السلام عليكم و رحمة الله و بركاته
عندنا طعام النفساء ملازمش يكون ناشف لتفادي الامساك طبعا
في الصباح تشرب القهوة و الحليب مع طمينة لانها مذرة للحليب و مع العشرة أو الحادية عشر تأكل كبدة مشوية أو سردين معروف أنها أيضاً مذرة للحليب، للغذاء حاجة لي تشبعها و ما تشربش المشروبات الغازية و عصير البرتقال راهم يديرو الوجع للرضيع من بعد تشرب تيزانة تاع البسباس كذلك محفز للحليب و العشية تشرب قهوة بالحليب مع طمينة و ندير ولها بركوكس براس الحانوت يخفف عليها اوجاع ما بعد الولادة و العشا تأكل حاجة خفيفة
و نهار القصعة نعرضو الأقارب و الأحباب نديرولهم البركوكس هو الأول بالخليع و الكفتة و لحم الدجاج و من بعد نحطولهم القهوة و الحليب و لاتاي مع حلويات متنوعة و الطمينة و الرفيس و كاين لي يزيدو السلو لي هو عبارة عن فرينة محمصة ملييييح حتى تأخذ اللون البني نضيفولها مكسرات مطحونة و جلجلان محمص و حبة الحلاوة و البسباس مطحونين و سكر و زبدة ممممم بنيييين يهبل و طبعا في هاذ اليوم النفساء نقدمولها نفس الشيء لي نقدمو للضيوف
اللهم لا تحرم أحدا من عبادك المسلمين و المسلمات من نعمة الأمومة و الأبوة انك ان قضيت أمرا فإنما تقول له كن فيكون و انت ارحم الراحمين
( تقرير عن مشاركة سيئة )، و الموجودة أسفل كل مشاركة .
2014-04-14, 16:31
العرض الشجري