القياس لا يقاس على القاسية

[ل..ب..ن..ى]

السلام عليكم

بالموضوع موضوعان

موضوع قطيع الغنم والشابّة شااة ,,,,بحكم غنائها وانا ارى ان صوتها خشن
لايطرب آدان كانت لتنام
اعتقدت ان القطيع سيفيق لصوت الشاة المزعج
ولكن يبدو ان الكل يسامتع

بألحان والشابة شاة

نرجع للقضية الثانية
الجامعة الجزائرية

لعن الله شاهد الزور
لدلك لن اتكلم بغير الحقيقة

انا طالبة جامعية وأصَرِّح:

الحق الحق متهليين فينا
تعليم مجاني
الحواسب في المكتبات كامل جديدة
فيها انترنت
والخدمة لا باس بها
اقصد خدمة النت

الكتب متوفرة الله يبارك

يعني غير اللي ماحبش يقرا

المكاتب معمرة
يعني يحبوت يقراووا

البراتيك ....... ماعندي مانقول : كل شيء متوفر

قد يرى البعض انني استخف بالجامعة الجزائرية
واقول العكس لاكدب كل ما صرحت به في النهاية

لا فانا لا اخلط الامور
اتكلم بصدق
ولا استعمل الان اساليب الكناية والتشبيهات البليغة!!!

احيانا تنقص بعض المعدّات
كوني طالبة في ميدان الصحة
يعني ممكن نشكي ونقول ماداروناش فاكسان ضد بعض الامراض
كوننا اقرب المقربين للمرضى

ممكن العدوى تنتقل
ايهيه من حقنا نكوّن مناعتنا ضد بعض الامراض المعدية
خاصة الصدرية منها

بون ماراحش نزيد نشتكي نرجع للاول
الدولة موفرة للطلبة اللي يسكنو بعيد
سكن ......... قراتوي اقصد مجاني
الماكلة ........... بالمجان
النقل ............ بالمجان

تقولك اقرا ونزيد نخلصك من الفوق
كاين المنحة
4000 دج
في الثلاثي

نرجع نشتكي ضركا :
ونشتكي في حاجة قد يراها المتمدرس خصوصا بالقسم النهائي
قد يراها استفزازا له او غير دلك

لا يهمني ما يراها هو
المهم ان اصرح بها انا


البكالوريا هي السبب في تدني المستوى الجامعي

بكري كنا نقولو :
شكون ربح الباك؟؟؟
خاطر ماشي بزاف يربحو!!!

ضركا تقول:
كاش واحد خير الباك؟؟؟

كل من هب ودب يربح الباك!!!

لو كنت بالقسم النهائي ورايت ردي هدا
لغضبت وقلت في نفسي
لمادا الحسد!!!

لا حسد ولا هم يحزنون
انا مواطنة جزائرية ونحب الخير لبلادي

وكان جاوو صحاب الباك بطّلعو لقرايتهم للجامعات
يواصلون المشوار الدراسي وتكون عندهم رغبة في الاكتشاف
والتعلم
لا للحصول على ديبلوم!!!!!!

ورقة كامل راح ناخدوها في النهاية
ولكن ,,, باي الطرق تحصلت على شهادتك؟؟
هل انت راض عن ديبلونك؟؟؟

الاستاد حقار
او ربما قد يخطئ!!!

ولكن الاهم هو انت
هل تعلمت؟؟؟

ربي ماراحش يضيع عبده
اللي يتعب ينال

ايمالا اقرا بنية خالصة تنجح انت وتنجّح البلاد
وتبان الجامعة الجزائرية بين الجامعات

قالنا الاستاد قبل ايام
وكنا نحكيووا على واحد المرض
قال:

في الدول المتطورة عندهم العلم
وحنا عندنا ربي

يعني ربي ساترنا برك

وكان يكونو عندنا في زوج
ربّي والعلم
وين راح نلحقو؟؟؟!!!!

ننجمولها؟؟؟!!!

وعلاه لا؟؟!!!

لازم التوعيى برك
التوعية كلمة ساهلة ممكن تغير طريق بلاد كاملة

كما قد حصل في تونس خير دليل


شكرا لك
راني طوّلت في الهدرة اعتدر

سلااااااااام