمام اغسليه و عطريه عندي طريقة ممكن تستعمليها لتعطير الحمام جيبي قرعة نتاع توب معطر الأرضيات و ديري ثقب في الغطاء و بعد تنظيف الحمام أعزك الله قطري بعض القطرات فالأركان نتاع الحمام رايحة تبقى الريحة الجميلة لمدة لا بأس بها بإذن الله و كملي الميناج بمسح الأرضيات بماء فيه معطر الارضيات و قطرات من الخل الابيض و قطرات من جافيل و بعدما تنشف الارضيات اغلقي الشبابيك و البيبان و عطري البيت كلوا حتى الكوزينة و اغتسلي و غيري قشك و جهزي روحك و طاولة الغذاء لزوجك بعد الغذاء لمي المواعين على السريع تحبي تغسليهم في وقتهم كان بها وإذا حبيتي ترتاحي شوية خليهم ينقعوا فالمجلى و لما تحبي تحطي القهوة اغسليهم عندي تاني نصيحة هنا انا راني معتامدتها في بيتنا أنك تجهزي القهوة نتاع العشية فالصباح في نفس الوقت اللي تكوني ترتبي فيه أواني فطور الصباح بعدما تغسليهم و ينشفوا و تحطيها فالثلاجة و توجدي الصينية و تغطيها و تخليها للعشية بعد القهوة ارتاحي شوية معا عائلتك و من بعد لمي الماعين على السريع و إذا شفتي عندك الوقت فارغ استغليه فيما يرضي الله و يحسن من نفسك اقري و اتعلمي كل يوم حاجة جديدة حاولي كل يوم تكوني أحسن ماليوم اللي فات اهتمي بنفسك و بزوجك احسني لأهل زوجك و اهلك زوريهم و أكرميهم و كوني بنتهم و تفكريهم بالهدية أو باكلة خصوصا إذا كانت تحبها والدة أو والد زوجك نوصيك تهادوا تحابوا ما تنسيش الصلاة في وقتها بعد المغرب اقري أذكار المساء و ابدي تجهيز العشاء بعد العشاء لازم تلمي الكوزينة و تنقيها هاكذا الصباح لما تدخليها قلبك يكون مشروح و رتبي بيت الجلوس على السريع هاكدا يوم الغد مارايحاش اتعبك و تاخذ وقت فالتنظيف و اغتسلي ولا دوشي و حطي كريم لترطيب بشرة الجسم أو معطر للجسم ريحته تبقى 24 ساعة و رطبي يديك و رجليك بفازلين مثلا و حطي كريم الليل لوجهك و قبل النوم انوصيك بالتسبيح 33 مرة سبحان الله 33 مرة الحمد لله 34 مرة الله أكبر اقري المعوذات و آية الكرسي و سورة الفاتحة و نوم الهنا |
||||
|
|
|
2012-02-29, 21:57
|
رقم المشاركة : 514 | ||||
|
اقتباس:
الحمد الله حبيتي وانت كيبف احوالك |
||||
|
|
|
2012-02-29, 22:02
|
رقم المشاركة : 516 | ||||
|
اقتباس:
أهلا لحبيبة ربي يكون في عونك نوصيك خذي فترة راحة قبل ما يجوا ضيافك راني خايفة كامل هاذ التعب يولي عليك ما تنسيش اديري في حسابك أنوا والدة زوجك رايحة تجي تعبانة ولازمك تقومي بيها إذا لازمك تكوني شادة روحك و متهلية في صحتك حبيبتي |
||||
|
|
|
2012-02-29, 22:05
|
رقم المشاركة : 517 | ||||
|
اقتباس:
هههههههههه تخرج عليك فووووووووووووووور محتاجين موضوعك بعنوان دكتورة فيل معاكم ههههههههههه على بالي تساعدينا بزااااااااااااااف |
||||
|
|
|
2012-02-29, 22:21
|
رقم المشاركة : 518 | ||||
|
اقتباس:
بعدما كنت نقول الله يبارك عليها
مينوشتي راهي شاطرة و فرحت بيك رجعتي زعفتيني البكا علاش مافهمتش واش رايح يغير البكا ولا شي قلنا البكاء ممنووووع منعا باتا إلا إذا كان في تقربنا من الله و حبنا له أما عن أمور الدنيا تأخذ الدنيا غلابا ماشي بكاءا راكي في المستوى حبيبتي ما تتوقعيش أنوا عقلك ممكن تعيدي برمجته على التوقف عن ردة فعل معينة والفها منذ سنوات بين ليلة و ضحاها لالا ماشي هاكذا لوكان توماس أديسون لما فشل في اختراع المصباح و من أول محاولة راح بلع على روحه فالمطبخ و بكى كنا مارايحينش نتنعموا بالمحادثة دروك و ما كنتش تشرفت و سعدت و افتخرت بمعرفتك أنت و كامل لبنات كلكم راكم هنا عندكم تحديات راكم كامل تطيحوا ماشي مهم شحال من مرة اطيحوا المهم أنكم بعد كل طيحة ترجعوا توقفوا و تمشوا و ما تستسلموش أبدا هذا هو التحدي الحقيقي عدم الاستسلام راكي حاسبة الشيطان راه يشوفك تريغلي في أمورك و تتقدمي في ميزان حسناتك و مراتبك عند الله عز و جل و يبقى مكتوف اليدين كلا و بلى خخخخ لازم ولابد يدخل روحه فالوسط و يحرم خخخخ ما تعطيهش الفرصة يتغلب عليك و يرجعك للوراء لا رجوع للوراء ليوم فشلنا غدوة ننجحوا اللي بعده فالشك اللي موراه أكيد و هاكذا كل يوم و ظروفه المهم راكي عارفة واش راكي اديري و عارفة تسيطري على روحك و ما تتقلقيش كنت رايحة نحط خطوات كيفاش الام تسيطر على روحها معا أولادها و تغير سلوكها من العصبية للهدوء لكن واللله ما كفاني الوقت راني قاع العشية و أنا حانية راسي على الميكرو نكتب فالردود و مازال ما كملتش ممكن غدوة إذا كتبلي ربي نحط هاذ الخطوات يدينا بيدك حبيبتي و نكملوا معا بعض ههههه حنا رانا عادا نقولوا بسم الله و انتي باغية تنزلي الجينيريك (تفكرت المسلسل نتاع أم مريا حبيبتنا خخخ) يلا حبيبتي راني نستنى نقرا ردك اللي رايحة تقوليلي فيه راني واقفة مهما يكن و يا جيل ما تهزك ريح غادي نستناك حبيبتي |
||||
|
|
|
2012-02-29, 22:22
|
رقم المشاركة : 519 | ||||
|
اقتباس:
ولكن مع امتحانات بنتي ونحضر للتحدي نتاع دورة التصميم راني تعبانة شوية غير نحب نطل عليكم قبل ما نروح نرقد |
||||
|
|
|
2012-02-29, 22:27
|
رقم المشاركة : 520 | |||
|
الى الغالية ام رحمه |
|||
|
|
|
2012-02-29, 22:30
|
رقم المشاركة : 521 | ||||
|
اقتباس:
ان شاء بنتك تنجح وبامتياز ونفرحو بيها وربي ينجحك في الدورة شحال نحب الخياطة لكن تعلمتها وحدي يعني نسلكها شوي شوي |
||||
|
|
|
2012-02-29, 22:31
|
رقم المشاركة : 522 | |||
|
راني لضرك وما تضحكوش عليا ما نيش فاهمة الدورة هذه مليح |
|||
|
|
|
2012-02-29, 22:34
|
رقم المشاركة : 523 | ||||
|
اقتباس:
آآآآآآآآآآآآآآآآآآآمين حبيبتي الله يحفظك
انا كذلك راني هاوية فقط ما تعلمتهاش وغير كي حبست العمل وقعدت في الدار باش عدت نخيط وحدي |
||||
|
|
|
2012-02-29, 22:45
|
رقم المشاركة : 524 | |||
|
الى عمري مريومة -sondse1 |
|||
|
|
|
2012-02-29, 22:53
|
رقم المشاركة : 525 | ||||
|
اقتباس:
حبيبتي أنوسة ربي يكون في عونك و يحمل عنك و يعطيك الصحة و الهنا رايحة نعطيك نصائح ممكن تفيدك في الاشغل اللي راهي عندك في التحضير للرحلة بإذن الله: المهم انك تجمعي أكبر قدر من الكراتين (كرتون يعني )  و أهم شي الشريط اللاصق والقلم اللباد   أعطيك نصيحة من مجربة لازم الكراتين تكون خفيفة (ضعي فيها الملابس مثلا لحد نص الكرتون فقط ) لا تنسي تلفي أواني الزجاج والفخار بجرائد (اجنبيه طبعا) أو بقماش قديم  بعدين التحف لفيها في جرايد وحطيها في كراتين مواعين المطبخ الزجاج لفيها بفوط او جرايد ورتبيها في كراتين اغراضك الخاصه الملابس في شناط الأحذية في كراتين والشناط الصغيره الميك اب واغراضك الخاصه في شناط اذا عندك اطفال نفس الشي اهم شي اكتبي على الكراتين مثلا اكتبي مطبخ وبين قواسين الشي الي بالكرتون مثلا كاسات حتى ما تبقايش تالفة بينهم حبيبتي اول شي ما ترسليش اغراضك الا وبيتك الجديد نظيف ممكن تجيبي شغاله بالساعه تنظف كل شي اذا وصلتي بيتك الجديد حطي كل كراتين في مكانها مثلا كراتين المطبخ حطيها في المطبخ اغراضك في غرفتك وابدئي رتبي غرفه غرفه اهم شي الاغرض حطيهم في الكرتون نظاف اهم شي الترتيب والنظافه ورايح تخلصي بسرعه انا انصحك اذا ماعندك شغاله جيبي كاش حد يساعدك و تخلصي بسرعه بالبركة عليكم الدار الجديدة إن شاء الله تكون فاتحة خير عليكم و تشوفو فيها أيام الهنا و السعادة الله يستركم من العين |
||||
|
|
|
| الكلمات الدلالية (Tags) |
| لمدبرة, مثالية", أوسم, الدورة, الرابعة"الرقي |
| أدوات الموضوع | |
| انواع عرض الموضوع | |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
يلالالالالالالا بنات همتكم معايا حذووووووووووقااات
وللاسف نقس زوجي النلفاز وولادي كل واحد راح لبلاصته بعد ما خسرت التحدي مع نفسي رحت للمطبخ بلعت على روحي وبديت نبكي اسمحولي ما كنتش في المستوى
العرض العادي
