وصفاتنا ..واطباقنا التقليدية العريقة..من حراير منتدى الجلفة

[x ام رحاب x]

زفيطي من عند ام رحاب
انا هادا المهراس اخدمت 2 خبزات
اتحطي في قصعة سميد الرطب واتحطي كل خبزة 2 مغارف زيت كبار وملح وعجنيه كي خبز الفطير انا عجنتو مليح باه مايجينيش يابس وقرصيه خبزات بصح لازم ايكونو خشان شوية باه مايجيكش الخبز يابس

وهادا الخبز ماتحمريهش بزاف باه مايجيكش يابس وكي اطيبي الخبز خليه يبرد وفتتيه مليح قد ماتصغري مليح

ماكونتش عارفة رايحة انحطو كون صورتلكم كامل المراحل
انا في هادا الخبزات اشويت قيس ر6حبات حار ورطل طوماطيش وراص توم اشويتو تاني و3 حبات فلفل ادريس يعني الفلفل الحار لحمر اليابس وربطة حشيش مقطفة يعني الكصبر انقعت فلفل ادريس في الماء الغالي وحطيتو مع الثوم وشوية ملح وادرستهم وزدت الحار والطماطم ادرستهم وزدت االحشيش المقطفة وزدت شوية ماء غالي ومع 2 مغارف كبار طماطم مصبرة وادرستهم حتان اترحاو وامبعد حكمت الخبز وانحط بشوية وندرس وساعات انزيد شوية ماء غالي باه ايكون جاري شوية ماشي عجينة ودوك وفي الاخير انحط راص الحانوت مغرفة وبسباس مرحي باه اجيكم بنين انحطلكم الصور تفهمو ان شاء الله
كاش سؤال راني اهنا باه انفهمكم مليح


ولازم اللبن مع الزفيطي والي يحب ادير زيت الزيتون باه ايحبس الحرور