هل تقبل بي زوجة ترفض العيش مع اهلك

[العربي عمروش]

المشاركة الأصلية كتبت بواسطة كريمة 82

وعلاش حتى باسييييييييييييينة إي واش بيه الدوش نورمال
وزيد أهل الزوج رايحين يخرجولكم ورقة عند الجوج إذا استحميتوا إن شاء الله كل يوم ولاّ ماما وماماك ما كانوش عايشين مع ناس دارهم جابوهم بالكورتاج مباشرة لمسكن وحدهم؟؟؟
وزيد واش فيها إذا حماتها قالتلها تلبس لباس مستور ومحترم؟
وما تقوليليش بلي طلقتها من وليدها لمجرّد أنها شافتها هكداك لوكان ما زادتش معاها في الكلام ما كانش أم مهبولة اطلق زوجة إبنها وتخربلوا بيتوا بلا سبّة.
إي واش رأيك كي نقولك بلي أنا لا ألبس القصير أو السروال أو الدي كوتي أمام أبي وإخوتي رغم أنهم يعتبروا محارم مي أنا يجيني عيب نلبس هكداك قدامهم.
وبالنسبة لزوجات إخوتي يلبسوا ويشيكوا وكل شيء المهم لباس مستور ومحترم ويرضي الخالق قبل المخلوق وما يزعفوش ويوصلوها للطلاق كي تقوللهم ماما ما تلبسوش هديك اللبسة وبالعكس كي يشروا أي لباس جديد يوروه لماما وإدا عجبها ووافقت عليه وممكن يلبسوه اللهم بارك وإدا لالا يبدلوه آآآآآ صح هكدا ترجع فيها تقييد حريات مي لوكان تسأليهم هوما يقولولك عادي عجوزة كي عجوزتنا تتحكم كيما حبت لأنها دايرتهم فوق راسها وهوما كيف كيف.
إي راكي حابة تفهميني بلي الراجل يتزوج غير باش يصيب وحدة نهار كاااااااااامل ضاربة فيه ربع لبسة وعلى وجها تابلوا بيكاسوا؟؟؟
علاش هادي هي الحياة الزوجية بالنسبة ليكم عرى وميك آب وفقط ومثلا إذا الزوجة بقات طيلة يومها بربع لبسة ولوحة غبارية على وجهها زوجها راح يشوفها أجمل وحدة في العالم ويحس روحوا بلي راه متزوج؟؟؟
سبحان الله كيف تغير في زمنكم مفهوم الزواج وكيف تغيرت نظرتكم للزواج أصبح في زمنكم وكأن الأمر مجرد فيلم أو مسلسل وأقول زمنكم لأني لحد الآن لم أفهمه ولم أستطع الإندماج فيه مي كيما تقول ماما الناس كيما انتوما اللي راهم عايشين.
ربي يجيب الخير
والسلاااااااااااااااااااااااام عليكم

اختي كريمة
الاخت كانت تقصد انو في البيت المستقل يجد الزوجان راحتهما ويجدان كل الحرية
والزوجة تجد الاستقلالية
وتتزين لزوجها كما تشاء
ومن حق الزوج ان يعود الى بيته ويجد زوجته في كامل اغرائها وانوثتها بل وتبرجها فهي في بيتها ومن حقها ذلك
افضل له من ان يترصد هذه المناظر في الشارع
انها حليلته ويحق له ان يستمتع بها على سنةالله ورسوله
وعري الزوجة في بيت زوجها ليس حراما وتزينها له ليس عيبا
ولا ادري لماذا تدافعون عن السكن مع الاهل
الشاب يتزوج ليدخل حياة جديدة ويكون اسرة جديدة ويتكل على نفسه
وانتم تريدونه ان يبقى مرتبطا بامه وابيه
وهو في النهاية اذا سكن في بيت مستقل لن يقاطع اهله بل سيزورهم كلما استطاع
نحن الان في زمن الاستقلالية ولم تعد هناك تلك العائلات على شكل دار سبيطار
الاخت معها حق ومن حقها ان تستقل بالبيت فذلك احسن
تقبلي مروري وشكرا