هل تقبلين التوقف عن العمل مقابل الزواج بمن تحبين

[amokrane_malik]

ليس المشكل في العمل في حد ذاته وانما أين ومتى وما نوع العمل

العمل قبل الزواج واحد مايهدرلنا عليه خاطر الحديث فيه كويل وعريض

لكن بعد الزواج؟؟؟
خلونا من الدين والأعراف واش قالو لكن اتخيلو معايا

الزوج والزوجة يعملان طول النهار يدخلون مرهقين للفندق,, أقصد للبيت ياكلو يرقدو ينوضو ياكلو يروحو يخدمو
الأبناء راهم في الحضانة الأحسن في الحي لآن الأم تخاف عليهم بزاف و ماترضاش بأي حاضنة وبتالي جزء لا يستهان به من مرتبها يذهب للحاضنة,, يعني تشقى مسكينة باش تجيب دراهم باش تخلص وحدة أخرى باش تتهلى في ولادها في بلاستها باسكو ماعندهاش الوقت باسكو خدامة
يشرو الماكلة الواجدة باسكو ماعندهاش الوقت أو الجهد تطهو باسكو خدامة
الأم تحط وليدها في الحضانة باسكو ماعندهاش الوقت تقعد معاه وكي تكبر يحطها في دار العجزة باسكو ماعندوش الوقت يقعد معاها

والله ياخاوتي مازال عندي حكايات بزاف كيما هاكدا ولكن ما عنديش الوقت وزيد le clavier راهو بالفرنسيسة مافيهش الحروف العربية وراهو عياني

باسكو بالفرنسيسة حب يقول لآن

[amokrane_malik]

المشاركة الأصلية كتبت بواسطة gafa

ربي قال المراة تقد في البيوت وعندها خرجتان خرجة للزواج وخرجة للممات وفقط

يا حبييييييييييييييبنااااا,,, وين راك عايش

الله يهديك ز-)

[هاجر78]

عمل المراة سبب في مشاكل عديدة انا عندي اختي تخدم بنتها ملي زادت عندنا تديها فالعطل برك والله عيشة تقلق انا عن نفسي ندير ديبلوم ونقعد وكي جي الي متمنياتو نروح عندو قاعدة علاه تزوجت باه نخدم الداخل وبرا مانقدرش تحياالدار

[AMINA.Z]

المشاركة الأصلية كتبت بواسطة miwake

ملاحظة قبل القراءة ماهو مكتوب هو كلام جمهور العلماء و الشيوخ المختصين في الشريعة الاسلامية
بخصوص عمل المرأة وخروجها من منزلها نقول :

1- الأصل هو قرار المرأة في بيتها ، وقد دل على ذلك قوله تعالى : ( وقرن في بيوتكن ولا تبرجن تبرج الجاهلية الأولى ) الأحزاب / 33 ، وهذا الخطاب وإن كان موجها إلى زوجات النبي صلى الله عليه وسلم فإن نساء المؤمنين تبع لهن في ذلك ، وإنما وجه الخطاب إلى زوجات النبي صلى الله عليه وسلم لشرفهن ومنزلتهن من رسول الله صلى الله عليه وسلم ، ولأنهن القدوة لنساء المؤمنين .

ودل على ذلك أيضا : قول النبي صلى الله عليه وسلم " المرأة عورة ، وإنها إذا خرجت استشرفها الشيطان ، وإنها لا تكون أقرب إلى الله منها في قعر بيتها ) رواه ابن حبان وابن خزيمة وصححه الألباني في السلسة الصحيحة برقم 2688

وقوله صلى الله عليه وسلم في شأن صلاتهن في المساجد : " وبيوتهن خير لهن " رواه أبو داود (567) وصححه الألباني في صحيح أبي داود .

2- يجوز للمرأة أن تعمل أو تدرس إذا توفرت جملة من الضوابط :

- أن يكون هذا العمل مناسبا لطبيعة المرأة متلائما مع تكوينها وخلقتها ، كالتطبيب والتمريض والتدريس والخياطة ونحو ذلك .

- أن يكون العمل في مجال نسائي خالص ، لا اختلاط فيه ، فلا يجوز لها أن تدرس أو تعمل في مدرسة مختلطة .

- أن تكون المرأة في عملها ملتزمة بالحجاب الشرعي .

- ألا يؤدي عملها إلى سفرها بلا محرم .

- ألا يكون في خروجها إلى العمل ارتكاب لمحرم ، كالخلوة مع السائق ، أو وضع الطيب بحيث يشمها أجنبي عنها .

- ألا يكون في ذلك تضييع لما هو أوجب عليها من رعاية بيتها والقيام بشئون زوجها وأولادها .
قال الشيخ عبد العزيز بن باز – رحمه الله - :



من المعلوم بأن نزول المرأة للعمل في ميدان الرجال يؤدي إلى الاختلاط المذموم والخلوة بهن , وذلك أمر خطير جدّاً له تبعاته الخطيرة , وثمراته المرة , وعواقبه الوخيمة , وهو مصادم للنصوص الشرعية التي تأمر المرأة بالقرار في بيتها و القيام بالأعمال التي خصها وفطرها الله عليها مما تكون فيه بعيدة عن مخالطة الرجال .

المجال العملي للمرأة أن تعمل بما يختص به النساء مثل أن تعمل في تعليم البنات سواء كان ذلك عملا إداريّاً أو فنيّاً , وأن تعمل في بيتها في خياطة ثياب النساء وما أشبه ذلك , وأما العمل في مجالات تختص بالرجال فإنه لا يجوز لها أن تعمل حيث إنه يستلزم الاختلاط بالرجال وهي فتنة عظيمة يجب الحذر منها , ويجب أن يعلم أن النبي صلى الله عليه وسلم ثبت عنه أنه قال : " ما تركت بعدي فتنة أضر على الرجال من النساء وأن فتنة بني إسرائيل كانت في النساء " ، فعلى المرء أن يجنب أهله مواقع الفتن وأسبابها بكل حال .
اختي انني انتظر ردك حول مكتبته و تقبلي كل احتراماتي

اخي الكريم انا لن اخالف ما ذكره المشايخ وما ورد في القران و السنة و اني اوافق على كل ما ذكر
لكن
لا يختلف اثنان على ان الزمان قد تغير و من يزال يعتقد ان المراة تثير الفتنة في الدنيا فهذا مبالغ فيه فالمراة التي تثير الفتنة هي المراة الغير محترمة في لباسها او معاملتها و كل هذا له اصل في التربية و ليس في طبيعتها كانثى و التي تعرف حدود الله و حدودها لا تخشى من شيء باذن الله
اضف ان البقاء في المنزل مفضل اكيد لكن كلنا نعلم ما اصبح عليه الحال من قسوة المعيشة و كثرة المتطلبات و نعلم حال الرجل الجزائري.......
المخير فيهم راهو خدام و ساكن في دار والديه ما هوش قادر باه يدير دار كيما يلزم الحال و ما بالك كي يجيوه ولاد الضغط يزيد و الحالة تصعاب هاذي نقطة نخممو فيها حنا البنات
و النقطة الثانية و هذي لي نركزو عليها بزاف
المستقبل و واش راهو مخبي صح مازلنا صغار و ما جربناش بصح رانا نشوفو واش راهو صاير
كاين لي مسكينة تترمل صدقني اذا والديها راهم عايشين و الله يعود يشوفوها عالة كبيرة و ما بالك اذا كانو ميتين شكون يهزها و يقوم بيها خوها و ما يشمش فيها
رانا عايشين في مجتمع واحد و علبالك واش صاير
املا كون تطلق ما نحكيوش
خويا علبالي لازم الواحد يتمنى غير الخير بالصح هاذي هي الدنيا فيها الحلوة و المرة
والدينا كي خلاونا نقراو او ماش على جال باه نجيبو شهادة نوبل و لا نوليو وزاراء
راهم خممو فينا و علابالهم يجي زمان وين اذا كحالت في وجوهنا نلقاو كيفاه نعيشو و ما نتكلو على حتى واحد
و رباونا على الدين و العادات باه نتهلاو في ديارنا و نعيشو هانيين
هادي هي المراة لازمها تحكم من كلش باه تقدر تعيش
و راح يجي النهار لي يرزقك فيه ربي طفلة و تخمم كيما خممو والدينا
اما الشيء لي راكم مركزين عليه خليني نقولك الحل فيه هو التربية الصالحة و المشاكل تاع المراة لي ما تقدر توفق بين خدمتها و دارها هادي لازمها تخمم مليح و تكون شاطرة و ما تخلي حتى واحد يعايرها بخدمتها
حاولت ان اوصل الاهم
و ارجو اني لم اثقل

[lidouch]

انا وحدي حبست الخدمة راجلي اولى بيا

[lidouch]

المهم عندي الشهادة كون تصرا حاجة ما نفرطش في راجلي

[elise]

ne9bel mais ida kan li nhabou

[rania nou]

رفض تام لا اقبل اكيد انا نحب الحرية ونحب العمل و ايضا في نظري المرأة التي تمكث بالبيت ,السنين الاولى من زواجها ممكن تكون عادية و لكن ياتي يوم تمل فيه و تتوجه الى الامور التافهة كلام عن فلانة و مشاكل مع الجيران و تروح للسوق و كي يرجع راجلها من الخدمة تولي تحب تخرج و هو تعبان لكن كي يكون عندها هدف خدمتها ما يكونش عندها الوقت لتلك الامور و انا نحب العائلة يكون فيها نوع من النشاط الام والاب للعمل الابناء للمدرسة ولكن معظم الرجال يغارون وانا نقولهم دير الثقة في مرتك و كون متفهم

[MIWAKE]

المشاركة الأصلية كتبت بواسطة amina.z

اخي الكريم انا لن اخالف ما ذكره المشايخ وما ورد في القران و السنة و اني اوافق على كل ما ذكر
لكن
لا يختلف اثنان على ان الزمان قد تغير و من يزال يعتقد ان المراة تثير الفتنة في الدنيا فهذا مبالغ فيه فالمراة التي تثير الفتنة هي المراة الغير محترمة في لباسها او معاملتها و كل هذا له اصل في التربية و ليس في طبيعتها كانثى و التي تعرف حدود الله و حدودها لا تخشى من شيء باذن الله
اضف ان البقاء في المنزل مفضل اكيد لكن كلنا نعلم ما اصبح عليه الحال من قسوة المعيشة و كثرة المتطلبات و نعلم حال الرجل الجزائري.......
المخير فيهم راهو خدام و ساكن في دار والديه ما هوش قادر باه يدير دار كيما يلزم الحال و ما بالك كي يجيوه ولاد الضغط يزيد و الحالة تصعاب هاذي نقطة نخممو فيها حنا البنات
و النقطة الثانية و هذي لي نركزو عليها بزاف
المستقبل و واش راهو مخبي صح مازلنا صغار و ما جربناش بصح رانا نشوفو واش راهو صاير
كاين لي مسكينة تترمل صدقني اذا والديها راهم عايشين و الله يعود يشوفوها عالة كبيرة و ما بالك اذا كانو ميتين شكون يهزها و يقوم بيها خوها و ما يشمش فيها
رانا عايشين في مجتمع واحد و علبالك واش صاير
املا كون تطلق ما نحكيوش
خويا علبالي لازم الواحد يتمنى غير الخير بالصح هاذي هي الدنيا فيها الحلوة و المرة
والدينا كي خلاونا نقراو او ماش على جال باه نجيبو شهادة نوبل و لا نوليو وزاراء
راهم خممو فينا و علابالهم يجي زمان وين اذا كحالت في وجوهنا نلقاو كيفاه نعيشو و ما نتكلو على حتى واحد
و رباونا على الدين و العادات باه نتهلاو في ديارنا و نعيشو هانيين
هادي هي المراة لازمها تحكم من كلش باه تقدر تعيش
و راح يجي النهار لي يرزقك فيه ربي طفلة و تخمم كيما خممو والدينا
اما الشيء لي راكم مركزين عليه خليني نقولك الحل فيه هو التربية الصالحة و المشاكل تاع المراة لي ما تقدر توفق بين خدمتها و دارها هادي لازمها تخمم مليح و تكون شاطرة و ما تخلي حتى واحد يعايرها بخدمتها
حاولت ان اوصل الاهم
و ارجو اني لم اثقل

احترم اختى رايك
-الاسلام لم يمنع المراة من العمل لكنه ضبطه بشروط انا على حسب ماعرف ان عمل المراة للضرورة الفقيرة و المطلقة او الارملة ولا اظن ان كل العاملات في الجزائر كلهن من عائلة فقيرة او مطلقات اوارامل
4- راي ان المراة لايمكنها ان توفق بين عملها و بيتها و امي امراة عاملة قالت لي ذلك مع رغم ان امي انسانة منظمة
كذللك هناك من تقول ان المراة تفضل العمل لانعدام الثقة في المستقبل مثل امراة تشترط العمل عند الخطوبة خوفا ان يكون زوجها انسان سيء او انها ستتطلق اذن النساء يفكرن في امكانية حدوث طلاق اومشاكل مع الزوج او العائلة او...قبل ان تتزوجن بمعني يقرو الشرقبل حدوثه هاذي حاجة جديدة وقال الله تفاءلو خيرا تجدوه اليس كذللك
اذن رجال عندما يخطب يخطب 2نساء هكذا اذا تزوج الاولى و لقى فيها صفات سيئة اذن يتزوج بالثانية مبلشرة
اذا واحد يبحث عن عمل فلا بد ان يجد عملين هكذا في حالة طرده من العمل الاول سيذهب للعمل الثاني

[enseignant fiévreux]

المرة ليها دارها و رجلها و اولادها والراجل لي مرتو تخدم مسكين
ومع مرور الوقت راح يكره هذا اذا ماكانش طامع في درهمها و ادا كان طامع فيها مشكل كبير يا الشهرية يا مرتو
و ماكانش مرة تخدم دون اختلاط الا القليل


وانا نقولكم راي الخاص

واترك حبها من غير بغض ... وذاك لكثرة الشركاء فيه

اذا وقع الذباب على طعام .........رفعت يدي ونفسي تشتهيه

و تجتنب الاسود ورود ماء ........ اذا راءت الكلاب ولقن فيه

اعتذر ممن لم يعجبه ردي
فهو خاص بي

[AMINA.Z]

المشاركة الأصلية كتبت بواسطة miwake

احترم اختى رايك
-الاسلام لم يمنع المراة من العمل لكنه ضبطه بشروط انا على حسب ماعرف ان عمل المراة للضرورة الفقيرة و المطلقة او الارملة ولا اظن ان كل العاملات في الجزائر كلهن من عائلة فقيرة او مطلقات اوارامل
4- راي ان المراة لايمكنها ان توفق بين عملها و بيتها و امي امراة عاملة قالت لي ذلك مع رغم ان امي انسانة منظمة
كذللك هناك من تقول ان المراة تفضل العمل لانعدام الثقة في المستقبل مثل امراة تشترط العمل عند الخطوبة خوفا ان يكون زوجها انسان سيء او انها ستتطلق اذن النساء يفكرن في امكانية حدوث طلاق اومشاكل مع الزوج او العائلة او...قبل ان تتزوجن بمعني يقرو الشرقبل حدوثه هاذي حاجة جديدة وقال الله تفاءلو خيرا تجدوه اليس كذللك
اذن رجال عندما يخطب يخطب 2نساء هكذا اذا تزوج الاولى و لقى فيها صفات سيئة اذن يتزوج بالثانية مبلشرة
اذا واحد يبحث عن عمل فلا بد ان يجد عملين هكذا في حالة طرده من العمل الاول سيذهب للعمل الثاني

حنا يا اخي نحكم العصا من الوسط ما نفرطو في المستقبل الي هو التاسيس اسرة و لا في الماضي لي هو قرايتنا و تعب سنين
و زيد الاحتياط واجب في المستقبل و التفاؤل وحدو ما يفيدش

[arbodar]

المشاركة الأصلية كتبت بواسطة rania nou

رفض تام لا اقبل اكيد انا نحب الحرية ونحب العمل و ايضا في نظري المرأة التي تمكث بالبيت ,السنين الاولى من زواجها ممكن تكون عادية و لكن ياتي يوم تمل فيه و تتوجه الى الامور التافهة كلام عن فلانة و مشاكل مع الجيران و تروح للسوق و كي يرجع راجلها من الخدمة تولي تحب تخرج و هو تعبان لكن كي يكون عندها هدف خدمتها ما يكونش عندها الوقت لتلك الامور و انا نحب العائلة يكون فيها نوع من النشاط الام والاب للعمل الابناء للمدرسة ولكن معظم الرجال يغارون وانا نقولهم دير الثقة في مرتك و كون متفهم

ما القصد بالحرية؟ يعني تفعلي كل ما يحلو لك و تخرجي و تدخلي كما يحلو لك؟

اذن لا تتزوجي و تجعلي نفسك بعصمة رجل و عيشي لنفسك

فبزواجك تصبحين على ذمة رجل و لا يمكن ان تفعلي كل ما يحلو لك و بالزواج تضحيات

هناك امرأة جاءت الرسول عليه الصلاة و السلام تسأله حقوق الزوج فلما ذكرها لها احست انها لن تكون اهلا لذلك فقالت له

انها لن تتزوج ابدا