انا اليوم ما عملتش البرنامج البرد راهو يقتل خص غير نغسل الشبابيك والجدران وووو
ولكن عملت شي اخر يتوالم مع الدفئ خملت غرفة نومي هويتها غير شوية ماشي بزاف ههههههه كنست النابر ورتبتهم او بالاحرى غرفة وحدة لان الصالون دائما مبلع ومين داك نهويه ونمسح الغبار ونولي نبلعو راكم عارفين الي عندها الصغار صح عندي وحدة برك ولكن معاوضة بعشرة الله يبارك
ورحت للكوزينة غسلت الماعن ومسحت الاسطح ودرت الفطور فوق النار كنت عاملة شربة تتوالم مع البرد هادا وليت طيبت قهوت العشرة انا مدمنة عليها وكي ناضت مرمورة عطيتها حليب وخبز ومعجون فطرت وراهي مع الرسوم كي جا شهريار على 11سا ششربنا القهوة وقصرنا وية ومن بعد حطيت الفطور فطرنا وهو راح لدارهم يطل على يماه وانا غسلت الماعن ونقيت الحالة وهاني نكتب في قصة حياتي
( تقرير عن مشاركة سيئة )، و الموجودة أسفل كل مشاركة .
2012-03-08, 12:40
العرض الشجري