الدورة الرابعة"الرقي لمدبرة منزل مثالية"

[Minnnaaa]

السلام لبنات
شكرا حبيبة على القاطو
غادي نحكيلكم على نهار اليوم
الجانب الديني غير ادكار وسماع سورة البقرة طيلة الصباح
الجانب التجميلي راني نستعمل صابونclean&clear ونتستعمل كريمة للوجه skinial كريم للنهار واخر لليل وvazlineطبعا
الجانب التنضيفي ..اليوم نضت 5.و45 وجدت القهوة والحليب لبنتي(تنوض بكري) نوضت مول الدار وولدي تقهوينا وعاونت ولدي يلبس قشه وفي نفس الوقت نقرى الادكار وهو يعاودمورايا باش يحفظهم ,راحو للمدرسة نقيت بنتي ,وخليتها قدام براعم (تموت على روزي) رديت الفطور ورحت لغرفة النوم خرجت الكوات تتهوا والاغطية نتاع ولادي ونقيت الغرفة ورحت للماريو جبت طاولة كيما قالتلنا ام مرية الله يحفظها وحطيت كامل القش و حكمت باسينة درت فيها ازيس ليكيد ودرتها فالارض وجريت الماريو مبعد نشفت الارض ورديت الصوالح لبلاصتهم وبلعت النوافد وعطرت الديار جا ولدي وباباه فطرنا مبعدلميت الماعين في المطبخ رقدت بنتي مبعد رحت للمطبخ درت بيسكوي بالليمون مبعد غسلت الماعن ومسحت الارضيات خفيف
جلست امام النت شويا ,ناضت بنتي وجا زوجي وولدي تقهوينا لميت الفناجل حظرت العشا وخليته على نار هاديةرحت نراجع لولدي دروسه.....البقية راني حشمانة نقولهالكم هاهيا
جانب التحدي في الصباح عادي بصح لعشية بعدما استقبلت زوجي وولدي بابتسامة عريضة وتقهوينا مع بعض وانا فرحانة
تبدلت الحالة زوجي كان رافع صوت التلفاز بزاف ,ولدي دابز مع اخته ماخلاتهش يكتب,سيباريت بيناتهم شعال من مرة بهدوء وانا دايرة التحدي بين عينيا لكن في المرة الاخيرة بدا زوجي يزعف على الصغار مع هاداك الصراخ ما تمالكتش نفسي وبديت نصرخ على ولادي وللاسف نقس زوجي النلفاز وولادي كل واحد راح لبلاصته بعد ما خسرت التحدي مع نفسي رحت للمطبخ بلعت على روحي وبديت نبكي اسمحولي ما كنتش في المستوى
سلام