ختي أم إسلام و آية عاودت شفت طريقة التحضير مليح و حبيت نفهم يعني كيمرقتي الطنجرة و طبخ الماء كبيتي شربة فريك و خليتيها طيب مع اللحم ؟ يعني صح كيما قالولي شربة فريك طوّل فالطياب و الله تعجبني تجي بنينة و شربتك باينة تهبل يطيك الصحة
نقولك على طريقتنا في أكل الفريك : حنا الفريك كيجيبونا بابا خضر فالسبولة تاعو نحرقوه على النار ثم نحكوه باليد ثم نبداو نفور فيه و نحكوه حتى يتنحلو قاع السفا تاعو و كلي يطيب من ذاك التفوار و التفوارة التالية نديرولها الملح و ناكلوه إجي هايل و ثان نطيبوه شرشم كينفوروه نطيبوه فالقدر أو الكوكوطة حتى يتفلق فالطياب و ناكلوه بالملح و الماء تاعو اللي طاب فيه إجي شهي و ثان نيبسو الفريك ثم نرحوه خشين إجي خشين على الشربة فريك تاعك و نطبخوه فالماء و الملح مع الخلط حتى يطيب و ينشفلو الماء و نديرولو بزاف الزبدة و هذي يسموها تشيشة مفلقة هذي هي ختي طولت عليك بالهدرة بصح حبيت نوريلك حنا كيفاه ناكلوه فالمنطقة تاعنا و كيما قتلك حنا مشهورين بتشيشة المرمز تاع الشعير
( تقرير عن مشاركة سيئة )، و الموجودة أسفل كل مشاركة .
2011-12-12, 00:06
العرض الشجري