هل تقبل بي زوجة ترفض العيش مع اهلك

[نسائم الهدى]

المشاركة الأصلية كتبت بواسطة soumia benada

وعاء كبير قصدك بسينة كبيرة
انا قلت من الاول ان كان الزوج لا يقدر على توفير منزل منفرد لزوجته اكيد ستسكن مع اهله ام ان كان قادرا ويسكنها في بيت وحدة وتغسل في بسينة هذا بالنسبة لي بخل وليس طاعة الوالدين
بالعكس العائلات الجزائرية محافظة ومرات تحصل مواقف بين الازواج وين تحرج كل العائلة مانيش حابة ندخل في التفاصيل

لكن ان نربط طاعة الوالدين باسكان الزوجة مع اهل زوجها هذا مالا يتقبله عقلي
اعرف فتاة تطلقت لسبب ان ام زوجها راتها بملابس غير لائقة ولم تكن ملابس عارية جدا ولم يكن في البيت غير زوجها وامه رغم هذا لم تتقبل ام الزوج كنتها ان تلبس تلك الملابس امامها رغم انها ملابس عادية تلبسهم المراة امام المحرم
ومن طاعة الزوج لامه انه طلقها لانها امرته بذالك بحجة انهم عائلة محافظة
هذا مجرد مثال

فقط اتمنى ان نسمع ردود المتزوجين الي عاشو الحالتين

وعلاش حتى باسييييييييييييينة إي واش بيه الدوش نورمال
وزيد أهل الزوج رايحين يخرجولكم ورقة عند الجوج إذا استحميتوا إن شاء الله كل يوم ولاّ ماما وماماك ما كانوش عايشين مع ناس دارهم جابوهم بالكورتاج مباشرة لمسكن وحدهم؟؟؟
وزيد واش فيها إذا حماتها قالتلها تلبس لباس مستور ومحترم؟
وما تقوليليش بلي طلقتها من وليدها لمجرّد أنها شافتها هكداك لوكان ما زادتش معاها في الكلام ما كانش أم مهبولة اطلق زوجة إبنها وتخربلوا بيتوا بلا سبّة.
إي واش رأيك كي نقولك بلي أنا لا ألبس القصير أو السروال أو الدي كوتي أمام أبي وإخوتي رغم أنهم يعتبروا محارم مي أنا يجيني عيب نلبس هكداك قدامهم.
وبالنسبة لزوجات إخوتي يلبسوا ويشيكوا وكل شيء المهم لباس مستور ومحترم ويرضي الخالق قبل المخلوق وما يزعفوش ويوصلوها للطلاق كي تقوللهم ماما ما تلبسوش هديك اللبسة وبالعكس كي يشروا أي لباس جديد يوروه لماما وإدا عجبها ووافقت عليه وممكن يلبسوه اللهم بارك وإدا لالا يبدلوه آآآآآ صح هكدا ترجع فيها تقييد حريات مي لوكان تسأليهم هوما يقولولك عادي عجوزة كي عجوزتنا تتحكم كيما حبت لأنها دايرتهم فوق راسها وهوما كيف كيف.
إي راكي حابة تفهميني بلي الراجل يتزوج غير باش يصيب وحدة نهار كاااااااااامل ضاربة فيه ربع لبسة وعلى وجها تابلوا بيكاسوا؟؟؟
علاش هادي هي الحياة الزوجية بالنسبة ليكم عرى وميك آب وفقط ومثلا إذا الزوجة بقات طيلة يومها بربع لبسة ولوحة غبارية على وجهها زوجها راح يشوفها أجمل وحدة في العالم ويحس روحوا بلي راه متزوج؟؟؟
سبحان الله كيف تغير في زمنكم مفهوم الزواج وكيف تغيرت نظرتكم للزواج أصبح في زمنكم وكأن الأمر مجرد فيلم أو مسلسل وأقول زمنكم لأني لحد الآن لم أفهمه ولم أستطع الإندماج فيه مي كيما تقول ماما الناس كيما انتوما اللي راهم عايشين.
ربي يجيب الخير
والسلاااااااااااااااااااااااام عليكم