مازال صغيرة"ماتعرفش"

عطر الملكة · 2012-02-11, 17:32

اقتباس:

المشاركة الأصلية كتبت بواسطة جسور المحبة

يا اختي انا فوت 5 سنوات جامعة ونقدر نهني الحمد لله تحملت المسؤولية وانا صغيرة مزالني في المتوسط ودخلت للكوزينة وضرك يما مادير والو غير انا مولات الدار ونزيد نقول جامعية ومرا تع دار وعندي اهتمامات في صوالح الدار ولو نلقا عجوزتي من النسا تع المنسج نقعد معاها نخدم والشي لي ما نعرفوش تعلمني

و الله يا اختي جسور غير كلامك صواب
قسما بالله غير دخلت الكوزينة في سن مبكر جدا في سن 11 سنة كنت نحاول نتعلم و الاكلات التقليدية و الصعبة تعلمتها كامل في فترة المتوسط و نزيدك حاجة بخصوص المنسج والدتي ست بيت و تعمل القشاشب و البرانس نتاع الوبر لي علاقة كبيرة مع المنسج و زمان كنت كي تجي عطلة الصيف نسدي زربية نتاع عقدة نجيب بيها فترة الصيف لو قدرت نحطلك صور على الزرابى الي خادمتهم كانت عندي هواية و حب كبير للصناعة التقليدية
و الحمد لله درسنا في الجامعة دون ان يؤثر ذلك على شغلنا بالبيت
و كاين الي عمرهم ما دخلو المدرسة و طول عمرهم بالبيت و حبة موسكوتشو ما يعرفوش يخدموها ساليهم على اخبار ليلى علوي و مهند و جماعتو يحكولك عنهم بالتفصيل الممل طول ايامهم تجوز امام التلفزيون حتى بيوتهم هي هي شي ما تغير فيها
و طبعا الامر نسبي كاين و كاين ربي خلق و فرق و هذي كلها امور ترجع للتربية