خطيبي سيء الظن بي

[حسينة 36]

سلام عليكم

اختي نقلك حاجة وحدة حاولي تديري موقف وتتحديه وتطلبي منه يتغير على الاقل يبطل السب والشتم الزائد وقلة الثقة او انك تعامليه بالمثل اتصلي وكي ما يردش والا يطول شكي فيه وفي تصرفاته وعاوديله نفس هدرته وتصرفاته وديريله بالمثل اذا انتبه وقالك واش بيك لتم حاوريه وقليه انت هكة تديرلي وشوفيه ينتبه للامر اولا

وحاولي تفهميه بالي بالطريقة هاذي ما كمش راح تروحو بعيد وسطرو الاحترام والثقة المتبادلة بيناتكم قبل ما تزيدو تخطو خطوة اخرى

ونضيفك حاجة اختي عمله وظروفه لا تسمح له بالشك والسب والوصول للشرف اختي انا مفتحة وعاقدة ومن عرفت زوجي وهو بعيد عليا نشوفه مرة في العام غير في التيليفون وكنت ندرس كيفك في الجامعة والحمد لله ما عندوش نظرة سيئة على الجامعة وزيد راه ضابط كيف خطيبك وعلى العام مشغول وزيد خدمتو حساسة بصح الحمد لله يفرق بين خدمته وبين علاقته معايا ومع دارهم ومع اصدقائهم وعمرو والا شك فيا والا شتمني لاني ما هزيتش عليه يتقلق كي ما نحكيلوش والا نعلمو وين راني بصح يتفهم لكن الحمد لله من البداية سطرنا مبدا الثقة والاحترام المتبادل قبل الحب والزواج

لكن تاكدي ان شك خطيبك ناجم عن كثرة التجارب التي خاضها وباين بالي كان خفيف قبل ما يخطبك لذلك هو غير متطمن معاك لان يقرى السفيه غير الي فيه اسمحيلي لكن صديقيني من خلال التجارب الي شاهدها مع المقربين جاوبتك

حاولي معه وفي نف الوقت الصلاة والاستخارة والدعاء باذن الله ربي يفرج عليك

اسمحيلي طولت عليك