السلام عليكم
انشاء الله ربي يرزق كل امرة بنعمة الاولاد فهم زينة الحياة الدنيا امين يا رب العالمين
احنا في عاداتنا (العاصمة والقبايل) النافسة تبدى فطورها بالمشوشة ولا تاحبولت الي مخدومة بالبيض مع العسل الحر تشرب بيها حليبها تع الصباح
ومن بعد على 10 نطيبو لها اللحم والا الكبدة مشوي بزيت الزيتون تاكلها بلا خبز وتزيد تيزانة تع الويزة وزريعة البسباس ولا حبة الحلاوة تحليها بالعسل الحر
على الغدا نطيبو البيسار مع الجاج والا الكسكس بالجاج راه يمد الحليب للنافس
العشية تشرب حليبها بالطمينة وتزيد بيض مغلي
او في العشا تاعها تاكل لاسوب ولحم ولا جاج ولا كبدة مقلية بزيت الزيتون
وفي الليل تزيد تشرب تيزانة
وكشما نتفكر نزيد نحطو
( تقرير عن مشاركة سيئة )، و الموجودة أسفل كل مشاركة .
2014-04-14, 13:10
العرض الشجري