اخي انا لو كان النظام بيدي لاطلت مدة تكوين الليسانس لانها لاباز وقصرت مدتي الماستر والدوكتوراه لانو غير معقول لازم يطيح شعرك ويبياض وتولي عندك معالم الشيخوخة باش تخلص قرايتك
+
اخي لي معندهمش عمل اصحاب الليسانس ل م د للاسف مش معتارفين بينا اصلا
هدي من نقائص الل م د وحتى اصحاب الكلاسيك يعانيو من مشكل ابطالة يعني راهو مشكل الجزائر كلها
يعني اخي كان لازم على الدولة قبل متفرض عليك نظام تكون مجدتلو خاصة كي يكون نظام كيما ل مد
+اني قتلك الاساتدة محبوش يكسرو راسهم ويكملونا والطلبة يموتو على العطل وميصدقو تقلهم متقراوش
+
انا عامي دخلنا للجزء الثاني لجميع الكتب لكن مكلناش عمري شفيت على روحي كملنا بروقرام
حتى باكنا ياخي علابالك بدفعة 2010 حدولنا الدروس لكن اخي هدي مش غلطتنا يعني كون قالونا مكانش عتبة كون قرينا عادي كيما قلت انت امتحان مصيري
وهدي قالهانا استاد جامعة قالنا بلي انتم نيفو طايح وباكم مدوهولكم
قتلو متجمعش واني نتحداه ادا سقسياني على حاجة قريتها ومفهمتهاش
وقتلو بلي ادا الدولة حدت وادا الاساتدة اضربو فلي عامي 4 اشهر انا واش دنبي وقتلو متحاسبناش بغلطة اساتدة مثلكم مكانوش قاريين لزمان عقوبة وكملو دروسهم وما اضربوش
وقتلو عمرك ولا تحكم على فئة بالاطلاق يعني اخي ياسين مش معقول انو كل فئة ل م د ميقراوش
انا شخصيا محاضراتي لي قريتهم في السنة الاولى ةالثانية فاهمتهم لاني ببساطة رحت للجامعة باش نقرا مرحتش باش نتمسخر ولي مفهمتوش نكسر راسي وحدي
لانو هدا مستقبلي انا وثقافتي انا وانا لي رايحة نتحاسب في قبري على زادي العلمي وتضييع وقتي
ولوكان كل طالب يامن بهدي المبادئ وكل استاد يامن بالمسوولية كون رانا طلعنا للقمر
ونزيدلك حاجة اخي حسب الدراسات لي قامو بيها في الجامعة لقاو المستوى تاع نظام الكلاسيك في اعوامه الاخيرة تراجع من حيث مستوى الطلبة الجامعيين وايضا في بداية ل م د
وهدوا العاميين الاخيرين لقاوه بدا يطلع بعد الهبوط الكارثي
ةحصيلة الدراسة بينت انو سبب لي خلا المستوى يتراجع مش لانو النظام كلاسيكي او نظام ل مد ولكن الاسباب هي الطلبة بطلوا يقراو وعادو تاع تمسخير لدلك بداو يديروا هديك القوانين تاع ليكور اوبليقاتوار وهدي القرارات لي تعيي
لانو انا شخصيا جاتني مجحفة في حقي لاني مواضبة على محاضراتي بلا ميجبروني ولكن مرات نطيحو في ظروف متخليكش قادر تروح وهنا يعاقبوك وهي ندارت على جال طلبة مش مقديرن انهم جامعيين وحاطين الجامعة تاع لعب وتمسخير كيما يقول مثلنا هو يحفرلو في قبر مو وهو هاربلو بالفاس
اخي ياسين سامحني على الاطالة ولكن انت جبدتلي موضوع مدمرة منو
وكون نقعد لغدوة نكتب منخلصش واش مقتانعة بيه وقت الدراسة راهو قرب
( تقرير عن مشاركة سيئة )، و الموجودة أسفل كل مشاركة .
2013-01-22, 23:13
العرض الشجري