~|[ « النظر هو الحياة.... كل ما يتعلق بالعين,النظارات, العدسات اللاصقة, الزجاج ستجد له اجابة هنا ان شاء الله» ]|~

[yacine-08]

المشاركة الأصلية كتبت بواسطة سطـايفية بكل فخر

العفو اخي ياسين راهو واجبي
+
وانت زادا اخي واجمعين ان شاء الله
+
قداش لاكوريكسيون لي كنت حاطها يعني وشا كتبلك في الورقة
+
واش من نوع زجاج مداير مداير بيض سامبل ولا اونتي روفلي هذوك لي فيهم لون اخضر او ازرق
+
وعلاش تقوم بجهد باش تشوف بلا بيهم
+
الظاهرة هذي وقتاش دارتلك هل منذ بداية العام ولا في الاون الاخيرة برك
+
بالنسبة للسوال الاخير
لي يشوف مليح ويلبس نظارات رايحين يساعدوك باش ميتعبش ومش رايحين ينقصولو في نظروا
بالنسبة للناس لي ناقصة في الشوفة وتشوف اقل من 10على 10 النظارات تساعدهم باش تعوض النقص لي في عينيهم
وممكن تطلعلهم الشوفة عشرة على عشرة لكن مش كل الحالات يتعلق الامر بالعمر وبدرجة النقص ومدى التزام الانسامن بوضع نظاراتو
ومعلومة الناس الناقصة لي ترتدي النظارت باستمرار مش رايح يزيد ينقص نظرهم بل يستبيليزا وعند الاطفال ممكن يطلع ويتخلصو بالنظارات
لكن الناس لي تحط النظارات شه وتنحيهم شهر ويقلك راني نقصت منهم هذا راهو خطا وينقص سيف لانو عينو توالف رتم معين ويولي ينحيهولها تزيد توالف رتم اخر يزيد يعاود يبدلوها وهكا يعرض العين للنقص في الشوفة

اجبني على الاسئلة لي طرحتهالي باش نقلقك السبب اخي
شكرا للثقة لي وضعتوها في الموضوع

السلام اختي السطايفية شكرا على المعلومات المفيدة

+
لا اتذكر جيدا ماذا كتب لي الطبيب في الورقة لكن على حسب ما اتذكر عين 8/10 و الاخرى 9/10
+
ابيض سامبل خفيف ليس مضاعف
+
بخصوص الجهد عند النظر هو الذي جعلني اذهب للطبيب في المقام الاول، لانه كانت لدي فنرة امتحانات و كنت اجد صعوبة في التركيز لقراءة الكتابة الصغيرة خاصة مع الفوتوكوبي مامكتوباش مليح و الاضاءة ضعيفة قليلا/ادرس ليلا/ يعني شعرت ان عليا القيام بمجهود اضافي حتى استطيع الرؤية جيدا لدلك كنت اشعر بالم في العينين حتى وضعت النظارات و تحسن الامر كتيرا

+

هذه الظاهرة كيما قتلك كانت مند البداية عند وضع النظارات لكن الان حاليا لا اشعر ان نظري يتحسن بل بالعكس اعتقد انني كل ما انزع لنظارات ارى انني نظري بدأ ينقص يعني النظارة لم تساهم في الحفاظ على نظر بشكل طبيعي او تفيد العينين

+

بانتظار ردك راني حاس راني نهدر مع الدوكتوراه السطايفية