تاريـــــــــــــــــخ و جغرافيا

[أسامة3]

المشاركة الأصلية كتبت بواسطة المُعادلة الصّعبة

شوف اخويا اسمعني مليح
سقسي روحك هذا السؤال وجاوب روحك
في ميزك يا درا العام لي فات كيما العام هاذا ؟ او بالاحرى محتم يكونوا كيف كيف ؟

زيد سقسي روحك اسكو امس كي اليوم ؟ نفس الاحداث فس المورال نفس التخمام نفس القراية ؟
انا نقولك مستحيل
مستحيل يتعاود نفس الشي
ديجا مجرد تخوفك من انو يتكرر السيناريو مااراحش تخليه يتكرر غصبا عنو
لانك تضربت ضربه قاوية خلاتك دايما تخمم فالحفظ باش ما تعاودش غلطتك
واصلا حياتك ماتكتبتش باش كل عام يجي كيف لي بعدو

لي قدرها ربي تجي
ماتقارنش اصلا روحك بالعام لي فات ماشي كيف كيف
نساه العام لي فات كانك جامي عقبتو
خمم فهاذ العام
وحط في بالك كيما تحفظ راك تلقا مافيهاش
معادلة بسيطة

العام لي فات ماحفظتيش ؟ الوغ ما جبتيش
العام هذا رح تحفظ ؟ الوغ رح تجيب باذن الله
ماتقارنش ابدا ابدا العام لي فات بالعام هذا
اصلا نتا علاش عاودت .. ياك باش تصحح اخطائك !! ياك باش تعوض العام اللي فات !! ياك باش مايجيش العام ذا كي العام لي فات ؟؟
الموضوع بسيط ومزال في يدك ما خرجش عن نطاقك
كي تحب تحفظ وتكمل والله تحفظ
كوراج برك وارادة
صدقني ماكانش واحد فينا الفتره هذي ما تواجهوش ضغوطات وصعوبات
رانا كامل مضغوطين وحاسين حوايج ناقصتنا
بصح حنا ماناش نخزروا فالحوايج هذيك ونقولوا رح نفشلوا
لالا نحاولوا ع قد ما نقدروا ننحيوا النقائص هذيك باش نوصلوا للرضى عن انفسنا
رانا كامل كامل كامل نفس شعورك صدقني وانا شخصيا عندي وحد الضغط جامي حسيتو
وهذا شعور طبييييعي للغايه
انت مجرب الباك م قبل و ادرى مني
لذلك حاول تتجاوزها واحفظ برك وتفكر بلي ماراكش غير نتا لي تعاني وماكش اول واحد تجوز الباك فالدنيا هاذي
عادي خلاص

وخمم في حاجة اخرى
تخيل عبد مثلا راهو ف situation تاعك بصح هو اقوى منك وعندو اراده خير منك
هو ما خلاش الحفظ وما قعدش فالشوكة يندب لالا

هو تجاوز كلش وحفظ

تخيل برك بلي عبد راهو هكا ونفس الوضع تاعك بصح هو كان خير منك
انت حاول تكون هذاك الشخص باش يوما ما تقول انا درتها
باش ما تندمش
خاطر كي تشوف عبد عندو نفس ظروفك وامكانياتك بصح ارادتو كانت ااقوى من كل شيئ .. تغير وتتحفز بزاف تقول ماهوش خير مني رانا كيف كيف هو برك كان اقوى
نتمنى وصلتلك الفكرة
هاذي هدره كنت حابه نقولها وكان موضوعك في طريقي فرغت قلبي فيك ههههه نتمنى نكون شجعتك وحفزتك وحفزت كل واحد مر على هدرتي
علابالي طولت بزاف
والفوا بيا هههه

Motivation ولا أروع هادي جامي واحد هدرهالي, تصلاح تكوني Psychologue
لا والله راني من نيتي ça fait plaisir تصيب كاش واحد يشجعك في وقت الضغط
مقارنة بالعام اللي فات surement كاين فرق, عام اللي فات مشيت نفوت وانا نراجع فالطريق ماكنتش meme pas مكمل الدروس في المواد الأساسية و ديت 10,26 بصح ماحسيتش بالفرحة كيما موالف نحس كي نفوت امتحان, حسييت راسي خسرت صراحة صيف كامل فوتو كاره حياتي. دخلت للجامعة ختاريت science de la matière وما عجبتنيش وجاتني واعرة, تقرا 8ans ولا كتر باش تدي doctorat تاعك en physique ولا chimie معا التالي تخدم ف labo ولا استاذ جامعي وانا نكره الأساتذة صراحة ومخصنيش نولي استاذ مع احتراماتي للأساتذة ,بصح هاد العام خصني حا 17 ولا مهادوك جوايه خصني تخصص شباب اللي malgré نقرى فيه بزاف بصح ما نندمش, نحس راسي بلي حققت حاجة فحياتي, عليها خصني معدل شباب هاذ العام, بصح عاود كي تجي تشوف التاريخ والجغرافيا, اسلامية صحا نكملها تجيني ساهلة, والفلسفة كل يوم نقول غدا والله الا المشاعر يتلطو عليك مخك يحبس ما تبديش تخمم meme pas كيما موالف,,,

[المُعادلة الصّعبة]

المشاركة الأصلية كتبت بواسطة hxchxmxx

motivation ولا أروع هادي جامي واحد هدرهالي, تصلاح تكوني psychologue
لا والله راني من نيتي ça fait plaisir تصيب كاش واحد يشجعك في وقت الضغط
مقارنة بالعام اللي فات surement كاين فرق, عام اللي فات مشيت نفوت وانا نراجع فالطريق ماكنتش meme pas مكمل الدروس في المواد الأساسية و ديت 10,26 بصح ماحسيتش بالفرحة كيما موالف نحس كي نفوت امتحان, حسييت راسي خسرت صراحة صيف كامل فوتو كاره حياتي. دخلت للجامعة ختاريت science de la matière وما عجبتنيش وجاتني واعرة, تقرا 8ans ولا كتر باش تدي doctorat تاعك en physique ولا chimie معا التالي تخدم ف labo ولا استاذ جامعي وانا نكره الأساتذة صراحة ومخصنيش نولي استاذ مع احتراماتي للأساتذة ,بصح هاد العام خصني حا 17 ولا مهادوك جوايه خصني تخصص شباب اللي malgré نقرى فيه بزاف بصح ما نندمش, نحس راسي بلي حققت حاجة فحياتي, عليها خصني معدل شباب هاذ العام, بصح عاود كي تجي تشوف التاريخ والجغرافيا, اسلامية صحا نكملها تجيني ساهلة, والفلسفة كل يوم نقول غدا والله الا المشاعر يتلطو عليك مخك يحبس ما تبديش تخمم meme pas كيما موالف,,,

احمد ربي لي جاتك فالمواد الادبية والله احمد ربي
اذا راك مسلكها فالمواد الاساسيه غير حمد ربي
لانو الايام هاذي لي بقات كفيله وكفيله جدا بانها تخليك تختم المواد الادبية
اعفس على قلبك وتفكر دايما بلي هذا كامل رح يفوت
وتفكر بلي عامك لي فات ونسيتيه وخلاص راك في عام جديد
انظر نظرة للمستقبل العام الجاي الوقت هذا ان شاء الله رح يتبدل شعورك نحو نفسك وتكون في التخصص لي راك متمنيه


دير القلب برك و قاوم قاوم برك

خاطر كلشي يفوت بصح الثمرة تاع التعب ما تفوتش وهذيك هي لي تديرلك آفاق لمستقبل تاعك

[أسامة3]

المشاركة الأصلية كتبت بواسطة المُعادلة الصّعبة

احمد ربي لي جاتك فالمواد الادبية والله احمد ربي
اذا راك مسلكها فالمواد الاساسيه غير حمد ربي
لانو الايام هاذي لي بقات كفيله وكفيله جدا بانها تخليك تختم المواد الادبية
اعفس على قلبك وتفكر دايما بلي هذا كامل رح يفوت
وتفكر بلي عامك لي فات ونسيتيه وخلاص راك في عام جديد
انظر نظرة للمستقبل العام الجاي الوقت هذا ان شاء الله رح يتبدل شعورك نحو نفسك وتكون في التخصص لي راك متمنيه


دير القلب برك و قاوم قاوم برك

خاطر كلشي يفوت بصح الثمرة تاع التعب ما تفوتش وهذيك هي لي تديرلك آفاق لمستقبل تاعك

الحمد لله على كل حال, علابالي بلي دوك تكون واعرة بصح ماعليش نعفس على قلبي كيما لي قلت ياك مابقاش كيما لي مشا,,,
شد راسك حتى نتي ونشاء الله ربي يعطيك واش تحب, شكرا