أرجوكم علموني الطبخ

[lynsouha]

شربة فريك

المقادير الخاصة ب 6 افراد :

*حبة بصل كبيرة
* 4 حبات طماطم متوسطة .
*ملعقة كبيرة طماطم مصبرة
* قطع لحم غنمي مقطع الى قطع صغيرة او قطع دجاج .
*4 ملاعق كبيرة زيت عادي .
*حبة جزر صغيرة مقطعة قطع صغيرة جدا او مسكرفجة
*حبة قرعة صغيرة مقطعة او مسكرفجة .
*كمشة صغيرة حمص حسب الرغبة .
*ربطة حشيش مقطفة( قصبر ).
* نص ربطة نعناع .
نص ملعقة كبيرة ملح .
*2 ملاعق صغار فلفل اسود .
*2 ملاعق صغار قرفة .
*2 ملاعق صغار راس الحانوت يكون مافيهش الكمون .
5ملاعق كبار فريك اغسليه عدة مرات .
3 لتر ماء للتمريق .

كيفية التحضير

اولا : غلي الماء وضعي الطماطم 2 دقائق انزعيه ضعيهم في ماء بارد وقشريهم ثم ارحيهم
ثانيا : ارحي البصل او سكرفجيه .
ثالثا قطعي اللحم الى قطع صغيرة ماشي صغيرة جدا لانه يزيد ينقص حجمه لما يطيب .

الان في طنجرة ضعي الزيت والحم ليتقلى لمدة2 دقائق في نفس الوقت قومي بتحريكهم باستمرار وغطي الطنجرة دائما .
على نار هادئة .
ثم ضفي البصل المرحي الى الطنجرة واقليهم لمدة 2 دقائق تقريبا مع التحريك المستمر .

ثم ضفي الطماطم المرحية والمصبرة خلطيهم جيدا لمدة دقيقتين ثم مرقي لتر ونصف من الماء يعني بمقدار قارورة سعيدة كاملة (ماء عادي مش معدني) .

ضفي له الملح واتركي هذا المرق يطيب (هذه هي المرقة الحمراء) .

في هذا الوقت انتي حضري ربطة حشيش نقيها اغسليها وقطعي الجهة السفلية الاغصان او ارحيهم ثم ضفيهم الى المرق .

ضفي الحمص والجزر والقرعة (كورجات) .

ثم التوابل ملعقة صغيرة فلفل اسود +ملعقة صغيرة قرفة +ملعقة صغيرة راس الحانوت .

اتركيه يطيب على نار متوسطة حتى يغلي تقريبا 20د .
في نفس الوقت ضعي لتر ونص ماء في طنجرة اخرى يسخن .
لما يسخن ضفي ذلك الماء الى الشربة .
اتركيها تطيب تقريبا لمدة ساعة على نار متوسطة جدا .

لما تشوفي المرق اصبح خاثر نوعا ما ماشي ثقيل بزاف وماشي خفيف مثل الماء متوسط .
*دوقي اللحم من المفروض راه طايب .

ضفي الفريك وحركيه مباشرة لبضعة ثاوني ثم

ضفي ملعقة صغيرة فلفل اسود ،ملعقة ص قرفة
ملعقة ص راس الحانوت . حشيش مقطفةالمتبقي ونعناع اوراق فقط مقطع رقيق حريكهم واتركيه لمدة 15 الى 20 د لا اكثر واطفئي عليها .

شهية طيبة طبقيها نشوفها ثم نزيدلك وصفات اخرى اذا عندك سؤال راني هنا