ماهي شروطك (كِ) للمتقدم لك (لها) ؟؟

[allamallamallam]

المشاركة الأصلية كتبت بواسطة staifia

لاه انا قتلك يكون أمي جامي قرا حرف ولا كتب ؟؟؟؟؟؟؟؟؟؟؟؟؟ لاه وين رانا ؟؟؟
اقصد ليس هناك مشكل لو انا متخرجة من الجامعة وهو مثلا باكالوريا
انت لم تفهم مقصودي جيدا
المعقد كاين رجال يشربوا المرار لنسائهم معقدين يعني يديروا روحهم متدينين وعارفين شرع ربي و هما غالقين عليهم الباب و النافذة ما يخرجها ما يعطيها قيمتها ما يهتم بيها يدخل يعيط يخرج يعيط .... الشكـ قاتلو في الطالعة والنازلة
هذا برأيك مش معقد ؟؟؟
لالا ماراكمش فاهمينا خلاص .... الماكياج واللبسة لي راك تهدر عليها قبل ما نخاف من الرجل نخاف الله سبحانه
وقبل ما يجي الرجل لي يتزوج بيا ,,, وين كنت عايشة ؟؟؟ عايشة مع ابي واخوتي يعني رجال كاين لي يحكم فيا و الحمد لله تربيت على مبادئ راهي راسخة في ذهني ومستحيل نتجاوزها لأنو وحنا نكبروا قاعدين والديا يعرفونا معنى كل شيء ونعرفوا الحسن من السيء .
هذا قناعات و قبل ما نخمم في الرجل نستحي بيني وبين نفسي ... مش حتى يجي الرجل وباش نخاف منو
الحمد لله متربيين و بنات اصل وكبرنا بين رجال
وفي الاول والاخر هوالخوف من الله وحده اما بين الناس فهناك احترام وهيبة وتقدير وليس (( خـــــــوف))

ان شاء الله تكون فهمتني
تحيتي

يا اختى السطايفيه

رانى نحاول نفهم اصبرى عليا اختى راه راسي ثقيل ياسر و بطيء جداا فى الفهم ساعفينى يا اختى سطايفيه

نرجع للنقاش

قضية المثقف رانا حسب ما فهمت ان المثقف عندك اصبح الآن واصل للبكالوريا الآن ؟؟؟ لا ندرى الردالقادم وين راح توصليه


قضية اللبسه و الماكياج ؟؟؟ الاغلبيه الساحقه من البنات الآن خاصة الجامعيات لازم قبل ان تخرج تحط المكياج ولو حاجه قليله ما تبانش

لأن الامر اصبح ثقافه عند البنات الآن لم يعد عيبا خاصة عند بنات المدن و الظاهره بدأت تصل حتى الى القرى و رانا كلنا اصبحنا نشوفو بعينينا المشكل ماش فى املكياج لأانه للأسف اصبح امر واقع ومفروض علينا الادهى راه اكثر من هذا المكياج و رانا كلنا نخاف من الله تعالى اختى السطايفيه

المعقد ..... الرجل الذى يراقب الطالعه و النازله هذا يسمى الحريص و المسؤول ام يسمى المتفتح ههههههههههههه؟؟؟؟؟؟؟؟؟؟؟؟

المشكل ان كل بنت تقلك حنا متربين و بنات اصل و كبرنا بين الرجال صح كاين بنات كيما هاك

لكن ما رأته عيوننا عكس هذا بنسبه كبيره جدااا

مشكل المرأه انها ضعيفه جداا امام شيء اسمه الزواج خاصه فى عصر العنوسه الذى نعيشه

ربى يحفظ كل بنت حلال

السلام