اريد الحريرة تاع الغرب

[القبطية]

هد المقادير تكفي ل 6 اشخاص
حبة بصل
5 جزرات
1 بطاطا صغيرة
1 كوسا صغيرة
لحم خروف رطل كل ما تكتري اجي بنينة مقطع مكعبات
1 حفنة حمص
قسبر + كرافس
1 ملعقة كبيرة طماطم مصبرة
1 طماطم كبيرة وحمرة
هدا بالنسبة للخضر
الان العطريات
ملح على حسابك
ملعقة بهارات مشكلة احنا عندنا نسميوها راس الحانوت
1 ملعقة حرور )فلفل اكحل(
1 ملعقة فلفل عكري حلو و1 حار
فنجان صغير تاع مرمز ليس فريك
ا
اتحضير
رابي البصل وديرها في طنجرة مع اللحمة والزيت والبهارات الي قلت عليها وخليها تتقلا مليح حتى يدوب البصل
ومن بعد ديري جميع الخضر وخليهم يتقلاو شوية ومن مرقي 1.5 لتر ماء
وخليها تغلي على نار هادية
كي تشوفيها غلات ديري فنجان مرمز
وخليها طيب على نار هادية لمدة تقار1.2 ساعة يعني حتي تطيب الخضرة واللحم
ومن بعد كي تلقايها طابت
جيبي ميكسور ولا رحيوة تاع الخضرة الي متوفرة عندك ورحي جميع الخضر ماعدا لحمص
وفرغيهم في الطنجرة ورديهم يغليو غلية صغيرة يلا شفتيها ثقيلة بزاف زيديلها شوية ما على حساب ماراكي حابة خفيفة ولا ثقيلة
وطفي النار وديري شويى قسبر
وبصحتك الحريرة

وان شاء الله ان كون افدتك للعلم انا من ولاية اللشلف
زيدي ممكن عضوات اخريات من غليزان ولا تيارت و.... ممكن تختلف شوية على الشلافة
وصح فطرك وما تنسايناش من دعواتك في ظهر الغيب