عدنا من جديد

[المهزوز]

المشاركة الأصلية كتبت بواسطة مصريه جدا

وعليكم السلام ورحمة الله وبركاته
عودا حميدا اخى الكريم وليد
بس ليا تعليق على كلامك
مبارك مش حقير ياوليد ولاديكاتور مبارك انسان قبل كل شئ
غلط واخد عقابه
لايياخى الكريم مبارك ليس بحقير فيجب ان نتذكر حسنه واحده له
مبارك مريض الان ويجب بن ندعيله بالشفاء
وربنا معانا الفتره الجايه دى
وربنا يحمى مصر وشعبها من كل سوء يارب

الله يكرمك يا سارة
بصي يا سارة انا دائما معجب بآرائك وطريقة تفكيرك

الا في دي وانا اسف يمكن مش من حقي اقول كده

بس يعني انا بعتبرك اختي وربنا يعلم وحق الاخوة يديني الحق اني اعارض كلامك

خلينا في الاول في حتة انه مش ديكتاتور

طيب ازاي دي يا سارة

اعتقد ان محدش يختلف في دي

حكم 30 سنه وكان رافض يعين نائب وبيزور الانتخابات

وكان بيعد ابنه من بعده ولم يلتفت مرة واحدة لما يعانيه الشعب من قسوة عيش وامتهان كرامه
دمر مصر علي كل الاصعدة حتي السياسية

يا سارة انتخابات مجلس الشعب الاخيرة تقول انه مش ديكتاتور وبس ده قائد للديكتاتوريه في العالم

رفض حتي ان يكون للمعارضة حتي صوت ضعيف

حتي ال متعاطفين معاه مش ممكن يختلفوا علي ديكتاتوريته

اما انه حقير فياريتك يا سارة كنتي شاهدتي صور الشهداء الذين استشهدوا بجمال وخيول بلطجية الحزب الوطني

شباب في عمر الزهور من 15 حتي 30 سنه ذكور واناث

عايزة ايه تاني يثبت حقارته
واوعي تقولي ان هو مش مسئول

حتي لو كان عمل كده رجال اعمال رتبوا لكده

فده طبعا عشان مش عايزين عصره ال الفساد فيه بلغ مداه يزول

عارفين انهم مش ممكن يلاقوا عصر زي ده

وطبعا استحالة ال حصل يكون حصل من غير معرفته والايام حتثبت

سارة بدال ما تفكري فيه وتدعيلوا اقرأي الفاتحه علي ارواح الشهداء ال ايده ملطخة بدماءهم

ده غير الوزرا ال ممنوعين من السفر وكل واحد هابش علي الاقل 50 مليار جنيه من اموال الشعب
مش هو برضه ال اختارهم ولا حد تاني

مش هو ال جاب احمد نظيف ولا خياله

مش هو ال جاب رجال الاعمال وزرا ء

يعني هو اهبل وميعرفش انهم حيعملوا بيزنس لمصالحهم

طبعا بالمنطق دول رجال اعمال وبالمنطق هو مش اهبل اوي عشان ميفهمش

حرام عليكي يا سارة

ياريت تغيري توقيعك وتحطي دعاء للشهداء ال في عمر الزهور

ده اكيد احسن عند ربنا

اما الشيخ حسني فعاش بالطول والعرض وتسبب في كوارث وكنت اشعر ان الله لن يسامحه وستكون نهايته مزله

يا سارة افتكري الابرياء والغلابة ال العبارة غرقت بيهم

والسمك كلهم وشفت ده بعيني في الغردقة وساهمت في نقل الجثث المتآكله

يا سارة حرام عليكي

عموما استني شويه ويبان كل ال مستخبي

يا تري عارفة ثروته وثروة ولاده كام

لو كان عنده زرة كرامة كان استقال من اول يوم وجنب البلد الخسائر

بس هو حتي لاخر لحظة متمسك بالسلطة باسلوب عتاة الديكتاتورية

ولولا الجيش لتمسك بالسلطة لاخر نفس

راجعي نفسك يا سارة

احنا مش قليلو اصل

بس الراجل ده لا يستحق مني الا كل احتقار

ده لو بايده كان امر الجيش بضرب المتظاهرين

عموما يا سارة انا متفهم بعض دوافعك واهمها بالطبع طيبة قلبك وعاطفتك

بس خلي العاطفة علي جنب شوية وفكري بعقلانية وحتوصلي

شكرا اختي الكريمة