4 انواع قاطووووو من مطبخي

&أسيل& · 2011-04-04, 21:55

اقتباس:

المشاركة الأصلية كتبت بواسطة حب ربي*ملأ قلبي

يا خيتي يعطيكم ألــــــــــــــــف صحة و الله شفت قاطوك طرت بالفرحة
من الصيف و أنا ندور على طريقة الشامية وماعرفتهاش
.

إضغط هنا لرؤية الصورة بحجمها الطبيعي.

.
دارتهالنا وحدة في عرس ختي و جاااااااااااااااات رووووووووووووووعة محية باللوز ومن فوق حلوة الترك و البيستاش
تنفعيني بيها وليك دعوة بظهر الغيب

اليك المقادير حبيبتي
عجينة الفيلو
4 عبرات فرينة ( هنا عبرتها بعلبة لعسل نتاع رطل قطعتلنا 100 حبة) -نصف عبرة دهان-عبرة ماء الزهركامل ونرونوها بالماء حتى نتحصلو على عجينة طرية كيما نتاع البقلاوة ( ماشي طرية بزااااااف )
الحشو
3 عبرات لوز + عبرة ناقصة شوية سكر +زست نتاع الليمون و2 ملاعق سمن
طريقة التوريق
تحلي لعجينة في الرقم اللي قبل الرقم الاخير على حساب المشينة نتاعك ( نتاع لعجين ) يعني ماتكونش رقيقة بزاف كيما نتاع البقلاوة وديري 12 طبقة فوق بعضاهم وبين كل طبقة والاخرى تذرذري المايزينة طبقة كثيفة ( كثري باش ماتلصقش الطبقات مع بعضهم )وحلي بالرولو يعني تحلي الطبقات وهوما فوق بعضهم كي ترقاق ابداي انزعي فالطبقة الاولى انفضيها وحطيها جانبا ثم الطبقة الثانية ونفضيها من المايزينة وحطيها فوق الاولى وهكذا حتى تكملي كامل الطبقات وتقطعيهم بواسطة طابع مربع الشكل او كرطونة مقاس 7/7 سم وديري في كل مربع كرية من الحشو ووتقرصي على الجوانب ثم تغطسيهم من الفوق فالدهان الذائب وتستفيهم في صينية الفرن بعد مايطيبو (ماتخليهمش يحمارو بزاف)عسليهم مليح وذرذري فوقهم فالوسط البيستاش
ان شاء الله قدرت نوصلك الطريقة
واي سؤااال انا تحت امرك