خدمة والدي الزوج واجب

[boufarikoise]

المشاركة الأصلية كتبت بواسطة توحيد الجزائرية

من يعايش المجتمع الجزائري والتغيرات الفظيعة التي طرات عليه، السكن المستقل وقد لا يسلم المرء
دائما اصابع الاتهام موجهة للكنة ،على انها الظالمة المستبدة،،الكائن الغريب الذي سيفرق العائلة
لكن والله بعض ( العجايز ) عندهم حيلة تفوق وتجابه ثلاث كنات ،،
اذا خلات العروسة في الدار تحط دراهم على اليد لتمتحنها ،،ولما تخرج ترجع خفية حاملة حذاءها بيدها وتدخل خفية للدار حتى تراقبها،،حتى الخبز يتخبا والاكل حساب ،،لازم العروسة تاكل اقل من الكل ،،لانها مقناعة
ولازم كل شيء يتخبا ،،يعني اذا مرة نظفت البيت بغياب الحماة تجد مستودع للخضر والزيت والسكر ،،،
الخرجة لازم مع اخت الزوج حتى وان كانت تصغرك بسنوات،،وفي البيت هي بعد العجوزة صاحبة الراي
الوحم ماكاش منو ،،واذا عرفت انك متشهية حاجة تمدها لبنتها على عينك ،،،الطبيب تبذير واصراف
و الزوج يلوذ بالصمت خوفا من الوالدين،،
لما تكون الكنة حامل ،،لازم تضاعف العمل،،وتقل الطلبات ،،الوحم مكاش منو ،وكل شيء يصير غااالي
مع الضيوف لازم تتحشمي وتتبهدلي
ويقولو خدمة اهل الزوج،،،
الكنة غريبة وتبقى طول حياتها غريبة
وتنال اشياء كثيرة اخر المطاف ،،،تمرض بالاعصاب،،يجيها مس ،،تتعقد،،تعود تخاف من الناس
يتاثرو الاطفال،،
كاين الناس مفروض اولا يخافو الله عز وجل ويستشعرون مراقبته
وبعد ذلك يصلح كل خلل،،

و الله عندك الحق فى كل الي قلتيه دايما تبقى الكنة برانية و محال تعتبر كبنت ليهم ياكلوك لحم و يرموك عظم و يقولولك عمرك الا خدمتينا انا كي نجي خارجة مع الزوج و الاولاد ملزوم ندي العجوزة و بنتها معايا في حياتي ما خرجت مع زوجي او اولادي وحدنا غير الا رحت لدارنا و لازم نعلم العجوزة و الا ماكانتش نعلم شيخي و الا ماكانش نعلم لوستى اللى هيا اصغر مني ب 10 سنوات و هدا مع العلم اني خارجة مع زوجي تحسي روحك زوجة ليهم كامل و خلي و خلي الزواج في الجزائر ماشي يجيبو كنة لكن يجيبو شغالة للبيت كامل ماعندهاش الحق تعيش حياتها و الحياة تصعاب كي تكوني عاملة راني فى 14 سنة زواج مازال ماحسيت روحي امراة و زوجة الضحكة ماتنجميش تضحكيها نورمال و الا الصبح يصبحو عليك و زيد الزوج يلعب دور هام و الا كان قلبو ميت كيما الليعندي غير تقعد فى دارهم خير