ساعدوني في حل مشكلتي

[imene08]

المشاركة الأصلية كتبت بواسطة قمر الهضاب

ولو يا اختي وعلاه ميعجبنيش انا حطيت الموضوع ونتقبل اي رد منكم وش قلتي صح عندك الحق فيه مكانش لازم يقعد معاها وحدو هي وماليها كانو حاطين عينهم فيه قبل مايعرفني يعني معندهم مايديرولها وخالو حب يرضي مرتو ودور لعايلة كامل عليه وقالولو تزوج بيها
والله يا اختي معلاباليش وش ندير نجبد روحي ونخليه ولا نكمل معاه ولوكان يضربني في ظهري وفالاخير يقولي انا نرضي ماليا والله راني حايرة
معولة نستخير باذن الله ولي شافها ربي صلاح يديرها وانا نرضى بمكتوبي وخلاص
انتظر عودتك للموضوع يا اختي وكونكم هانيين نخبركم بكل جديد و كيما قلت للاخ الفتى الصغير كي تفرا نقيم الاعضاء كامل

شكرا اختي سلااام

شوفي يا ختي نحكيلك قصة صرات لصديقتي و عايشتها معاها:
كانت تحب واحد و بقاو كيف كيف شحال من سنا (و الله كي قريت قصتك شبهتها لقصتها ان شاء الله النهاية تاعك ماشي خير من النهاية تاعها)
المهم خطبها هاذاك الشاب و الأهل تاعها ما رضاوش بيه (و في نفس الوقت لي خطبها فيه ناضت بنت خالو قاتلهم خدعني و أنا كنت نمشي معاه و هو راح خطب هذيك البنت و المؤلم في الأمر أن بنت خالو هاذي زارت الفتاة صديقتي في بيتهم هي و أخت الشاب يعني علابالها بلي كاين علاقة بين صديقتي و القريب تاعها...) المهم كبرت عليه و هو ولا يحلف ما يتزوج بيها و كي هدر مع والد صديقتي رسميا رفضوه ضرب مدة شهرين أو ثلاث شهور ماضهرش كي عيتطلو صديقتي لأنها قاتلو نقعد معاك مع الوقت رايحين يقبلو المهم بعد 3 شهور عيطتلو و (في 3 شهور تزوج خوه قاتلو كل شيئ مبروك على العروس الجديدة تخيلي واش قاللها :.....شكون قالك خطبت!!!!! أتعلمين شكون خطب؟؟؟؟؟ بــــــنـــــــــــــــــــــــت خـــــــــــــــــــــــــــــالـــــــــو لي كان يحلف و يقول تقعد غير هي في الدنا ما نتزوجش بيها (و ضرك عندهم ولد) أما صديقتي فقد عوضها الله بزوج صدقيني أختي أحسن منو ألف ألف ألف مرة متعلم و جمال و أخلاق و بر بالوالدين ماشاء الله عليهم في زوج و ضرك راهي حامل و قريب نشاله تزيد "و راهي تحمد في ربي ليل و نهار لي رزقها بزوج كيما هذا " الحلال مليح يا ختي
و قصتك ذكرتني في قصة صديقتي لكن نتمنا تكون النهاية تاع القصة تاعك أجمل و أحلى و نصيحة من أخت كبيرة لأخت صغيرة...
عمرك ما تغضبي والديك عليك على جال راجل براني عليك لأن والديك هوما لي يحبوك و هوما لي يدومولك
عذرا على الإطالة لكن كتبتلك واش صرا و عايشته مع صديقتي و الله العضيم قصة صرات و كنت شاهدة عليها
لي عودة ختي ليك و راني هنا لي نقدر نعاونك بيه صدقيني مارايحاش نبخل أختي القمورة