الجزء 57 من واش طيبتي عودة المعتمرين - الصفحة 14

ام تقي الله · 2014-02-09, 20:14

السلام عليكم

ladymillion · 2014-02-09, 20:15

هاهي ليكم وصفة ''' الكولومبوو''' حنا معروف عندنا هنا من بكرررررري وبنييييييييين خاصة مع الحليب

أم إسلام آية أتعرفي عليييييييه هههههه مانعرف إذا يعجبك
___________________

500 غ مارغارين بحرارة الغرفة
250غ سكر ناعم
نصف كأس زيت
4 صفار بيض
250غ كاوكاو مرحي رطب
رشة ملح ، م ك فاني
2 باكي خميرة الحلوى
م ص مبشور الليمون
فرينة تلمي بيها العجين

الطريقة معروفة وسهلة نلم كامل المكونات ونشيح بالفرينة

كوري العجين كويرات صغيرة غمسيها في بياض البيض ،،، ثم في الكوكاو مرحي خشن شوي
حطيها في مول السيليكون او في الكيسات (( إذا راح يطيب في الكيسات في كل كرة شكلي حفرة صغيييرة في الوسط بإصبعك أو بأداة ما )) باش من بعد كي يطيب تحطي فيها المعجون
وحطيه يطيب -- 180° ،،، الرف في الوسط حتى يحمر من تحت ومن فوق بلا ماتشعليلو من فوق

~اسيل ريحانتي~ · 2014-02-09, 20:16

ايقونات الشكر كملولي الله يعطيكم الصحة نحبكم من صمصوم قلبي

تصبحون على خير

islam1aya · 2014-02-09, 20:17

بنات اليوم العشاء مقرونة تونسية

دائمة الحمد · 2014-02-09, 20:18

هذا كان تطبيقي في

كوزينة ام اسلام
مرقة بيضة وخبز دائمة الحمد هههههههههه

url=https://www.gulfup.com/?vNfu7t][/url]

[url=https://www.gulfup.com/?SEEJ7K][/url

nawel zed · 2014-02-09, 20:18

مبرووووووووووووووك عودة الوالدين عمرة مقبولة انشاء الله و ربي يحفظلك بنتك و يهنيك و مبروك الكوزينة الجديدة
عشانا الليلة كرنب محشي +سلاطة جزر و بيطراف

صح عشااكم كااااااااااامل

دائمة الحمد · 2014-02-09, 20:19

بصحتك ام اسلام المقرونة التونسية

دائمة الحمد · 2014-02-09, 20:21

اقتباس:

المشاركة الأصلية كتبت بواسطة nawel zed

مبرووووووووووووووك عودة الوالدين عمرة مقبولة انشاء الله و ربي يحفظلك بنتك و يهنيك و مبروك الكوزينة الجديدة
عشانا الليلة كرنب محشي +سلاطة روز و بيطراف

صح عشااكم كااااااااااامل

بصحتكم نوال
عشاء باين بنين

ladymillion · 2014-02-09, 20:22

أم إبراهيم ،،، السميد متوسط ماشي الرطب نتاع المحجوبة وماشي خشن ديري المتوسط

بصحتكم العشا كااااااامل ،،، أم اسلام آية كيفاش هي مقرونة تونسية

nawel zed · 2014-02-09, 20:31

اقتباس:

المشاركة الأصلية كتبت بواسطة دائمة الحمد

بصحتكم نوال
عشاء باين بنين

الله يسلمك شكراااااا شرفتيني بردك

أم ريمة* · 2014-02-09, 20:34

اقتباس:

المشاركة الأصلية كتبت بواسطة ladymillion

أم ريمة وفيوزة هاهو ليكم البراج وكيما تقولولا المبرجة

هي 3 كيلات سميد نوع ممتاز + كيلة زبدة ذايبة + ملح + شوي من جلجلانية ،،، عجينة عادية كيما نتاع مقروض الكوشة
حطي المكونات الجافة + الزبدة ذايبة لــــكن صبي الزبدة بالشوي باش مايفوتش هذاك الحليب لي يبقى لتحت وبسسية وحكيه بيدك ملييح تدخل الزبدة في السميد ،،، وأبداي تصبي الماء بارد بالشوي وحركي العجين برؤوس الاصابع برك ماتعجنيهش إذا تعجنيه وتضغطي عليه بكف اليد مايجيكش مبسس من بعد ،،، استمري في تحريك العجين وإضافة الماء حتى تتكون عندك عجينة لــكن ماشي عجينة ذات كتلة واحدة خليها مشروحة على القصعة لي خدمتي فيها وخطيها خليها تبات ليلة كاملة

الغرس داويه كيما تحبي كل واحد وذوقوا أنا ندير (( قرفة ، جلجلانية محمصة ومطحونة ،ولوز مطحون ، شوووووي برك من القرنفل مطحون ،ماء زهر يساعدني على عجنه مع المكونات ، زيت باش نرطب الغرس ))

أقسمي العجين إلى قسمين متساويين
على طاولة العمل رشي شوي سميد وحطي قسم الاول من العجين وقرصيه بيدك دائرة قطرها حوالى 35سم ماشي كبيرة
زيدي قرصي الغرس في مكان آخر فوق كيس بلاستيكي على قد العجينة الاولى وحطيه فوقها بالمهل
مرة أخيرة قرصي الطبقة الفوقانية نتاع العجين فوق un plat يكون مدور أو كيس بلاستيكي وكملي حطيها فوق الغرس وتكتمل عندنا الطبقات

جيبي الحلال وحلي غييير بالشوي لازم تسايسيه باش تحاولي تخلي الطبقة التحتانية كيما لفوق وتكملي تحلي قرصة البراج والسمك كل واحد كيما يجبو رقيق ولا متوسط
في الاخير رشي السميد من فوق و وسعيه على القرصة بيدك بالشوي وملسي بيه القرصة باش كي يطيب البراج يجي كامل نفس اللون ،،،،،، خليها ترتاح نصف ساعة وقطعيها

كي تقطعيها حطيها في بلا وخليها ساعتين هكاك من الاحسن تكون في مكان بارد باش كي طيبيها طاوعك وتكون سهلة

أم ريمة طيبتها في طاجين نتاع الشخشوخة لكن لي عندنا خشيييييييين ،،، بصح راهم يتباعو هايلين

نتمنى يكون الشرح وافي وفهمتوه واش قلتي أم ريمة نعرف نشرح هههههه

ايمان نفس الطريقة نتاعناتقريبا بصح احنا نطيبوها فى2 طواجن اى نعملو طاجين الطين لى نطيبو فيه البغرير من تحت ثم فوقو نضع طاجين لى نطيبو فيه الكسرة

بالمناسبة مؤخرا هنا فالبرج ولاو يشمخوها بعصير البرتقال عوض الماء

ونديرو 3كيلات دشيشة بكيلة سمن ونبسسوها ونخليوها تبا ت فى الغد نخدموها قريب الربيع الكل يديروها وبكميات كبيرة

بالمناسبة طريقةالطياب 2 طواجن ماديرش الشياط او هذاك الدخان

سخفتينى ايمان ههههههه والله يعطيك الصحة راكى مرا ونص باينة مبسسة وحمرة من عندى علامة كاملة 20/20

ضرك نقدر نزوجك هههههههههههه

_

islam1aya · 2014-02-09, 20:41

ليدي يعطيك الصحة على الوصفة يا الزين بوسة كبيرة معريفةخير كولومبو متشرفين

ايمان شوفي المقارونة التونسية تشبه للعادية لكن هما يزيدولها الجزر ووالبطاطا نحطلك الوصفة بالتفصيل والصورة راه في الارشيفات ههههه

نوال زاد بصحتكم الكرمب محشي امممم يسلمو
دائمة يعطيك الصحة الطاجين في القمة والخبز .............................. مالقيت واش نقول هبلتيني بيه انت وام ماجد الحنينة من الصباح حالة الصفحة ونشوف فيه حبيت انطبقو لكن بانلي الكمية كبيرة شكون ياكلو

islam1aya · 2014-02-09, 20:43

ام ريمة حبيتي كيفك توحشناك وريمة مليحة

soha1987 · 2014-02-09, 20:44

مسااااااااااااااء الخير
مبروووك الكوزينة هدهود
سلام ليدي البراج يسخف راني نديرب كوبي كولي تعرفيني نسرق الوصفات خخخخخخخخخخ
بصحتكم واش طيبتو كاااااامل
واش راكي ام ماجد وتوتة وام ابراهيم ان شاء الله راكي لاباس

أم ياسين الزهراء · 2014-02-09, 20:44

ليدي الله يحفظك وينورك ويعطيك ربي الزوج الصالح ونفرحو بيك والله ياالحبيبة ننسى شكون طومة وشكون ليدي ماتلومينيش كبرت ههههههههههههههه ضحكة عجايز بصح ماشاء الله عليك انت وهي قمة في الابداع ربي يحفظكم والبراج هبلتيني بيه راني نقارع في زوجي ع يجيبلي السميد ماحبش قالي عام كامل وانت ديريلنا فيه شبعنا منو ييييييييييييييييييي راح ندي حبة برك من عندك نصبر روحي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري